Քահանայապետը Ճեմելիի մէջ, բարդ իրավիճակի մէջ կայուն, հանգստի և աղօթքի օր

Վատիկան Նիուզ – Հայկական Բաժանմունք

«Ֆրանչիսկոս Պապը հիւանդանոցի մէջ իր 22րդ օրը անցուցած է աղօթքի, հանգիստի ու դարմանումի պահերով, ներառեալ շնչառական ֆիզիոթերափիան» Լուրը կը հաղորդէ Սուրբ Աթոռի մամլոյ գրասենեակը, ուրբաթ 7 Մարտի երեկոյեան հրատարակած հաղորդագրութեան մը միջոցաւ ուր նաեւ նշուած է որ  «Կացութիւնը կը մնայ կայուն բայց բարդ համապատկերի մը ներքոյ ու կանխատեսումը կը շարունակուի մնալ վերապահուած»։

Նորին Սրբութիւնը առաւօտեան քսան վայրկեան աղօթած է հիւանդանոցի 10րդ յարկը գտնուող իր յարկաբաժնի քովնտի մատրան մէջ ու կատարած է որոշ աշխատանքներ։ Նախատեսուածին համաձայն Քահանայապետը օրուան ընթացքին թթուածնային հոսքին համար կը գործածէ քիթի անօթներ իսկ գիշերը ոչ ինվազիւ մեխանիքական օդափոխումը։ Վաղը կը հրապարակուի բժշկական նոր տեղեկագիրը։