Губернатарат Дзяржавы Ватыкан: новыя прызначэнні
Марыя Валодзіна - Vatican News
Як паведаміла 25 сакавіка 2025 года Зала Друку Святога Пасада, Францішак "унёс папраўкі ў Асноўны закон Дзяржавы Ватыкан ад 13 мая 2023 года і ў закон № CCLXXIV аб кіраўніцтве Дзяржавай Ватыкан ад 25 лістапада 2018 года", прызначыўшы двух генеральных сакратароў Губернатарата. Прызначэнне ўступіць у сілу 1 сакавіка 2025 года.
Адначасова Папа надаў сястры Рафаэле Петрыні, якая з 1 сакавіка 2025 года стане старшынёй Папскай Камісія па справах Дзяржавы-горада Ватыкан, а таксама старшынёй Губернатарата Дзяржавы Ватыкан, права вызначаць канкрэтныя абавязкі і задачы генеральных сакратароў.
Сястра Петрыні стане першай жанчынай-губернатарам Дзяржавы Ватыкан. Да гэтага часу яна займала пасаду генеральнага сакратара Губернатарата. Папа Францішак анансаваў яе прызначэнне 19 студзеня 2025 года падчас інтэрв’ю ў праграме Che tempo che fa на італьянскім тэлеканале Nove.
