Папа прызначыў сястру Петрыні на пасаду старшыні Губернатарата
Марыя Валодзіна - Vatican News
У афіцыйным паведамленні гаворыцца аб тым, што “Святы Айцец прызначыў з 1 сакавіка 2025 года старшынёй Папскай Камісія па справах Дзяржавы-горада Ватыкан, а таксама старшынёй Губернатарата Дзяржавы Ватыкан, сястру Рафаэлу Петрыні FSE, якая да гэтага часу з’яўлялася генеральным сакратаром гэтай установы”.
За некалькі тыдняў да афіцыйнага паведамлення Францішак сам анансаваў гэта прызначэнне падчас тэлевізійнага інтэрв’ю на італьянскім тэлеканале Nove. 19 студзеня 2025 года ён прымаў удзел ў праграме Che tempo che fa, далучыўшыся да яе па відэасувязі са сваёй ватыканскай рэзідэнцыі.
Сярод іншых пытанняў Пантыфік згадаў, што ў сакавіку 2025 года пасля сыходу на пенсію кардынала Фернанда Вергеза Альзагі, на пасаду старшыні Губернатарата Дзяржавы Ватыкан будзе прызначана законніца, сястра Петрыні. “Жанчыны ведаюць, як кіраваць, лепш за нас”, - так пракаментаваў тады сваё рашэнне Святы Айцец.
