ር.ሊ.ጳ ሊዮ የእግዚአብሔር ማዕድ ለሁሉም ሰው የተዘጋጀ ነው ማለታቸው ተገልጸ

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

በሮም ከተማ አቅራቢ በሚገኘው ካስቴል ጋንዶልፎ በመባል ከሚታወቀስ ስፍራ እሁድ ነሐሴ 10/2018 ዓ.ም ለተሰበሰቡት ምዕመናን በእለቱ ቅዱስ ወንጌል ላይ አስተንትኖ ሲያደርጉ፣ ርዕሰ ሊቃነ ጳጳሳት ሊዮ በዕለቱ በክፉ መንፈስ እየተሰቃየች በምትገኘው ልጇ የኢየሱስን እርዳታ ስለፈለገችው የባዕድ አገር ሴት በሚገልጸው በዕለቱ የወንጌል ክፍል ላይ አስተንትኖ አድርገዋል።

ቤተክርስቲያኗ ድንግል ማርያም ከልጇ ጋር ያላትን የማይበጠስ ትስስር - ሞት እንኳን ሊለየው የማይችለውን የሥጋና የነፍስ አንድነት - ስታስብ የጎርጎሮሳዊያኑን የቀን አቆጣጠር በሚከተሉ የካቶሊክ ቤተክርስቲያን ምዕመናን ዘንድ ባለፈው ቅዳሜ ነሐሴ 09/2018 ዓ.ም የተከበረውን የፍልሰታ ማርያም በዓልን በማስታወስ ነበር ቅዱስነታቸው አስተንትኖዋቸውን የጀመሩት።

ርዕሰ ሊቃነ ጳጳሳት ሊዮ እንደገለጹት፣ ክርስቲያኖች ኢየሱስን ለሚከተሉ ሰዎች ተመሳሳይ ፍጻሜ እንደሚመጣላቸው ያስታውሳሉ። የክርስቶስ ትንሣኤ፣ “ያለፈ ክስተት ሳይሆን፣ ወደ ውስጥ የሚስበን አዲስ ሕይወት ነው” ሲሉ አፅንዖት ሰጥተው ተናግረዋል።

ቀድሞ ሥር የሰደደ እምነት

ምንም እንኳን ከነዓናዊቷ ሴት የኢየሱስ ሕዝብ አካል ባትሆንም እና በባዕድ አገር ብትኖርም፣ ከእርሱ ጋር ለመነጋገር ያለማቋረጥ ትፈልግ ነበር በማለት የተናገሩት ርዕሰ ሊቃነ ጳጳሳቱ ኢየሱስን እንደ ደቀ መዝሙር ከእርሱ ጋር ግንኙነት እንደነበራት ደቀ መዝሙር ተከትላለች። ምናልባት ባይገናኙም፣ እምነት በውስጧ በሚስጥር ሥር ሰድዶ እንደ ነበር ተናግረዋል።

ሴቲቱ ለራሷ ምንም አልጠየቀችም። በምትኩ፣ ለመከራ ለተጋለጠችው ልጇ ሰላምን ፈለገች እና በኢየሱስ ላይ እምነት ጣለች፣ እርሱን መሲህ እና የዳዊት ዘር እንደሆነች በመገንዘብ ያሉ ሲሆን ወንጌል ያጋጠሟትን እንቅፋቶች አይደብቅም። ደቀ መዛሙርቱ እንደ አስጨናቂ ነገር አድርገው ይመለከቷታል፣ ኢየሱስ ራሱ ግን መጀመሪያ ላይ ልመናዋን ተቃሞ ነበር ሲሉ ተናግረዋል።

ነገር ግን ያልተጠበቀ ነገር ተከሰተ። ርዕሰ ሊቃነ ጳጳሳት ሊዮ እንዳሉት ከሆነ ኢየሱስ ለተልእኮው ታዛዥ ሆኖ ባየውና በሰማው ነገር እንዲነካው እንደፈቀደ አስረድተዋል። በመጨረሻም “አንቺ ሴት፣ እምነትሽ ታላቅ ነው! እንዳሰብሽው ይሁንልሽ” አላት ሲሉ ተናግረዋል።

በእግዚአብሔር ሥራ ተገርመዋል

ርዕሰ ሊቃነ ጳጳሳቱ ይህ ግንኙነት ዛሬ ለቤተክርስቲያን ጠቃሚ ትምህርት እንደሚሰጥ ተናግረዋል።ቤተክርስቲያኗ፣ በእግዚአብሔር ሥራ እንድትደነቅ እና የክርስቶስን ሰላም ከተቀመጡት ወሰኖች በላይ እንድታሰራጭ መፍቀድ እንዳለባት አስረድተዋል።

መለኮታዊ ጸጋ ብዙውን ጊዜ የቤተክርስቲያኗን ተልዕኮ ከፊት በመሆን ይመራል፣ በሰው ህሊና በጥልቀት ይሰራል። እያንዳንዱ ግንኙነት - ያሉትን እቅዶች የሚያደናቅፉ እንኳን - ስለዚህ ክርስቲያኖች በትኩረት ማዳመጥ እና እግዚአብሔር ሊገልጸው ለሚፈልገው ነገር ዓይኖቻቸውን እና ልባቸውን እንዲከፍቱ ይጠይቃል ብለዋል።

ከከነዓናዊቷ ሴት ክርስቲያኖች ትሕትናን እና ቆራጥነትን ይማራሉ ያሉት ርዕሰ ሊቃነ ጳጳሳት ሊዮ እምነቷ “የእግዚአብሔር ማዕድ ለሁሉም ሰው የተዘጋጀ ነው” እና ማንም ሰው ለፍርፋሪ ብቻ መተው እንደሌለበት ያስተምራል፣ ምክንያቱም እያንዳንዱ ሰው ከአብ ጋር ቦታ አለው ሲሉ ተናግረዋል።

በዚህ እምነት ብርሃን ሲታዩ፣ ርዕሰ ሊቃነ ጳጳሳቱ እንዳሉት ከሆነ፣ የእግዚአብሔር ወንዶች ልጆች እና ሴቶች ልጆች ክብርን የሚረግጡ አለመመጣጠን፣ መድልዎ እና እንቅፋቶች የማይቋቋሙ ይሆናሉ ያሉት ርዕሰ ሊቃነ ጳጳሳት ሊዮ ቤተክርስቲያኗ “ሰላምን በሚፈልግ በችግር በተሞላ ዓለም ውስጥ የምትኖር” የኢየሱስ ክርስቶስ ቤተክርስቲያን እንደሆነች ገልጸዋል።

የማርያም የውዳሴ መዝሙር “ከሁሉም በላይ የተነገረ ጠንካራ እና እጅግ ፈጠራ ያለው መዝሙር” መሆኑን በማስታወስ፣ ማርያምን ስለ እነርሱ እንድታማልድ እንዲጠይቁ ጋብዘዋል።

እውነታውን በእግዚአብሔር ዓይን የሚያይ እና በዚህም ምክንያት ተስፋን የማያጣ ሰው መዝሙር ነው፣ ነገር ግን በፍቅር የሚሰራ መዝሙር ነው ካሉ በኋላ ቅዱስነታቸው አስተንትኖዋቸውን አጠናቀዋል።