Zaidi ya watoto 1,5000 ni waathrika wa biashara haramu barani Ulaya!
Na Angella Rwezaula – Vatican.
Save the Children imetoa tahadhari wakati wa kuelekea kilele cha Siku ya Kupinga biashara Haramu ya Binadamu itakayofanyika tarehe 30 Julai 2026 kuwa ni: "Jambo linalozidi kuwa na wasiwasi." Katika taarifa yao inabainisha, kwa miezi sita ya kwanza ya 2026, waathiriwa 1,581 wa biashara haramu ya binadamu waliripotiwa nchini Italia, wakiwemo watoto 95, wakiwakilisha 6% ya jumla. Katika kipindi hiki, kuenea kwa watoto wa kiume kulithibitishwa zaidi: 80, au 84% ya watoto, walikuwa na umri wa miaka 17(59 kati ya 80), na wengi wao walitoka Bangladesh (kesi 46). Kulikuwa na watoto 15 wa kike, wengi wao wakiwa kati ya umri wa miaka 16 na 17, na walitoka katika maeneo tofauti zaidi ya kijiografia.
Visa vya 2024-2025
Kati ya visa vilivyoripotiwa, 847 vilichukuliwa katika huduma mwaka 2025 kulingana na Mfumo wa Kompyuta wa Kukusanya Taarifa kuhusu Biashara Haramu ya Binadamu (SIRIT), na ongezeko dogo likilinganishwa na 817 vilivyorekodiwa mwaka 2024. Kuna watoto 22, au 2.6% ya jumla, na kuna idadi ndogo ya wasichana, sawa na 12, wengi wao wakitoka Nigeria (4) na Ivory Coast (3), huku wavulana 10 wakitoka Bangladesh (6). Watoto wa miaka kumi na saba wanaongoza (14 kwa jumla, ambapo 6 ni wasichana na 8 ni kiume). Sicilia nchini Italia inabaki kuwa eneo kuu la kuibuka tukio hili likiwa na visa 12.
Katika nusu ya kwanza ya 2026, watu 350 walichukuliwa katika huduma. Watoto wadogo wanawakilisha 2% ya jumla, huku jumla ikiwa na visa 7. Hawa ni wasichana watano wenye umri wa miaka 16 na 17 na wavulana wawili, wote wakiwa na umri wa miaka 17. Kwa Kimataifa, kulingana na takwimu ya hivi karibuni inayopatikana ya mwaka 2022, zaidi ya mmoja kati ya waathiriwa watatu wa biashara haramu ya binadamu ni mdogo (38% ya jumla ya watu 68,836 ambao umri wao ulirekodiwa, au zaidi ya watoto na vijana 26,000), idadi ambayo huenda ikapunguzwa.
Takwimu za shirika kuelekea Siku ya Kimatafia dhidi ya biashara haramu ya binadamu
Takwimu inayotolewa kila mwaka na Save the Children—shirika la kimataifa ambalo limekuwa likipambana kwa zaidi ya miaka 100 kuwaokoa wasichana na wavulana walio hatarini na kuwahakikishia mustakabali, katika hafla ya Siku ya Kimataifa Dhidi ya Biashara Haramu ya Binadamu, ambayo huadhimishwa kila ifikapo Julai 30. Katika miaka ya hivi karibuni, hali ya biashara haramu ya watoto na unyonyaji imekuwa ngumu na yenye nguvu zaidi, ikichochewa na migogoro ya kimataifa inayohusiana kama vile migogoro ya silaha, dharura za kimazingira, kuzorota kwa usawa wa kiuchumi na kijamii, na uhamiaji wa kulazimishwa, ambao huwaacha watoto wengi katika hatari kubwa.
Idadi ya visa kupungua japokuwa visa vingi kupitia teknolojia za kidijitali
Idadi hiyo imepunguzwa, lakini kila mwaka, mamilioni ya wasichana, wavulana, na vijana wanahusika katika aina mbalimbali za unyanyasaji, na teknolojia za kidijitali, ikiwa ni pamoja na AI, zinabadilisha sana njia za kuwapata, kuajiri, "Unyonyaji na udhibiti wa watoto, na kufanya matukio haya yasionekane na kuenea zaidi," alisema Antonella Inverno, Mkuu wa Utafiti na Uchambuzi katika Shirika la Save the Children.
Kwa njia hiyo "Save the Children imekuwa ikitoa wito kwa miaka mingi kuimarisha mfumo ulioratibiwa wa utambuzi na ulinzi kati ya taasisi na asasi za kiraia ili kuhakikisha utambuzi na ulinzi wa watoto wahanga wa biashara haramu ya binadamu na unyonyaji. Hili linafanikiwa kupitia usaidizi wa kibinafsi, ikiwa ni pamoja na mapokezi, usaidizi wa kisaikolojia, matibabu, na kisheria, na mbinu nyeti kwa umri na jinsia ambayo pia inashughulikia masuala yanayohusiana na aina mpya za unyonyaji na biashara haramu ya binadamu inayowezeshwa na zana za kidijitali."
Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku: Just click here.
