Ethiopia:Wito kutoka kwa Viongozi wa Kidini na Asasi za Kiraia:Watu wa Tigray Waomba Amani
Na Sr. Christine Masivo, CPS – Vatican.
Viongozi wa kidini na kiraia wanaomba amani huko Tigray. Kanisa la Orthodox la Tigray Tewahedo, ambalo linapinga aina hizi za vurugu, linalaani umwagaji damu unaoendelea likitangaza, "Mauaji kati ya ndu na ndugu lazima yakome." Vile vile Jukwaa la Diplomasia ya Umma la Tigray, ambalo lilikumbusha pande zote kuhusu wito wao wa awali wa amani mnamo tarehe 1 Februari 2026. Viongozi wa Kanisa walisisitiza kwamba vurugu zinazoendelea huongeza mateso na kuharibu hali ya kimaadili na kijamii ya eneo hilo.
Wito wa kukomesha migogoro
Kwa mujibu wa taarifa za Shirika la kipapa la habari za Kimisionari (Fides,) mapigano ya ndani yanayoendelea katika sekta zingine yamesababisha hofu kubwa, licha ya dalili za utulivu katika sehemu ya Kusini ya eneo hilo. Kanisa la mtaa linawatetea wasio na sauti pamoja na vikundi vya kiraia vinavyoomba kukomeshwa kwa vurugu, na kukumbatia mazungumzo yaliyoongozwa na ujumbe wa "Mfalme wa Amani."
Pande zote kusuluhisha mizozo kupitia njia za amani badala ya mapambano ya kutumia silaha. Lilirudia hitaji la kusitisha mapigano mara moja na kuwataka wadau wote kuandaa mazingira ya mazungumzo jumuishi. Wito kwa vyama vya kiraia, viongozi wa kidini, wazee wa jamii na watendaji wenye ushawishi wanaitwa kuimarisha juhudi za upatanishi na kusaidia kuwaleta wapiganaji na viongozi wao kujadiliana. Kuzingatia kunapaswa kulenga upatikanaji wa kibinadamu, kutoa huduma ya matibabu ya haraka kwa waliojeruhiwa, na kukuza uandishi wa habari unaowajibika ili kuzuia kuongezeka zaidi kwa mapigano na taarifa potofu. Hii ni kutokana na mapigano yanayoongezeka yaliyoanza Januari 2026.
Migogoro kuzidi
Katibu Mkuu wa Umoja wa Mataifa Bwana António Guterres na Mwenyekiti wa Umoja wa Afrika Mahmoud Ali Youssouf Khatibu, alielezea wasiwasi mkubwa kuhusu uwezekano wa athari kwa raia na hatari ya migogoro mipana ya kikanda, wasiwasi. Hii inazua wasiwasi mkubwa kwamba kuna hatari ya mzozo mpana wa kikanda na waangalizi wameonya kwamba ukosefu wa utulivu mpya unaweza kuivuta tena Eritrea jirani katika mzozo huo.
Mashirika ya kibinadamu pia yametoa tahadhari hiyo, yakionya kwamba Tigray haijajiandaa vizuri kwa kurudi kwenye vurugu kubwa. Kwa juhudi za ujenzi upya bado ziko katika hatua zake za mwanzo, wimbi jipya la mapigano linaweza kusababisha kukatika kwa mawasiliano, kusimamishwa kwa safari za ndege, na kuwekwa tena kwa hali ya kutengwa na "kufungwa" ambayo iliashiria kipindi chenye giza zaidi cha vita vya 2020-2022. Huku kukiwa na hofu inayoongezeka, viongozi wa kidini na kiraia wanaendelea kusisitiza kwamba amani inabaki inawezekana lakini tu ikiwa pande zote zitachagua kujizuia, mazungumzo, na ulinzi wa maisha ya raia badala ya mantiki ya vita.
