Sudan Kusini na amani dhaifu,zaidi ya watoto 825,000 wako hatarini kupata utapiamlo

Na Valerio Palombaro – Vatican.

Kati ya kuongeza kwa vurugu katika majuma ya mwisho kwenye mikoa ya Jonglei, Umoja na Ikweta, imesababisha zaidi ya watoto 825.000 huko Sudan Kusini kuyumbishwa na utapiamlo wa kutisha. UNICEF imetoa tahadhari ya hivi karibuni kuhusu kuzorota kwa hali ya kibinadamu na usalama nchini Sudan Kusini. Lakini katika siku za hivi karibuni, licha ya kupuuzwa kwa vyombo vya habari, Baraza la Usalama la Umoja wa Mataifa pia limeelezea "wasiwasi mkubwa" kuhusu mapigano yanayoongezeka katika mikoa ya Jonglei na Ikweta Mashariki, pamoja na maeneo mengine ya Sudan Kusini ya kati na kaskazini, likitoa wito kwa pande zote zinazohusika kupunguza mvutano mara moja na kusitisha uhasama.

Kurudi kwenye mazungumzo

Baraza la Usalama limetoa wito kwa pande zote kushiriki katika mazungumzo ya amani, likisisitiza kwamba hali inayozidi kuwa mbaya na ukiukwaji wa makubaliano ya amani ya 2018 unadhoofisha utulivu wa kitaifa na kuzidisha mahitaji ya kibinadamu. Katika Mkoa wa Jonglei pekee, UNICEF inaripoti, takriban watu 280,000 wameyakimbia makazi yao; wengi wao ni wanawake na watoto. "Tunaamini 53% ya waliokimbia makazi yao ni watoto," shirika la Umoja wa Mataifa linaripoti. Kwa baadhi, hii ni mara ya pili au ya tatu kulazimishwa kukimbia. Walikimbia bila chochote; wanalala katika kambi za wakimbizi zilizobaki kutokana na vita vya wenyewe kwa wenyewe, ambapo huduma za msingi hazipo.

Mikataba ya 2018

Hali ya usalama ni dhaifu sana. Sudan Kusini, nchi changa zaidi duniani, huru tangu 2011, ilitumbukia katika vita vya wenyewe kwa wenyewe mwaka 2013 kufuatia mzozo wa kisiasa kati ya Rais Salva Kiir na aliyekuwa Makamu wa Rais wakati huo Riek Machar. Licha ya makubaliano ya amani ya 2018 na kuundwa kwa serikali ya umoja wa kitaifa, mivutano na mapigano ya silaha kati ya vikosi vya serikali ya SSPD na SPLA-IO yanafufuka polepole lakini bila kuepukika. Machar, makamu wa kwanza wa rais tangu makubaliano ya 2018, amekuwa chini ya kifungo cha nyumbani tangu Machi 2025 na yuko mahakamani.

Wito wa Kanisa la Eneo

Kardinali Stephen Ameyu Martin Mulla, rais wa Baraza la Maaskofu wa Sudan Kusini, alionesha wasiwasi na mshangao kwa "ukosefu wa heshima kamili kwa utekelezaji kamili wa Mkataba wa Amani Uliofufuliwa,"kusainiwa mwaka 2018 huko Addis Ababa. "Tunarudia wito wetu wa mazungumzo, umoja, amani, na maridhiano," Kardinali alisema, huko akinukuu ombi la Papa Francisko kwa viongozi wa Sudan Kusini mwaka 2023: "Hakuna umwagaji damu tena." "Wito huo " Kardinali  Mulla alihitimisha, "si mali; ni wanadamu, na ni vizuri kujua maumivu yao, njaa yao ya amani, na hamu yao ya kuishi kwa uhuru."

Asante kwa kusoma makala yetu. Unaweza kuendelea kupata taarifa mpya kwa kujisajili kwenye jarida letu la kila siku: Just click here.