"Tumaini linatibu" ni mada ya mkutano kuhusu tiba shufaa jijini Roma!
Vatican News
Katika Jumba la kumbu kumbu la Roho Mtakatifu huko Sassia, jijini Roma, Ijumaa alasiri tarehe 4 Aprili 2025 umefanyika mkutano wenye maada: “Matumaini yanatibu. Ni haki gani katika ugonjwa usioweza kupona? Hii imekuwa ni fursa ya kutafakari na kujifunza katika maadhimisho ya miaka kumi na tano tangu kuanza kutumika kwa Sheria namba 38 ya 2010 kuhusu huduma shufaa na tiba ya maumivu, nchini Italia ikiwa ni sehemu ya Jubilei ya Wagonjwa na Ulimwengu wa Afya inayoadhimishwa mwishoni wa Juma hili mjini Roma. Wazungumzaji walikuwa ni wengi, wakiwemo madaktari, wanasaikolojia, wanasheria, maprofesa wa Sheria ya Kikatiba, wawakilishi wa Chuo Kikuu cha Ulaya cha Roma na Hospitali ya Kipapa ya Bambino Gesù, ambao walibadilishana maoni yao, huku yakilenga "kuweka matumaini katika kitovu hicho kama sababu ya utunzaji katika ugonjwa usiotibika.
Mwaliko wa Papa
Mkutano huo, umelenga kuakisi umuhimu wa kutoa huduma shufaa katika magonjwa yasiyotibika, ili kuhakikisha hadhi ya mgonjwa, ulipewa msukumo na mwaliko wa Papa Francisko uliomo katika Hati ya Kutangaza Mwaka wa Jubilei, 2025 wa Spes non confundit mahali ambapo anaandika kuwa: “kutibu ni wimbo wa hadhi ya binadamu, wimbo wa umoja wa matumaini kama jamii nzima.”
Mahitaji ya kiroho ya mgonjwa
Maendeleo katika sayansi ya matibabu na teknolojia yamewezesha kufikiwa kwa malengo muhimu, ambayo hayakufikiriwa hapo awali, kutoa chaguzi mpya za matibabu kwa aina nyingi za magonjwa. Leo, hata hivyo, teknolojia ya kupindukia ya dawa wakati mwingine inaonekana kupoteza ubinadamu ambao ni sifa ya sanaa ya matibabu. Wakati mwingine tunasahau mahitaji ya kiroho ya mgonjwa, ambayo yanajidhihirisha katika ugonjwa usioweza kupona kama mateso ya kisaikolojia, hasa katika hatua ya juu. Kwa hivyo, utunzaji wa kibinafsi huanza na utambuzi wa ugonjwa kama tukio la kiafya lakini pia la uwepo, jambo ambalo linahusu mtu mzima.
Mtazamo wa fani nyingi
Katika muktadha huo, thamani ya huduma shufaa lazima igunduliwe tena, ambayo inadhihirishwa, hasa, katika nyanja ya jumla ya utunzaji, katika usimamizi wa maumivu ya jumla ya mgonjwa, katika hali ya mwili, kisaikolojia, uwepo, kijamii, katika uingiliaji wa mapema lakini pia katika msaada unaotolewa kwa mhudumu wenyewe na kwa wafanyakazi wa afya. Kwa hiyo wazo muhimu katika dawa ya kutuliza, kugunduliwa tena, pia ni tumaini. Mkutano huo umechambua vipengele hivyo kwa mtazamo wa fani mbalimbali, kuanzia yale ya kimaadili na kimatibabu hadi kufikia yale ya kisaikolojia na ya kisheria, yanayounganishwa na matumizi madhubuti ya sheria n. 38 ya 2010, sheria inayozingatiwa kati ya zilizoendelea zaidi barani Ulaya, lakini bado haijatekelezwa kikamilifu.
Bado inakosekana huduma ya tiba shufaa
Baada miaka 15 tangu kuingia sheria kuanza kutumika, utoaji wa huduma hiyo bado haupo, kuna ukosefu mkubwa wa usawa wa eneo, kuna ukosefu wa habari, utafiti na mafunzo juu ya mada hiyo, kuna ukosefu wa msaada wa kisaikolojia na kijamii kwa wagonjwa na walezi, kuna vituo vichache sana vya Huduma Shufaa kwa watoto nchini Italia yote. Leo, kwa hivyo, maendeleo ya Mitandao yaliyotolewa na sheria ya 2010 inapaswa kuwakilisha kipaumbele kwa sera za afya.
Ikumbukwe katika Jubilei ya Wagonjwa, inatarajiwa kuudhuriwa na mahujaji elfu 20 kutoka ulimwenguni kwa siku mbili ya tarehe 5 na 6 Aprili 2025 jijini Roma.
