Kard.Tagle:Onesheni ulimwengu uliojeruhiwa na vita na dhuluma kuwa umoja unawezekana

Vatican News

Katika hafla ya ufunguzi wa Mkutano Mkuu wa Vyama vya Kipapa vya Kimisionari(PMS), kuanzia tarehe 27 Mei 2026, Kardinali Luis Antonio Tagle alipendekeza tafsiri mpya ya kiroho ya Ujumbe wa Papa Leo XIV ya Siku ya Kimisionari Ulimwenguni kwa 2026, akichota msukumo kutoka katika sala ya Yesu kwa ajili ya umoja na uzoefu wa jumuiya za kwanza za Kikristo. Ujumbe wa Papa ulichapishwa tarehe 25 Januari 2025 sanjari na siku ambayo liturujia ya Kanisa inaadhimisha uongofu wa Mtume Paulo. Siku ya Umisionari Duniani(WMD) ilianzishwa miaka mia moja iliyopita, mnamo 1926, na Papa Pio XI, na mwaka huu itaadhimishwa tarehe 18 Oktoba 2026.

"Mmoja katika Kristo na kuunganishwa katika utume"

Kardinali alikumbuka kwamba mada ya Ujumbe wa Papa Leo XIV, “Mmoja katika Kristo, umoja katika utume, inaakisi kauli mbiu yake ya kipapa yenye asili ya Kiagostino ya In Illo uno unum. Mwenyekiti mwezi wa Baraza la Kipapa la Uinjilishaji, Kitengo cha Uinjilishaji wa kwanza na Makanisa mahalia, aliwasilisha ufafanuzi wa sura ya 17 ya Injili ya Mtakatifu Yohane, ambamo tafakari ya Papa ina mizizi yake, hasa sala ya Yesu: "Siwaombei wao tu" yaani, kwa ajili ya wanafunzi, lakini pia kwa ajili ya neno lao, ili ninyi nyote mpate kuwa shukrani kwa ajili yangu. Baba, wewe uko ndani yangu, nami ndani yako, hao nao wawe ndani yetu, ili ulimwengu upate kusadiki ya kwamba wewe ndiwe uliyenituma.” "Niruhusu nisisitize sehemu hii ya sala ya Yesu: ili wote wawe kitu kimoja”, alisisitiza Kardinali, “kwa sababu ndani yake nyuzi zote za taalimungu, kiroho, Utatu, Upadre na utume zinapatikana.”

Maombi ya Yesu kabla ya kifo chake

Kardinali Tagle aliwaeleza kuwa haya ni maombi ya Yesu kabla ya kifo chake. "Na tunaamini kwamba, akiketi mkono wa kuume wa Baba, akituombea, anaendelea kuomba." Kwa hiyo "endeleeni kuelekeza maombi haya kwa Baba: ili wote wawe kitu kimoja." Umoja ambao Yesu anaombea," Kardinali aliendelea, “si suala la kupangwa tu, kupanga, mkakati, lakini ushirika wa kimungu, unaoshirikishwa na wanafunzi, na ambao wanafunzi wanaalikwa, kwa neema, kushiriki." Umoja ni zawadi: “Umoja ambao Yesu anatamani, na ambao Yesu anatuombea, na ambao tunapewa kwa imani katika sakramenti ya ubatizo. Ni aina hii ya ushirika wa kiroho na wa kikanisa tunaopewa... hivyo tunapotayarisha viunga vyetu vya katekesi kwa ajili ya Siku ya Kimisionari  Duniani, kwa kuitikia wito huu wa Baba Mtakatifu wa kuwa wamoja katika Kristo na kwa hiyo "wawe wamoja katika utume" Kardinali aliongeza " ninatumaini kwamba hatutasahau kurejea katika kipengele hiki cha msingi cha ushirika wa Wakristo, ambao mara nyingi hupuuzwa kuwa ni upendeleo au aina nyinginezo." Kwa Kardinali, huu ndio msingi hasa wa utume: “Tunapozungumzia Ubatizo kuwa ni sakramenti ya imani, na pia sakramenti ya utume, tunapaswa kurejea katika kipengele hiki cha msingi cha umoja, cha ushirika na Utatu”.

Umoja, hali ya uaminifu wa kimisionari

"Katika sala ya Yesu, sio umoja wa watu wanaoambiana: 'Ninakutazama, unanitazama, ninakutabasamu kwako na wewe unatabasamu kwangu, tumeunganishwa,  na tuko kwa ajili ya wema pamoja." Kwa Yesu, umoja,  umoja wa kweli wa kiroho na jumuiya ya kikanisa halisi  ambao  haugeuzwi ndani.”  Umoja wa Wakristo, katika sala ya Yesu, ni kama hali ya kimisionari: "Hali ya uhalisi na uaminifu wa kimisionari. Umoja wa Wakristo ni tamko la kimisionari la Mungu wetu ni nani. Tunasema kwa njia fulani: 'Tutazameni, kwa maana Mungu wa ushirika anakaa ndani yetu.' Maisha ya Wakristo yanapaswa, kuwa Neno hai lenyewe kwa ulimwengu."

Kuanzia Mtakatifu Paulo, anachokiita “fumbo la umoja wa kimisionari, Kardinali aliongeza: Utofauti wa karama, lugha mbalimbali, utofauti wa vizazi, lakini wote  ni washiriki wa mtu mmoja na mwingine, wakijaliana, wakitenda kazi kwa manufaa ya wote. Huu ni umoja wa kimisionari, uhuishaji wa kimisionari." Kisha Kardinali aliibua kwa uchungu hali za migawanyiko ya ndani,  na hata ya vurugu, ambayo inaharibu uaminifu wa tangazo la Injili, hasa katika maeneo ya uinjilishaji wa kwanza: "Kilicho hatarini si kabila langu, wala eneo langu. Kilicho hatarini ni: je, watu wataamini kwamba Yesu alitumwa na Baba?”

Jumuiya za kwanza za Kikristo, dhana ya utume

Ili kuonesha wito wa Papa Leo XIV Kardinali alielezea juu ya mitume wa kwanza kwamba " wao walikuwa waangalifu katika mafundisho ya mitume, katika kusali, na katika kuumega mkate, na katika kugawana mali." kwa njia hiyo ubora wa maisha ya jumuiya yaani "Umoja" ukawa tangazo la kimisionari. Watu, wakiwaona, labda kwa udadisi, walianza kujiunga na jumuiya."  Jumuiya hizi za kwanza, ambazo Luka anaandika kwamba walikuwa na "moyo mmoja na roho moja" na kwamba waliweka kila kitu sawa, waliweza kuunda upeo wa maisha ya sasa ya kikanisa. Kwa njia hiyo Kardinali alisisitiza kwamba "Kama ninavyoelewa, Baba Mtakatifu anaomba  parokia zetu,  jimbo zetu, jumuiya zetu za kitawa, shule zetu, kuishi hii, na kuifanya kuwa kanuni ya maisha, ili kwamba ushirika huu pia uwe mtangazaji wa nani".

Katika dunia iliyochanika,kujeruhiwa na kugawanyika

Katika dunia "iliyochanika, iliyojeruhiwa, iliyogawanyika na mashindano, ukosefu wa usawa, ubaguzi, ukosefu wa haki, na vita," Kardinali alisisitiza kwamba "Ujumbe wa Papa Leo XIV unarudia utume sahihi kwa Kanisa kuwa: "Onesheni ulimwengu kwamba umoja unawezekana, na kwamba umoja ni halisi." Katika umoja wetu na Bwana na katika umoja wetu sisi kwa sisi, shukrani kwa umoja wetu na Bwana,  tunapaswa kuwa na uwezo wa kusema kwa ulimwengu, kwa maneno yetu na, tunatumaini, na maisha ya jumuiya yetu kuwa: 'Umoja unawezekana. Umoja ni kweli. Tazama Mwili wa Kristo," Kardinali Tagle alisisitiza.

Utume uliojikita katika upendo

Sehemu ya tatu ya Ujumbe wa Papa Leo XIV,  kuhusu: "Ubatizo unazaliwa upya, unapyaishwa na Mungu ambaye ni upendo, Kardinali Parolin alisisitiza kwamba "Tumeumbwa upya kwa mfano wa Mungu wa Utatu ambaye ni upendo." Tunapobatiza, hatubatizi kwa jina letu: itakuwa njia ya uhakika ya kuunda mgawanyiko. Tunafanya hivyo kwa jina la Baba, la Mwana na la Roho Mtakatifu, na mtu huyo anakuwa mtu wa ushirika." Akikumbuka ziara ya kutembelea kambi ya wakimbizi huko Lebanon, Kardinali huyo alitoa ushuhuda jinsi utume wa upendo unavyomfanya Kristo atamanike: katika kipindi hicho akihojiwa na baadhi ya wakimbizi kuhusu sababu ya kuwapo kwa Wakristo kutoka nchi mbalimbali ili kusaidia wakazi wa huko, alijibu hivi: “Kwa sababu Bwana na Bwana wetu, Yesu Kristo, alitufundisha kumpenda kila mtu." Ndiyo maana tuko hapa." "Wakati huo, msichana mdogo alijibu: "Ninataka kukutana na huyu Yesu. Ni lazima awe rafiki mzuri."

"Tumeitwa kweli, kama Wakristo,mtu mmoja mmoja na jumuiya,kuishi zawadi  ya ushirika"

Ni nguvu hii ambayo Kardinali Tagle alipendekeza kwa wakurugenzi wa kitaifa zaidi ya mia moja wa PMS ilikuwa: "kusaidia kila mtu, tangu utoto, pia  kupitia huduma  iliyowekwa kwa ajili ya  utoto wa kimisionari, "kukataa ishara zote za mgawanyiko uliopo katika uwepo wetu, na kuchagua umoja katika Kristo, ili kushuhudia aina nyingine ya ushirika." Na Kwa kuhitimisha Kardinali alibainisha kuwa: “Kwa kuzingatia maadhimisho yote mazuri tunayoadhimisha mwaka huu, ujumbe wa Papa Leo XIV na mazingira ya sasa ya kimataifa, naamini kwamba tumeitwa kweli, kama Wakristo, mtu mmoja mmoja na jumuiya, kuishi zawadi hii ya ushirika. Kupitia ubatizo, sisi ni wa kila mmoja wetu. Na mali hii inaishi kikamilifu katika kujaliana, katika kutunzana kwa manufaa ya wote, na inakuwa ushuhuda wa kimisionari kwa ulimwengu wa leo."

Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku: Just click here.