Watu wa asili na Kanisa wazindua jukwaa la kuondoa uchimbaji wa madini

Vatican News

"Iglesias y Minería" ni mtandao wa kiekumeni wa mashirika, vikundi vya makanisa na wanaharakati wa haki za Watu wa Asili Amerika Kusini unaofanya kazi kusaidia Jamii zilizoathiriwa na uchimbaji wa madini. Pamoja na wawakilishi wa makanisa, ilizindua Jukwaa la Kimataifa la Kuondoa Uchimbaji wa Madini unaoathiri Jamii za Kiasili  hivi karibuni tarehe 20 Machi 2026 katika ukumbi wa Vyombo vya Habari vya Vatican. Yolanda Flores, kiongozi wa Aymara kutoka Peru, alielezea wasiwasi wa mazingira na afya unaohusiana na uchimbaji wa madini katika maeneo ya Asili. Jamii, hizi zinatafuta uchunguzi wa uchafuzi na athari ya madini yenye nguvu. Akitoa ushuhuda wake wakati wa mkutano na waandishi wa habari katika Ofisi ya Vyombo vya Habari ya Vatican, Flores aliomba msaada katika kutathmini athari na kutambua wale wanaohusika na kufadhili shughuli za uchimbaji wa madini. Pia alitoa wito wa upatikanaji wa elimu, ushirikiano wa kichungaji, na mwonekano zaidi wa madai ya Asili.

Kardinali Baggio: ukimya si chaguo

Kardinali Fabio Baggio, katibu msaidizi wa Baraza la Kipapa la kuhamasisha Maendeleo fungamani ya Binadamu, alisema uchimbaji wa madini mara nyingi umetokea bila kushauriana na jamii za wenyeji na bila kuzingatia mipaka ya mfumo wa ikolojia. Jukwaa la uhamishaji wa madini katika tasnia ya madini, alielezea, linatafuta kuwa ishara halisi ya ubadilishaji huo muhimu, ambao sio uamuzi wa kiufundi au kifedha tu. "Ni kitendo cha mshikamano na imani yetu, kwa ulinzi wa utu wa binadamu, na kwa kujitolea kutunza Nyumba yetu ya Pamoja. Ni muhimu kusikiliza sauti za jamii wanaopitia changamoto na migogoro inayosababishwa na uchimbaji madini halali na haramu. Hatuwezi kukaa kimya tunapokabiliwa na dhuluma dhahiri."

Jamii za wenyeji: maskini, wamedanganywa, wamenyonywa

Kardinali Álvaro Ramazzini, Askofu wa Huehuetenango huko Guatemala, anayejulikana kwa utetezi wa haki za binadamu, watu wa asili, wahamiaji, na haki ya kijamii, alikumbusha dhana ya "ikolojia fungamani," iliyoundwa na Papa Francisco katika Waraka wake wa Kitume wa  Laudato si', na kanuni ya msingi ya utegemezi wa kuwepo kwa binadamu ambayo inahitaji chaguo la upendeleo kwa maskini. Alizungumzia miktadha  huko Guatemala zinazohusisha makubaliano ya uchimbaji madini kwenye ardhi ya watu wa Asili na akaibua wasiwasi kuhusu usambazaji wa faida na athari kwa watu wa eneo hilo. Baada ya kupata ardhi hiyo kwa bei ya chini sana, kampuni iliendelea na shughuli rasmi za kisheria, Kardinali alisema, lakini ambayo haikuongozwa na vigezo vya haki vya usambazaji kwa watu wa eneo hilo.

"Msiogopeshwe na mvuto wa pesa"

Askofu Vicente Ferreira kutoka nchini Brazil alisema upanuzi wa madini Amerika Kusini unahusishwa na mahitaji ya kijiografia na kiuchumi ya madini. Alizungumzia kile alichokielezea kama suluhisho bandia kinachoitwa "ubepari wa kijani" na hali zinazobadilika haraka za migogoro ambazo zinaongeza wasiwasi zaidi kwa watu wa Amerika Kusini na Caribbean. Alisema maeneo yao yanazidi kulengwa na aina mpya ya ukoloni mamboleo wa kijeshi unaoendeshwa na mahitaji ya "ardhi adimu" ili kudumisha miundo ya nguvu duniani. Pia alionya dhidi ya shinikizo la kifedha kwa jamii zilizoathiriwa.

"kuchukua hatua sasa"

Sr. Anneliese Herzig,  mtawa wa Shirika la Wamisionari wa  Ukombozi Mtakatifu na Mkuu wa Idara ya utume na Masuala ya Kijamii ya Baraza la  Maaskofu wa Austria, alisisitiza ulinzi wa watoto katika maeneo yaliyoathiriwa na matokeo ya viwanda vya uchimbaji madini na kutoa wito wa mabadiliko katika sera na utendaji. Wakati Sr. Maamalifar M. Poreku, mtawa kutoka Shirika la Wamisionari wa Mama Yetu wa Afrika, pia alisisitiza kwamba ikolojia fungamani haihitaji huruma tu, bali mabadiliko ya kimfumo. Njia ya kusonga mbele, alisema, ni  kulinganisha imani na chaguzi za kiuchumi, huku  akimaanisha "maeneo yaliyouawa kishahidi" yaliyotolewa sadaka kwa ajili ya faida. "Mgogoro wa ikolojia, unahitaji zaidi ya marekebisho ya taratibu; unahitaji uongozi wa kinabii."

Padre Bossi: kutengwa kama mkakati wa kimaadili na ufanisi.

Hatimaye, Padre  Dario Bossi, Mmisionari wa Comboni na Mratibu wa Mtandao huo, alielezea kwamba jukwaa lililozinduliwa Vatican limekusudiwa kama nafasi ya kubadilishana taarifa, utafiti wa uchimbaji madini na michakato ya kifedha, na linatoa wito wa ushirikiano. Alitoa mifano ya uharibifu wa mazingira unaohusishwa na shughuli kubwa za uchimbaji madini nchini Brazil, akibainisha kuwa kuna makampuni ambayo yamepokea makumi ya mabilioni ya dola katika ufadhili wa kimataifa kutoka benki na fedha za uwekezaji duniani kote. "Kwa kuzingatia ukweli huu," alisema, "mashirika mengi ya kijamii na ya kikanisa yameanza kuzingatia utengano kama mkakati wa kimaadili na ufanisi wa kushughulikia ukiukwaji wa haki."