Kituo cha Laudato si’,Padre Stefano Cascio Naibu Mkurugenzi wa Utawala na Usimamizi

Vatican News.

Padre Stefano Charles Cascio, ambaye ni Mwitaliano-Mfaransa, aliteuliwa kuwa naibu mkurugenzi wa utawala na usimamizi wa Kituo cha Mafunzo ya Juu cha Laudato si'. Taarifa ilionesha shukrani kubwa kwa uteuzi kutoka kwa Kardinali Fabio Baggio, mkurugenzi mkuu wa Kituo cha Mafunzo ya Juu cha Laudato si', kutokana na utaalamu uliooneshwa na Padre huyo kwa muda, hasa katika nyanja za mawasiliano ya Kanisa, huduma ya vijana, na mipango ya vyombo vya habari vya kitaifa na kimataifa. Katika nafasi yake mpya, Padre Cascio atamsaidia mkurugenzi wa utawala na usimamizi katika shughuli za kila siku na usimamizi wa wafanyakazi wa Borgo Laudato si', akifuatilia "lengo la kuhakikisha maendeleo yenye ufanisi na usawa ya mipango ya Kituo, sambamba na maono ya Waraka wa  Laudato si'."

Alizaliwa huko Nice mnamo tarehe 18 Septemba 1978, akiwa na uraia wa Kiitaliano-Kifaransa, Padre Cascio alianza safari yake ya wito  mwaka 2001 katika Mafunzo (Studium de Notre Dame de Vie) kwa ajili ya Jimbo la  Nice, baadaye akiendelea na malezi yake katika Seminari Kuu ya Kipapa ya Kirumi. Alipewa daraja la upadre mwaka 2008 kwa ajili ya Jimbo la Roma. Katika ahadi zake, alionesha, kama maandishi yanavyosema, "kujitolea, roho ya huduma, na upatikanaji wa kichungaji mara kwa mara."

Ameshikilia nyadhifa nyingi, kuanzia Paroko  wa parokia ya Mtakatifu Bonaventura wa Bagnoregio tangu 2016 hadi mshauri wa kikanisa wa UCSI Lazio. Miongoni mwa majukumu mengine, amehudumu kama naibu mkurugenzi wa Ofisi ya Mawasiliano ya Kijamii ya Jimbo la Roma tangu 2024. Usimamizi wa Kituo unaendelea kutoa "matakwa mema, ukikabidhi huduma yake kwa ajili ya utendaji wa Roho Mtakatifu, ili aweze kuchangia kwa ufanisi katika utume wa Kanisa na kujitolea kwa utunzaji wa nyumba yetu ya pamoja."

Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku: Just click here