Imewakilishwa Picha ya Papa itakayowekwa katika Basilika ya Mtakatifu Paulo
Vatican News
Jumatano tarehe 14 Januari 2026, Papa Leo XIV aliweza kutazama katika ukumbi mdogo wa Ukumbi wa Paulo VI, picha ya mduara wa "kimosaic" iliyoundwa na Karakana ya Vatican katika Kiwanda cha Mtakatifu Petro(Fabbrica di San Pietro,) ambayo, kwa kufuata utamaduni, kazi ambayo utengenezwa baada ya uchaguzi wa kila Papa mpya.
Papa akitazama Picha iliyotengenezwa kwa ajili yake(@Vatican Media)
Mzunguko huo wa picha ya kimosaic, unaojulikana kama clypeus, itawekwa katika Basilika ya Mtakatifu Paulo Nje ya Kuta, karibu na picha ya Papa Francisko katika sehemu ya kulia ya Basilika hiyo kwa urefu wa takriban mita 13. Ikiwa na kipenyo cha sentimita 137, mzunguko huo, kulingana na taarifa kutoka Ofisi ya Vyombo vya Habari ya Vatican ilitengenezwa kwa enamel za vitreous na dhahabu kwenye muundo wa chuma. Vigae takriban 15,000 viliundwa kwa kutumia mbinu ya kale ya kimosaic iliyokatwa na vilikuwa vimeunganishwa na gundi ya kiutamaduni ya Vatican. Na vile vinavyoonesha uso wa Papa Leo XIV vina thamani kubwa.
Kazi hiyo inaonesha mchoro wa picha wa Bwana Rodolfo Papa, ya mafuta kwenye turubai yenye ukubwa sawa na Mzunguko huo wa picha ya kimosaic, iliyoundwa maalum kwa ajili ya kubadilishwa kuwa mosaic. Kisha itahifadhiwa, pamoja na mfululizo mzima wa picha za mapapa, katika Kiwanda cha 'Fabbrica di San Pietro' mjini Vatican.
Kazi hiyo iliwasilishwa kwa Papa Leo XIV na Kardinali Mauro Gambetti, Mkuu wa Basilika ya Mtakatifu Petro, Kardinali James Michael Harvey, Mkuu wa Basilika ya Mtakatifu Paulo Nje ya Kuta, na abate wa Monasteri ya Mtakatifu Paulo, Padre Donato Ogliari.
Waliungana na Bwana Rodolfo Papa na Paolo Di Buono, Mkurugenzi wa Mafunzo ya(Studio ya Musa ya Vatican,) na mwishoni mwa mkutano, Papa alisali pamoja na wale waliokuwepo kando ya kazi hiyo.
Papa akiwa na Kardinali Gambetti, Harvey na Abate Ogliari(@Vatican Media).
Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku: Just click here.
