Papa Leo XIV,mhusika wa 2025 kulingana na Treccani
Vatican News
Papa Leo XIV ndiye Mtu wa Mwaka 2025 kulingana na Taasisi ya Treccani ya Ensaiklopidia ya Kiitaliano, ambayo ilimchagua Papa "kwa kuweza kuweka misingi ya upapa wake katika maadili ya msingi wa uzoefu wa Kikristo, kama vile kiasi, umakini na kusikiliza, usemi bora wa Kanisa maskini kwa ajili ya maskini." "Mwenye ukarimu mbele yake na maneno yake," kama Kitabu cha Mwaka cha Treccani cha 2025 kinavyokumbuka, Papa Leo XIV alichagua kupunguza sura yake, kupunguza kelele, kusawazisha nafasi na katekesi, kwa kuwa na uvumilivu wa majaribio ya kumweka kulia au kushoto, kisiasa na kitaalimungu.
Papa katika ulimwengu mgumu
Papa Leo XIV, ambaye ni Papa wa kwanza kutoka Marekani, mmisionari wa kwanza wa kwa maana ya kisasa, na mwana wa kwanza wa Shirika la Mtakatifu Agostino, tunasoma zaidi kuwa anatumia ujuzi wa uongozi alioujenga wakati wa utume wake wa muda mrefu huko Peru, na sasa anajikuta, kama Papa, akifanya kazi katika ulimwengu ambapo mamlaka zinazotamani kuwa “wakuu tena” zinahitaji wengine kufifia katika ufahamu wao wa haki zao. Katika hali hii iliyojaa changamoto zisizo za kawaida na zilizounganishwa za kimataifa, Papa mpya anaitwa kuweka kipaumbele ajenda tata, yenye mafundo ya kufunguka au kukata, katika njia ya chaguzi teule, majibu yaliyopimwa, na kuahirishwa kwa uangalifu, ambayo haiahidi makubaliano rahisi au ya haraka kwa Papa aliyejitolea kukuza amani “isiyo na silaha na isiyo na ulinzi”.
Mchezaji mkuu katika Uwanja wa kimataifa
Kitabu cha Treccani cha Mwaka 2025, kwa sasa katika toleo lake la ishirini na sita, kinarudia siku 365 zilizojaa mivutano ya wakati wa vita, kiuchumi, na kijamii, lakini pia na matukio ya kushangaza ya kihistoria, ya sasa, na ya kiutamaduni, ikiwa ni pamoja na uchaguzi wa Papa mpya. Historia ya kuvutia, yenye kurasa 600, vipande 1,169 vya kina, makala 108 kutoka kwa waandishi mashuhuri, visanduku 95 vya uhariri, grafu na ramani 81, na picha 446." Tumejaribu kusimulia mwaka mgumu kwa ukamilifu na uchambuzi wa kina," alisema mkurugenzi Marcello Sorgi, "shukrani kwa msingi imara wa kitaalamu wa Ensaiklopidia ya Treccani na mtandao wa washirika waliohitimu wa nje ambao wanahakikisha mtazamo mpana na mkali kuhusu wakati huu mgumu sana. Tumetambua Kanisa la Papa Leo XIV kama mtu mpya na muhimu katika ulimwengu wa kimataifa, hivyo basi ni chaguo la kumtaja kama Mtu wa Mwaka."
