Papa watawa wa Mtakatifu Caterina wa Siena:utakatifu,taaluma na urafiki.Shule ni utume!
Na Angella Rwezaula – Vatican.
Jumamosi tarehe 4 Januari 2025, Baba Mtakatifu Francisko alikutana mjini Vatican na washiriki katika Mkutano Mkuu wa XV wa Umoja wa Wamisionari wa Shule wa Mtakatifu Catherine wa Siena. Katika hotuba yake amefurahi kukutana hao katika afla hiyo na miaka mia moja ya tangu kuanzishwa Umoja wa Wamisionari wa Shule za Mtakatifu Catherine wa Siena. Papa amesema Shule ni utume na wasisahau hilo! Walichagua mada yenye changamoto ya mikutano yao isemayo: “Kuelewa hali ya sasa ili kuelewa kwa pamoja mustakabali wa Umoja katika safari na Kanisa.” Papa ameongeza kusema “Kuelewa sasa, ili kuelewa vizuri siku zijazo, katika mwendo bila kusimama, kwa sababu wafu wamesimama, na kutembea na Kanisa.” Hii ni nzuri! Inalingana na urithi walioachiwa na Mtumishi wa Mungu Luigia Tincani, kwa kutoa majibu ya ubunifu kwa maswali ya wanaume na wanawake wa wakati wetu, hasa wale wasiojali imani na wale walio mbali nayo, kupitia kukuza ubinadamu wa Kikristo.
Ili kufanya hivyo, Mwanzilishi wao alipendekeza mitazamo mitatu, ambayo Mtakatifu Yohane Paulo II alifupisha hivi: "Kujitolea mara kwa mara kwa utakaso wa mtu mwenyewe, maandalizi mazito ya kitaalimungu na kitaaluma na mtindo wa maisha wa kupendeza na wa upendo kwa kila mtu, hasa kwa vijana" (Hotuba kwa Muungano wa Mtakatifu Catherine wa Siena wa Wamisionari wa Shule, 2 Januari 1995). Papa amepongeza kusema: “Ninapenda maisha ya urafiki na upendo. Wakati mwingine katika maisha yangu nilimkutana na mtawa fulani ambaye alikutana na uso wa"siki" na hii sio ya kupendeza, hii sio kitu kinachosaidia kuvutia watu. Siki ni mbaya na watawa wanakabilia na siki, tusizungumzie juu yake!
Kwa kifupi Papa Francisko tusema utakatifu, maandalizi na urafiki. Kwanza: utakatifu. Ni neno lenye changamoto, ambalo linaweza kutisha, hadi kufikia kwamba mara nyingi tunajitahidi kulitumia kwetu wenyewe. Hata hivyo ni wito unaotuunganisha sisi sote (Lumen gentium, 40) na lengo muhimu la maisha yetu. Lakini utakatifu ni jambo la furaha, utakatifu huvutia, utakatifu ni furaha ya kiroho. Ni kweli kwamba si rahisi kupata utakatifu, lakini kwa neema ya Mungu tunaweza kufanya hivyo. Jinsi gani utume huu ni muhimu leo, hasa kwa vijana! Papa alisema kuwa wao kama watu waliowekwa wakfu, wanalitambua hilo kwanza kabisa katika kumfuasa Kristo, pamoja na nadhiri za mashauri ya Kiinjili, maisha ya kisakramenti, kusikiliza na kutafakari kila siku Neno la Mungu, sala na maisha ya kawaida (taz. ibid., 44). , kama kauli mbiu ya Wadominikani inavyofundisha: “contemplata aliis tradere”. Wadumu vyema katika misingi hii, ili utume wao uwe imara na wenye utajiri. “Na ili kudumisha hilo wanahitaji kuzungumza vizuri wengine na kwa urafiki. Na kuna adui mkubwa sana wa hili, ambaye ni masengenyo “Tafadhali, jihadhari na masengenyo. Kusengenya kunaua, gumzo ni sumu. Tafadhali, Msifanye maseneyenyo kati yenu.” Papa alionya
Papa amedafanya mtazamo wa pili wa maandalizi. Tunaweza kusema, kwa neno la kisasa, "utaalamu;" si, hata hivyo, kwa maana ya kupunguza ufanisi wa utendaji, bali katika maana ya kiinjili ya kujitolea, kuishi katika kujifunza na kuimarisha ujuzi na uwezo wa mtu, katika majadiliano ya kibinafsi na kushirikishana kidugu kuhusu ukweli uliojifunza, katika kusasisha mbinu za ufundishaji na mawasiliano, ili kufanya yote kuwa 'yote ambayo ni mazuri katika mabadiliko ya kijamii ya leo' ( Gaudium et spes, 42) , kwa uwazi na mazungumzo na kila mtu. "Bwana alituonesha kwamba alizungumza na kila mtu, isipokuwa ... Kulikuwa na mtu mmoja ambaye Bwana hakuwahi kufanya mazungumzo naye. Huyo ni Ibilisi. Na shetani alipomwendea kuuliza maswali hayo, Bwana hakuzungumza naye, bali alimjibu kwa Neno la Mungu, kwa Maandiko.
Kwa hiyo “Tafadhali zungumza na kila mtu isipokuwa bila kuzungumza na shetani. Ibilisi anakuja katika jamii, anaangalia wivu, vitu vyote hivyo ambavyo ni vya wanadamu wote, sio wanawake tu, kwa kila mtu, na shetani anakwenda huko. Msifanye mazungumzo na shetani. Je inaeleweka? Papa alisisitiza kuuliza na kwamba hakuna mazungumzo na shetani.” Wawe wajumbe wa kustahiki, ambao ni karama ya Roho, na ya furaha, wakiishi kila kukutana na jua la shukrani kwa ajili ya mwingine katika upekee wake mtakatifu. Papa Francisko amewashukuru kwa kazi yao hasa katika uwanja wa vijana! “Na ninaona kwamba kuna ukosefu wa watawa vijana.... Je! mna wasomi wangapi ulimwenguni? (walijibu:‘Takriban kumi’) Sio sana. Tafute utume wa taaluma, na mtazame!” Papa amewatakia waendelee kufanya kazi yao kwa uwazi na ujasiri ambao ni mfano wao, tayari kujipyaisha inapobidi, kwa utakatifu wa maisha, maandalizi na ukarimu. Amewabariki na kuwaombea. Papa amehimitisha kwa kuwaomba wamwombee pia.
