Ufilipino:Maaskofu wahimiza hatua kali dhidi ya biashara haramu ya binadamu!

Na Angella Rwezaula, - Vatican

Baraza la Maaskofu Katoliki la Ufilipino (CBCP)  lilirudia kutoa wito wake wa miundo imara ya Kanisa kushughulikia biashara haramu ya binadamu, huku ukisherehekea Siku ya Kitaifa ya Maombi na Uelewa dhidi ya Biashara Haramu ya Binadamu ifanyikayo kila mwaka ifika tarehe 8 Februari, sanjari na Mama Kanisa kukumbuka Mtakatifu Josephine Bakhita. Katika taarifa, yao Maaskofu hao  tarehe  Februari 2026, walionya kwamba nchi hiyo inaendelea kuteseka kutokana na aina nyingi za unyonyaji mamboleo, ikiwa ni pamoja na kuajiriwa kinyume cha sheria cha watoto, kazi ya kulazimishwa, nyanyaso za kingono, na tishio linaloongezeka la unyanyasaji mtandaoni, hasa unaowahusisha watoto.

Walielezea biashara haramu ya binadamu kama "wasiwasi mkubwa na unaoendelea" unaowaathiri Wafilipino wengi, hasa katika maeneo ya mijini, na wakahimiza ushirikiano wa karibu kati ya Kanisa na mamlaka za serikali. Wakinukuu takwimu kutoka Mpango wa Kimataifa wa Umoja wa Mataifa dhidi ya Biashara Haramu ya Binadamu, utafiti huo ulibainisha kuwa waathiriwa wengi wa biashara haramu nchini Ufilipino ni wanawake wazima, wakifuatiwa na wasijana wadogo. Na  visa vingi vinatoka kwenye vituo vya Metro jijini Manila na vituo vingine vya mijini.

Hatari ya kidijitali

Hali imezidi kuwa mbaya kutokana na upanuzi wa majukwaa ya kidijitali, ambapo wafanyabiashara haramu hutumia mipango ya udanganyifu ya kuajiri mtandaoni, wakitoa ahadi za uongo za ajira ndani na nje ya nchi. Maaskofu walitaja umaskini, ukosefu wa elimu, migogoro ya silaha, na majanga ya asili yanayojirudia kama mambo muhimu yanayoongeza uwezekano wa biashara haramu. Hali hizi, walisema, mara nyingi hutumika kupitia njia za mtandaoni zinazowawinda watu wanaotafuta ajira ili kujimudu kiuchumi. "Biashara haramu ya binadamu si suala la kijamii tu; ni wasiwasi mkubwa wa kimaadili unaohitaji ubadilishaji wa mioyo na mabadiliko ya mifumo," Maaskofu walisema huku wakisisitiza jukumu la Kanisa la kulinda miundo iliyo hatarini na changamoto inayoruhusu unyanyasaji kuendelea. Walielezea nia yao ya kuunga mkono juhudi za kitaifa za kupambana na biashara haramu ya binadamu kupitia mipango ya kijimbo inayofaa rasilimali za Kanisa na utume wa kichungaji.

Hatua ya Jimbo dhidi ya biashara haramu ya binadamu

Katika taarifa tofauti, Askofu Socrates Mesiona wa Puerto Princesa, mwenyekiti wa Tume ya Baraza la maaskofu Ufilipono(CBCP) ya Huduma ya Kichungaji ya Wahamiaji na Watu Wanaohama, alitoa wito kwa jimbo kuanzisha na kuimarisha Kamati za Jimbo,  Dhidi ya Biashara Haramu ya Binadamu. Alisema kamati hizi zitasaidia kuhakikisha mwitikio wa kichungaji na kitaasisi unaoratibiwa dhidi ya biashara haramu ya binadamu kote nchini. Kulingana na tume hiyo, kamati zipatazo 12 za jimbo zimeanzishwa katika kipindi cha miaka mitatu iliyopita, nyingi zikiwa Luzon. Askofu Mesiona pia alizihimiza Parokia kuianzisha uhamasishaji wa  uelewa wa kupambana na biashara haramu ya binadamu katika programu zao za kichungaji, akiwahimiza kuwa "mahali uangalifu, elimu, na ulinzi."

Siku ya Kimataifa

Wito wa Maaskofu wa Ufilipino umefika  kabla ya Siku ya Kimataifa ya Maombi na Uelewa Dhidi ya Biashara Haramu ya Binadamu, inayoadhimishwa kila mwaka mnamo Februari 8, siku iliyoanzishwa na Papa Francisko, mnamo mwaka 20215  na kuadhimishwa katika siku kuu ya Mtakatifu Josephine Bakhita, Mtakatifu mlinzi wa walionusurika na  biashara haramu ya binadamu. Papa Francisko  alielezea mara kwa mara juu ya biashara haramu ya binadamu kama "janga" ambalo linakiuka vibaya utu wa binadamu. Papa Francisko aliita biashara haramu ya binadamu  kama "janga la kuchukiza," la "aibu," na la "aina ya utumwa mamboleo." Kwa Papa, jambo hili linawakilisha uhalifu dhidi ya ubinadamu unaoharibu utu wa binadamu na kuathiri mamilioni ya watu duniani kote.

Ujasiri na matumaini kwa vijana 

Kwa vijana Papa Francisko aidha alieleza kuwa “Ni muhimu kwa vijana kujenga utambulisho wao hatua kwa hatua na kuwa na sehemu ya marejeeo, mwanga unaowaongoza. Kanisa limetaka kusimama pamoja na wale wanaoteseka, hasa watoto na vijana, likiwalinda na kukuza maendeleo yao kamili ya kibinadamu. Watoto wadogo mara nyingi "hawaonekani," wanakabiliwa na hatari na vitisho, wakiwa peke yao na wanadanganywa kwa urahisi; tunataka, hata katika hali ngumu zaidi, kuwa taa yako ya matumaini na msaada, kwa sababu Mungu yuko pamoja nawe kila wakati. "Ujasiri na matumaini ni sifa ambazo kila mtu anazo, lakini zinafaa sana kwa vijana: ujasiri na matumaini. Wakati ujao hakika uko mikononi mwa Mungu, mikononi mwa Baba mlezi. Hii haimaanishi kukataa magumu na matatizo, bali kuyaona kama ya muda na yanayoweza kushindika. Matatizo na migogoro, kwa msaada wa Mungu na mapenzi mema ya kila mtu, yanaweza kushindwa, kushindwa, kubadilishwa."(Papa Francisko, kwa washiriki wa Siku IV ya Kimataifa ya sala na tafakari dhiti ya biashara haramu ya Binadamu 12 Februari 2026).

Asante kwa kusoma makala yetu. Unaweza kuendelea kupata taarifa mpya kwa kujisajili kwenye jarida letu la kila siku: Just click here