Drones form the face of Catalan architect Antoni Gaudi during the blessing and inauguration of the Tower of Jesus Christ at the Basilica of the Sagrada Familia during Pope Leo XIV's apostolic journey in Barcelona

Քահանայապետ

Սրբազան Պապը բացումը կատարեց Սակրատա Ֆամիլիայի Յիսուսի Աշտարակին

Յափշտակիչ հրաշքի տեսարան մը՝ 120 հազար հոգիի ներկայութեամբ, Պարսելոնայի սրտին մէջ: 172,5 մեթր բարձրութիւն ունեցող սլաքաձեւ գմբէթի գագաթին գտնուող խաչը կը լուսաւորէ գիշերը, եւ լոյսի հոսանք մը կը թափանցէ Կաուտիի պազիլիքայի հոգիին մէջ, որ երկինքի մութին մէջ կ՚երեւի ասեղնագործութեան մը պէս: Գեղեցկութեան պայթիւն մը՝ ի յիշատակ քաթալան վարպետին մարդկային եւ հոգեւոր ժառանգութեան.

Ունկնդրէ լուրը

Ռոպէր Աթթարեան - Վատիկան

Պատմական երեկոյ մը լուսաւորեց Պարսելոնան՝ Սակրատա Ֆամիլիայի Յիսուսի Աշտարակին բացումով, որ օրհնուեցաւ Լեւոն ԺԴ Պապին կողմէ՝ շուրջ 120.000 հոգիի ներկայութեամբ:

Իր 172,5 մեթր բարձրութեամբ, նոր սլաքաձեւ գմբէթը դարձաւ աշխարհի ամենաբարձր եկեղեցիին:

Արարողութեան ամենայուզիչ պահերէն մէկը եղաւ աշտարակին ներկայացումը Վալենթինայի կողմէ՝ տեսողութենէ զուրկ փոքրիկ աղջնակ մը, որ շօշափելի պզտիկ կաղապարի մը միջոցաւ Քահանայապետին բացատրեց գործին խորհրդանշական իմաստը:

Աշտարակի գագաթին զետեղուած լուսաւոր խաչը բռնկեցաւ արեւամուտին, մինչ երաժշտութիւնը, լոյսերն ու հրավառութիւնը քաղաքին երկինքը վերածեցին մեծ տպաւորչութեամբ համակուած տեսարանի մը:

Այս իրադարձութիւնը հանդիսացաւ ոչ միայն ճարտարապետական նուաճում, այլեւ՝ հրաւէր մը հոգեւոր այն արժէքներուն, որոնք ներշնչած են Կաուտին` որուն ծննդեան հարիւր ամեակը կը յիշատակաուէր նոյն օրը:

Նոր աշտարակը կը ներկայանայ իբրեւ հաւատքի ու յոյսի նշան՝ կոչուած դառնալու Պարսելոնայի եւ Միջերկրականի երկնակամարի ամենաճանաչելի խորհրդանիշներէն մէկը:

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ.