Կազայէն տեղահանում. Լևոն ԺԴ. Հարկաւոր է գտնել այլ լուծում
Ռոպէր Աթթարեան - Վատիկան
16 սետպեմբերի երեկոյեան 8,30-ի մօտ Լեւոն ԺԴ. Սրբազան Պապը, որ մէկ օր առաջ մեկնած էր Քասթել Կանտոլֆոյի Քահանայապետական ամառանոց, վերադրաձ կատարեց Վատիկան եւ նախ քան իր մեկնիլը կանգ առաւ ողջունելու նստավայրի մուտքին հաւաքուած հաւատացեալները ու պատասխանեց լրագրողներուն իրեն ուղղած հարցումներուն։
«Սրբազան Հայր Կազայի արտագաղթը», հարցուց լրագրողներէն մին, «Տեսա՞ք, որքան մարդ փախուստ կու տան...»: Քահանայապետը նշեց, որ ինք հեռախօսային կապ հաստատած է Կազայի համայնքի և ժողովրդապետին հետ, ապա յայտնեց իր մտավախութիւնները. «Շատեր,- ըսաւ Ան - երթալու տեղ չունին, ուստի այս մէկը մտահոգիչ է: Ես նաև խօսեցայ այնտեղի ժողովրդապետին հետ: Առայժմ անոնք կ՛ուզեն մնալ. Անոնք տակաւին կը դիմադրեն, բայց մենք իսկապէս պէտք է այլ լուծում մը գտնենք»:
Ռուսաստանի հետ ՆԱԹՕ-ի պատերազմի մասին Քրեմլինի պնդումներու հայող հարցումի մը պատասխանելով, Սրբազան Պապը շեշտեց, որ «ՆԱԹՕ-ն որևէ պատերազմ չէ սկսած։ Լեհերը անհանգստացած են, քանի որ անոնք կը զգան, որ իրենց օդային տարածքը ներխուժուած է. Ասիկա շատ լարուած իրավիճակ է»։ «Կայ մեծ մտահոգութիւն», յարեց Քահանայապետը, որ նոյն օրը առաւօտեան հանդիպում ունեցած էր Ամենայն Հայոց Գարեգին Բ. Կաթողիկոսին հետ եւ հեռախօսազրոյց ունեցած էր Կազայի Սուրբ Ընտանիք ժողովրդապետ Հայր Կապրիէլ Ռոմանելլի հետ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
Photogallery
