Святы Пасад заклікаў да бездаўгавых інвестыцый у краіны з сярэднім даходам
Марыя Валодзіна - Vatican News
Арцыбіскуп Габрыэле Кача прыняў удзел у Сустрэчы на высокiм узроўнi, прысвечанай праблемам краiн з сярэднiм узроўнем даходу, якая 1 красавіка 2025 года прайшла ў Нью-Ёрку. Ён адзначыў, што гэтыя краiны адыгрываюць важную ролю ў сусветнай эканоміцы, забяспечваючы каля адной трэцi сусветнага ВУП. Аднак менавіта ў гэтых краінах жыве 62 працэнты насельнiцтва, якое знаходзіцца за рысай беднасці. Гэтыя краіны сутыкаюцца з сур'ёзнымi праблемамi ў дасягненнi ўстойлiвага развiцця, уключаючы канфлiкты, эканамiчную нестабiльнасць, змену клiмату i стыхійныя бедствы.
Прадстаўнік Святога Пасада звярнуў увагу на тое, што адной з найбуйнейшых перашкод для вырашэння гэтых праблем з'яўляецца спосаб вымярэння развіцця. Выкарыстанне ВУП не дае поўнай карціны сітуацыі ў гэтых краінах, а таксама абмяжоўвае iх доступ да рэсурсаў. "Празмерная залежнасць ад ВУП выключае многiя краiны з сярэднім узроўнем даходу з магчымасцi атрымаць льготнае фiнансаванне i iншыя вiды неабходнай падтрымкi," - дадаў ён
Дыпламат заклiкаў да выкарыстання дадатковых эканамiчных паказчыкаў, якiя б выходзілі за рамкі ВУП і дакладна адлюстроўвалi эканамiчны, сацыяльны i экалагiчны аспект развiцця. "Толькi з дапамогай такiх паказчыкаў можна дакладна ацанiць прагрэc i гарантаваць, што мiжнароднае супрацоўнiцтва ў галіне развіцця будзе адпавядаць рэальным патрэбам усiх краiн, у тым лiку i краiн з сярэднiм узроўнем даходу," - сказаў ён.
Яшчэ адной перашкодай на шляху развіцця гэтых краін з'яўляецца высокi ўзровень запазычанасцi. Многiя з іх ўжо сутыкнулiся з высокiмi даўгавымі абавязацельствамі, i далейшае крэдытаванне можа толькі пагоршыць iх фiнансавае становiшча, - адзначыў арцыбіскуп Кача. Ад імя Святога Пасада ён заклікаў да павелiчэння фiнансавай дапамогi без даўгоў, каб гэтыя краiны маглi інвеставаць у сваю будучыню без страху апынуцца ў даўгавой пастцы.
Напрыканцы звароту прадстаўнік Святога Пасада выказаў спадзяванне, што 4-я Мiжнародная канферэнцыя па фiнансаваннi развiцця створыць новыя магчымасцi для падтрымкi краін з сярэднім узроўнем прыбытку.
