Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Grande Symphonie FunËbre et Trionphale
Расклад Падкасты
Ілюстрацыйнае фота Ілюстрацыйнае фота  (AFP or licensors)

Улады Кубы вызваляюць вязняў пасля заступніцтва Святога Пасада

На Кубе вызвалена каля 160 зняволеных, за якіх заступіўся Святы Пасад. Сярод вызваленых – як палітычныя вязні, так і асуджаныя за крымінальныя злачынствы.

Аляксандр Амяльчэня - Vatican News

Паводле інфармацыі праваабарончых арганізацый і незалежных СМІ, працэс вызвалення зняволеных, ініцыяваны Папам Францішкам, у апошнія дні запаволіўся. Эксперты звязваюць гэта з асцярожнасцю кубінскіх улад у сувязі з магчымым змяненнем палітыкі ЗША пасля прэзідэнцкіх выбараў.

Варта адзначыць, што ў пачатку студзеня 2025 года Святы Пасад выступіў з хадайніцтвам за 553 зняволеных. Рашэнне кубінскіх улад аб паступовым вызваленні супала з выключэннем Кубы са спісу дзяржаў-спонсараў тэрарызму адміністрацыяй Джо Байдэна.

Паводле даных праваабарончай арганізацыі Prisoners Defenders, на пачатак студзеня 2025 года ў кубінскіх турмах знаходзіўся 1161 палітычны вязень. Каля паловы з іх былі затрыманы падчас маштабных пратэстаў у ліпені 2021 года – найбуйнейшых з часоў Кубінскай рэвалюцыі 1959 года. Удзельнікі тых маніфестацый патрабавалі ад улад эфектыўных дзеянняў для вырашэння праблемы недахопу харчавання і медыкаментаў.

Міжнародныя назіральнікі падкрэсліваюць важнасць ролі Святога Пасада ў дыялогу з кубінскімі ўладамі і выказваюць надзею на працяг працэсу вызвалення астатніх палітычных зняволеных.
 

29 студзеня 2025, 10:19
Prev
March 2025
SuMoTuWeThFrSa
      1
2345678
9101112131415
16171819202122
23242526272829
3031     
Next
April 2025
SuMoTuWeThFrSa
  12345
6789101112
13141516171819
20212223242526
27282930