Стан Папы стабільны, выздараўленне ідзе павольна
Аляксандр Панчанка - Vatican News
Зала Друку Святога Пасаду паведаміла журналістам, што 14 сакавіка 2025 года медыцынскі бюлетэнь не публікаваўся, таму што ўрачы лічаць сітуацыю стабільнай, і клінічная карціна не змянілася ў параўнанні з апошнімі днямі. Выздараўленне Папы ідзе павольна і патрабуе часу, каб паляпшэнні замацаваліся. Падкрэсліваецца, што гэта станоўчы момант.
Адзначаецца таксама, што больш не будуць выходзіць ранішнія паведамленні аб тым, як Папа правёў ноч, і не будуць праводзіцца ранішнія брыфінгі, на якіх удакладнялася інфармацыя аб стане Пантыфіка. Вячэрнія брыфінгі застануцца, але без публікацыі медыцынскага бюлетэня. Увечары 15 сакавіка бюлетэнь яшчэ будзе апублікаваны.
Зала Друку таксама пацвердзіла тэлефонную размову, якая адбылася паміж кардыналам-дзяржсакратаром П’етра Паралінам і прэзідэнтам Украіны Уладзімірам Зяленскім. Пра яе напярэдадні паведаміў украінскі лідар.
