Урад і епіскапат Аргенціны чакаюць візіт Льва XIV

Ян Глінскі

Як падкрэсліваецца ў дакуменце, візіт Святога Айца ў Аргенціну, які адбудзецца ў межах апостальскага падарожжа ў Паўднёвую Амерыку, – гэта “доўгачаканая вестка”. Яна стала адказам на скіраванае раней запрашэнне ад дзяржаўных уладаў і лакальнага Каталіцкага Касцёла. Паводле аўтараў паслання, прыезд Пантыфіка стане важнай падзеяй як для Касцёла, так і для ўсяго аргенцінскага народа.

Папу Льва XIV чакае сардэчны прыём, які будзе запэўнены дзякуючы супрацоўніцтву ўрада і мясцовага Касцёла. Аўтары дакумента падкрэслілі таксама духоўны і дыпламатычны аспекты папскай пілігрымкі, мэта якой заключаецца ва ўмацаванні сувязяў супольнасці і братэрства.

Супольная заява была падпісана 5 жніўня 2026 года міністрам замежных спраў, міжнароднага гандлю і веравызнанняў Паблам Кірно, а таксама старшынёй Біскупскай Канферэнцыі Аргенціны арцыбіскупам Марцэлам Каломба.