እስራኤል ኣብ ደቡባዊ ክፋል እታ ሃገር እዋን ህጹጽ ኣዋጅ ከተልእል እያ

ኣባ ተወልደ መብራህቱ - ሃገረ ቭቲካን

ሚኒስተር ምክልኻል ሃገረ እስራኤል ካትዝ ዝሓለፈ ሰኑይ ነቲ ሰራዊት እታ ሃገር ኣብ እዋን ህጹጽ ኵነታት ጸጥታ ንሰበ-ስልጣን ንደቡባዊ ኽፋል እታ ሃገር ሰፊሕ ስልጣን ዚሃበ ኣዋጅ "ህጹጽ እዋን" ዚብል ስያመ ንምውጋድ ዘቕረቦ ርእይቶ ከም እተቐበሎ ገለጹ።

እዚ ስያመ እዚ ድሕሪ እቲ 1,200 ሰባት ዝቐተለን 250 ሰባት ጅሆ ዝገበረን መጥቃዕቲ ኣብ ዶብ ዞባ ቃዛ ኣብ ዝርከብ ከባቢታት ይዓዪ ዝንበረ ኢዩ።

ኣብ ልዕሊ ሰላማውያን ሰባት መጥቃዕቲ ናይ ምፍጻም ተኽእሎ ልዑል ኣብ ዝዀነሉ እዋን ኣብ ውሽጢ እታ ሃገር "እዋን ህጹጽ ኵነታት" ክእወጅ ጸኒሑ ኣሎ።

ምኒስተር ካትዝ ኣብ ዝሃቦ መግለጺ፣ እቲ ውሳነ ነቲ ኣብ ዝሓለፈ ክልተ ዓመታት ኣንጻር ጕጅለ ሓማስ "ቈራጽን ሓያልን ስጕምትታት" ዘስዓብን ሓድሽ ናይ ጸጥታ ክውንነት ዘንጸባርቕ ምዃኑ ገለጸ።

ወሲኹ ድማ ሃገረ እስራኤል ንወተሃደራዊ ኩነታት ጕጅለ ሓማስ ንምፍራስን ንዞባ ቃዛ ካብ ወተሃደራዊ ሓይሊ ንምውጻእን ቈራጽነት ከም ዝገበረት ገለጸ።

ንጉስ ዮርዳኖስ አብዱላህ ሃገሩ ኣብ ትሕቲ መደብ ተዅሲ ምቍራጽ ምምሕዳር ትራምፕ ናብ ቃዛ ሓይልታት ከም ዘይትልእኽ ብምግላጽ ፖለቲካዊ ተኣፋፍነትን ውሽጣዊ ማሕበራዊ ቅልውላው ብምጥቃስ ገሊጹ።

"ብፖለቲካዊ መዳይ ኣዚና ኢና እንቀራረብ" ብምባል ድማ፣ እቲ ንጉስ ልዕሊ ፍርቂ ህዝቢ ዮርዳኖስ መበቈል ፍልስጥኤም ምዃኑ ኣጕልሐ።

ሃገረ ዮርዳኖስ ንዓሰርተታት ዓመታት 2.3 ሚልዮን ፍልስጥኤማውያን ስደተኛታት ተቐቢላ እያ ፣ እዚ ኸኣ ኣብቲ ዞባ እቲ ዝዓበየ ቝጽሪ ኮይኑ ኢዩ ዝርከብ ዘሎ።

እቲ ንጉሥ ዝሃቦ ሓሳባት ኣብ መንጎ መሻርኽቲ ሕቡራት መንግሥታት ኣመሪካን፣ ኣብ መንጎ ሓማስን እስራኤልን ወይ ከኣ ኣብ መንጎ ሓማስን መቐናቕንቲ ጕጅለታት ፍልስጥኤምን ንነዊሕ እዋን ኣብ ዝካየድ ግጭት ከም ዘስዕብ ውን ዘጕልሕ ኢዩ።

ብመሰረት ውድብ ሕቡራት ሃገራት ዘውጽኦ መግለጺ፣ እዚ ብወተሃደራዊ ሓይሊ ሓዊስካ ኣገዲድካ ስጕምትታት ብምውሳት ኣብ ዘጠቓልል ኩነታት ክኸውን ከሎ፣ ሰላም ግን ስምምዕ ኵሎም ወገናት ዝሓትት ሓይሊ ድማ ንገዛእ ርእሱ ንምክልኻልን ንምዕቋብን ይድርቶ ኢዩ።

ብመሰረት እቲ ፕረዚደንት ዶናልድ ትራምፕ ዘውጽኦ 20 ነጥብታት ዘለዎ መደብ ሰላም፣ ሃገራት ኣዕራብን ኣህጉራውያን መሻርኽትን ነቶም ኣብ ቃዛ ዝርከብ ኣኽብርቲ ጸጥታ ሃገረ ፍልስጥኤም ንምስልጣንን ንምድጋፍን ሓይልታት ዓቀብቲ ሰላም ከልእኹ ትጽቢት ይግበረሎም ኣሎ።

እቲ ውጥን ምስተን ኣብ ዞባዊ ጸጥታ ሰፊሕ ተመክሮ ዘለወን ዮርዳኖስን ግብጽን ምምኽኻር እውን ይሓትት።

ይኹን እምበር ሓማስ ኣጽዋር ኣየራገፈን ዘሎ፣ ንገለ ኽፋላት ቃዛ እንደገና ንምቍጽጻር ተዋጋእቲ ሓይልታት ድማ ከንቀሳቕስ ይርኣ ከም ዘሎ ካብቲ ከባቢ ዝመጸ ዜና የመላኽት።