ሲኖዶስ ጳጳሳት ን2027 ናይ ከባቢ ቤተ ክርስቲያን ኣኼባታት ዝኸውን 'ሓድሽ ግብኣት' የቕርብ

ዜና ቫቲካን

ዋና ጸሓፊ ሲኖዶስ ጳጳሳት ንሰበኻታትን ኤጳርቅናታትን - ሰበኻታት ምብራቓዊ ካቶሊካዊት ኣብያተ ክርስቲያን - ናይ ጉባኤታተን ገምጋም ንኸዳልዋ ዝሕግዝ ሓድሽ ግብኣት ከም ዘሕተመን እዚ ድማ ነቲ ከባብያዊ መድረኽ መስርሕ ኣተገባብራ ሲኖዶስ ዘዛዝም እዩ።

እቲ "ምዝካር፦ ምስ ምድላው ናይቲ ኸባቢ ናይ ቤተ-ክርስትያን ገምጋም ኣኼባ" ዘርእስቱ ሰነድ ዕለት 27 ሓምለ ብእተፈላለየ ቛንቋታት ወግዓዊ ከም ዝኾነን ዋና ጸሓፊ ሲኖዶስ ጳጳሳት ካርዲናል ማሪዮ ግሬች "ገምጋም ግብረኣዊ ልምምድ ዘይኰነስ ናይ ምስጋናን ሓቅን ተመክሮ እዩ። ዝክሪ ወይ ምዝካር ኪበሃል እንከሎ ጐይታ ኣብ ጕዕዞ ማሕበረሰብና ናብ ብስለት ዘምጽኦ ኣፍልጦ ምሃብን ናብቲ ቐጺሉ ዘሎ ስጕምትታት ክንምራሕን ምፍቃድ ማለት እዩ" ከም ዝበሉ ዜና ቫቲካን የመላኽት።

ግብሪ እግዚኣብሔር ምዝካር

እቲ ሰነድ፡ ኣብ ቅዱሳት መጻሕፍቲ፡ ምዝካር ማለት ንድሕሪት ምጥማት ጥራይ ከም ዘይኰነ ተነጺሩ ምህላዉ የመልክት። ህሉው ነገር ንምፍላጥን ንመጻኢ ንርእስኻ ንምኽፋትን ኣብ ታሪኽ ተግባር እግዚኣብሔር ምፍላጥ ማለት እዩ።

ስለዚ ናይከባቢ ኣብያተ - ክርስትያን ነቲ ናይ ሲኖዶስ ኣተገባብራ ደረጃ ብሞሳን ብቕንዕናን እንደገና ክምርምርኦ ተዓዲመን ኣለዋ፣ ነቲ ዝበሰለ ፍረታትን ተወሳኺ ስጕምትታት ክገልጻኦን ድማ ኣለወን። እቲ ምንጪ ብቐዳምነት ነቶም ናይቲ  መስርሕ ሓላፍነት ዘለዎም ጳጳሳትን ኤጳርቅማታትን ከምኡውን ነቶም ነዚ መስርሕ እዚ ዜነቓቕሑ ጕጅለታት ሲኖዶስ እዩ ዚቐርብ። ሓደ ቅዲ ኣየገድድን የግዳስ ምስ ነፍሲ ወከፍ ከባቢ ክሰማማዕ ዝኽእል ሕቶታትን መዐቀኒታትን ግብራዊ ሓሳባትን የቕርብ።

ብመሰረት እቲ ሰነድ እዚ ኣቀራርባ እዚ ነቲ ርእሰ ሊቃነ ጳጳሳት ልዮን መበል 14 ንሲኖዶሳ ዝገለጽዎ "ካብ ምርኻብ እተወልደ ብምስማዕ ዚዓቢ ብመመያ ከኣ ዚበስል" ምዃኑ ዜንጸባርቕ እዩ።

ካብ ዝኽሪ ናብ መመያ

እቲ ምንጪ ኣብ ክልተ ብቐረባ ዝተኣሳሰሩ ክፋላት ይምቀል። እቲ ቀዳማይ ንነፍሲ ወከፍ ከባብያዊት ቤተ ክርስቲያን ዝኽርን ምስክርነትን ብምእካብ፡ “ምልክታት” ብምልላይን ብምስማዕን፡ ከምኡ’ውን ኣብ ናይ ሲኖዶስ ናይ መወዳእታ ሰነድ ዝተለለየ ሰለስተ ምልዋጥ፡ ማለት ዝምድናታት፡ ቤተ ክርስቲያናዊ መስርሕን ምትእስሳርን ኣቢሉ መስርሕ ለውጢ ብምፍላጥ፡ ናይ ዛንታ ጸብጻብ ኣብ ምንዳፍ ይመርሓ።

እቲ ካልኣይ ክፋል ብዛዕባ ምድላውን ምብዓልን እቲ ብጹዕነቶም ብጸሎትን ጽሞናን ሓባራዊ ምስትንታንን ብመንፈስ ዘተን ዝፍለጥ ዓሚቝ መንፈሳዊ ተመክሮ ገይሩ ዝጸውዕዎ ናይ ገምጋም ኣኼባ እዩ።

እቲ ኣኼባ ናይ መወዳእታ ዛንታ ጸብጻብን መልእኽትን ናብ ካልኦት ኣብያተ ክርስትያን ከቕርብ ኢዩ። እቲ መልእኽቲ በቲ ናይ ቀዳመይቲ ቤተ-ክርስትያን “litterae communionis - መልእኽትታት ሓድነት” ተመሪሓ ነቲ እታ ኣብቲ ኸባቢ ዘላ ቤተ-ክርስትያን እተማሃረቶን ክትወስዶ ዝሓሰበቶን ስጕምትታት ከምኡውን ንኻልኦት ማሕበረሰባት ናይ ተስፋ መልእኽቲ ከተካፍል እያ።

ናብ 2028 ኣብ ቫቲካን ዝካየድ ቤተ ክርስቲያናዊ ጉባኤ ገጹ

ብጳጳሳት ምስ ጸደቐ፡ ክልቲኡ ጽሑፋት ናብ ሃገራዊ ወይ ዞባዊ ሲኖዳዊ ጉጅለ ክለኣኽን ክሳብ ዕለት 30 ሰነ 2027 ምስ ዋና ጸሓፊ ሲኖዶስ ክካፈልን እዩ። ኣኼባታት ጳጳሳትን ምብራቓዊ ካቶሊካዊ ተዋጽኦታትን ኣብ ካልኣይ መፋርቕ 2027 ክካየድ እንከሎ ኣህጉራዊ ጉባኤታት ድማ ኣብ መጀመርታ 2028 ክካየድ ኢዩ። እቲ መስርሕ ኣብ ጥቅምቲ 2028 ኣብ ቫቲካን ብዝግበር ናይ ቤተ-ክርስትያን ጉባኤ ክዛዘም ኢዩ።