ዓለም ዝቕይር ልቢ

ስምዖን ተ. ኣርኣያ - ሃገረ ቫቲካን

ር.ሊ.ጳ. ፍራንቸስኮ ኣብታ ሓዳስ ዓዋዲት መልእኽቶም፥ “ክርስቶስ ንዓና ዘለዎ ፍቕሪ ብረቑቕ መግለጺታት ዘይኮነስ ብጭቡጥ ተግባራት የርእዩና። ነቲ ምስ ካልኦት ዘለዎ ርክብ ብምምርማር ንነፍሲ ወከፍና ብኸመይ ከም ዚሕዘና ኽንግንዘብ ንኽእል ኢና።"

ደቂ ናይ ግሪኽ ርትዓዊ ኣተሓሳስባ ድሕሪ ክርስትና ዘሎ ኣተሓሳስባ ፍቕረ-ንዋይ ከምኡውን ሎሚ ናይ ውልቀ-ሰባት ባህሊ ስለ ዘሎና ክርስትና ናብ ክልሰ-ሓሳብ ፍልስፍና ስነ-ምግባራዊ ስርዓታት ወይ እውን ተኸታታሊ ስምዒታዊ ተመስጦታት ክቕየር ከም ዘይክእል ምሉእ ብምሉእ ንኽንርዳእ ንቃለስ ኣሎና። የግዳስ ምስ ህያው ሰብ ዝግበር ርክብ ምዃኑ ክነስተውዕል ቅዱስነቶም ይሕግዙና።

ስለዚ ብኸመይ ከም ዘፍቅረና ብኸመይ ከም ዚስሕበናን ከም ዚጽውዓናን ከምኡውን ምስኡ ርክብ ምምስራት ናብ ኣተሓሳስባ ናብ ባህላዊ መንነት ወይ ኣድላዪ ኣብ ዝዀነሉ እዋን ከነማኽሮ ናብ እንኽእል ናይ ሕጊ መጽሓፍ ክቕየር ኣይክእልን እዩ ። ኢየሱስ ብኸመይ ከም ዜፍቅረና ምርዳእ ልቢ ዚትንክፍ ጕዳይ እዩ ፣ እዚ ኸኣ ብዛዕባ ተግባራትን ትርኢትን ቃላትን ዚገልጽ ዛንታ እዩ ። ብዛዕባ ዕርክነት ዚገልጽ ልቢ ዚንክፍ ዛንታ እዩ። Read the full text here. (ምሉእ ትሕዝቶ “ውእቱ ኣፍቀረና” ዘርእስታ ዓዋዲት መልእኽቲ)

ኢየሱስ ብኸመይ ከም ዘፍቅረና ምርዳእ ናይ ልቢ ጉዳይ እዩ: ዛንታ ተግባራትን ምጥማትን ቃላትን እዩ። ዛንታ ዕርክነት እዩ፣ ጉዳይ ልቢ እዩ።

ተኸታሊ ቅዱስ ጴጥሮስ “ኣነ ልበይ እየ፡ ምኽንያቱ ልበይ እዩ ፍሉይ ዝገብረኒ፡ መንፈሳዊ መንነተይ ዝቐርጽ፡ ምስ ካልኦት ሰባት ኣብ ሕብረት ዘእትወኒ” እንክብሉ የመላኽቱ።

ኢየሱስ ከመይ ከም ዘፍቅረና ክንርዳእ ንኽእል ኢና ይብሉ ር.ሊ.ጳ. ፍራንቸስኮ፥ “ምስ ካልኦት ዝገብሮ ርክብ ብምምርማር”፡ ማለት ካብ ወንጌል ዝተወሰዱ ክፋላት ብምስትንታንን ኣብ ከባቢና ምናልባት ኣብቲ ዝወሓደ ንጽበዮ ቦታ ይቕጽሉ ምህላዎም ክንግረም ብምፍቃድን እዩ።

ንሱ ክዋሳእ ብምዕዛብ፡ ኢየሱስ ምሉእ ኣቓልቦኡ “ንውልቀ ሰባት፡ ልዕሊ ዅሉ ድማ ንጸገማቶምን ድሌታቶምን” ከም ዝገብር ንርኢ። እቲ ናዝራዊ ዝሓስቦ ነገር እንተሃልዩ፡ “ናይ ኣዕሩኽ ናይ ሓድሕድ ምትእስሳር ስምዒት” እዩ።

መጺኡ፣ ንኹሉ ርሕቀት ሰጊሩ፣ ከምቲ ዝቐለለን መዓልታውን ነገራት ህይወት ድማ ቀረበና። ብሓቂ ካልእ ስም ኣለዎ "ኣማኑኤል" ትርጉሙ ድማ "ኣምላኽ ምሳና" ማለት ናብ ህይወትና ዝቐርብ ኣምላኽ፡ ኣብ መንጎና ዝነብር። ወዲ ኣምላኽ ስጋ ለቢሱ ባዶ ኰይኑ፡ ኣገልጋሊ ኮይኑ ካብ ፍቕሪ ተበጊሱ ንርእሱ መስዋእቲ ገበረ።

ምስ ክርስትያናዊ እምነት ምግጣም ማለት ምስ ልቢ ክርስቶስ ምርኻብ ማለት እዩ፣ እዚ ልቢ እዚ ብዘይ ደረት ምሕረቱ ብምሕቋፍ ንዕኡ ክንመስሎ ዝዕድመና ልቢ ዘይግደስ ኮይኑ ክቕጽል ዘይክእል ልቢ እዩ።

እዚ ድማ ማሕበራዊ ሳዕቤን ኣለዎ ምኽንያቱ ዓለም ኣብ ትሕቲ ቁጽጽር ውግኣት፡ ማሕበረ - ቁጠባዊ ዘይምዕሩይነት፡ ሃልኪ፡ ከምኡ’ውን ኢሰብኣዊ ኣጠቓቕማ እደ ጥበባዊ ምዕባለ፡ “ካብ ልቢ ጀሚራ ክትቅየር ስለ እትኽእል።”

በዚ ኸኣ እቲ Dilexit nos - ውእቱ ኣፍቀረነ  ዘርእስታ ዓዋዲት መልእኽቲ ንመላእ ናይ ር.ሊ.ጳ. ፍራንቸስኮ ካብን ናብን ዘመነ ጵጵስናኦም ንምትርጓም ኣገዳሲ ረቛሒ ይኸውን።

(Andrea Tornielli)