ርእሰ ሊቃነ ጳጳሳት፦ ንኹሉ ብስኒት ብምምሃር ዝተዓረቐ ዝኽሪ ምድንፋዕ

ስሞዖን ተ. ኣርኣያ - ሃገረ ቫቲካን

ርእሰ ሊቃነ ጳጳሳት ልዮን መበል 14 ዕለት 20 ሚያዝያ ኣብ ሉዋንዳ ኣብ ዝርከብ ቁምስና ቅድስቲ ማርያም ዘፋጢማ ተራኺቦም ኣብ ዘስምዕዎ መደረ "ናጻ፣ ዝተዓረቐ፣ ሰናይን ዓብይን ሕብረተሰብ ኣንጎላ" ኣብ ምህናጽ እቲ ናይቲ ከባቢ ቤተ ክርስቲያን ኣበርክቶኣ ክትገብር ትጽዋዕ እዚ ድማ ኣገዳሲ ዕላማ ምዃኑ ከም ዘጉልሑ ዜና ቫቲካን ኣፍሊጡ።

ኣገዳስነት መምሃራን ትምህርቲ ክርስቶስ

ርእሰ ሊቃነ ጳጳሳት መንእሰያት ንክርስቶስ “እነኹልካ” እንክቡ ዝተቐበልዎ ጸዋዕታ ከተሕድሱ ኣይትፍርሑ፣ “ህይወትኩም ምሉእ ብምሉእ ኣብኡ መስርቱ” እንክብሉ ኣተባቢዖም። “ጽባሕ ኣይትፍራሑ፡ ምሉእ ብምሉእ ናይ ጐይታ ኢኹም . . . ብተኣዛዝነትን ብድኽነትን ብንጽሕናን ክትስዕብዎ ኣገዳሲ እዩ። ንሱ ካባኻትኩም ዝወስዶ ነገር የለን! - ከምቲ ኣተሓባባሪ ትምህርተ ክርስቶስ ሰብኻን መራሕቲ ማሕበረሰብን ማኑኤል ኣልመይዳ ዝበሎ - ኣገዳስነት ጻውዒት ምእመናን ኣብ መላእ ግዝኣት ፈለምቲ ሚስጢራት ኣብ ምፍጻም ዘለዎም ቆራጽነት ከም ዝገለጾ፡ "ኣብዚ ተልእኾ እዚ ኣገልግሎት መምሃራን ትምህርተ ክርስቶስ ክንደይ ኣገዳሲ እዩ! ብፍላይ ኣብ ኣፍሪቃ መሰረታዊ መግለጺ ሕይወት ቤተ ክርስቲያን ከም ዝኾነን እዚ ኣብ መላእ ዓለም ንዝርከቡ ካቶሊካውያን ማሕበረሰባት መነቓቕሒ ኮይኑ ከገልግል” ከም ዝክእል ድማ የስተብህሉ።

ሰላም ምእዋጅ

ርእሰ ሊቃነ ጳጳሳት ልዮን ምስ ክርስቶስ ሓድነት ውሕስነት ሰናይ ምዃኑ ኣጕሊሖም፡ ማሕበራዊ ሓዋርያዊ ኣገልግሎት ቤተ - ክርስትያን ከኣ ኣብቲ መለለዪ ናይ ሓቂ ደቀ መዛሙርቲ ኢየሱስ ዝዀነ "ሕጊ ፍቕሪ" ተመርኲሱ ክቕጽል ኣለዎ። ኣምላኽ ንቤተ ክርስቲያን እንታይ መገድታት ይኸፍተልና ኣሎ? ብርግጽ ብዙሓት ኪህልዉ እዮም! ንዅላቶም ክትስዕቦም ፈትን! እቲ ቐዳማይ መገዲ ንክርስቶስ ተኣማንነት እዩ። ነዚ ሸቶ እዚ ንምዕዋት ንቐጻሊ ሕንጸት ኣኽቢርካ ምርኣይን ንንጽሕና ህይወትካ ንቑሕ ምዃንን ብፍላይ ከኣ ኣብዚ እዋን እዚ ምእዋጅ ናይ ሰላም ሓድሽ ቃል ጽኑዕ ምዃኑ የድሊ።"

ህንጸትን ኣስተንትኖን

ብዛዕባ እቲ ንወንጌል ዝዕምጽጽን ሕልና ዝቈጻጸርን ዘታልል መልእኽትታት እውን እናሓሰቡ፡ ስለዚ ኣብ ምምሃር ዝያዳ ቈላሕታ የድሊ፡ እዚ ድማ ካብ ስነ - ጥበብን ስፖርትን ስነ - ጽሑፍን ክመጽእ ከም ዝኽእል ኣብሪሆም፡ ከም ኣጎስጢኖሳዊ መጠን ነቲ ርእሰ ሊቃነ ጳጳሳት ፍራንቸስኮ ኣብ ናይ ወንጌል ሓሴት ብዝብል ኣርእስቲ ኣብ ኣስደረስዎ ሓዋርያዊ ምዕዳን ዝበልዎ ብምጥቃስ፡ ነቲ ልዑል ኣገዳስነት ሓይሊ ትንሳኤኡ ምስትንታን ከም ዘድሊ ብምምልካት፡ "ንኽርስቶስ ምፍላጥ ብዘይ ጥርጥር ብድልዱል ናይ መጀመርታ ዕዮ ብውልቃዊ መሪሕነት ሓነጽቲ ተመሃሮ ዘርኣ ክህነትን ውሉደ ክህነትን እዩ ዚፍጸም እዚ ድማ ንመደባት ሰበኻታትን ማሕበራት ሰብ ውፉይ ህይወትን ማሕበራትን ምስዓብ የጠቓልል። ነቶም ብሕድሪ እተዋህቡኻ ምመናን ምእንቲ ኸተብርሆም ልዕሊ ዅሉ ድማ ካብቲ ሓደገይና ማሪታዊ እምነት ምእንቲ ኸተድሕኖምን ኣርዚንካ ብሕታዊ መጽናዕቲ ምግባር የጠቓልል። ይኹን እምበር ሕንጸት ኣዝዩ ዝሰፍሐ እዩ። ብዛዕባ ሓድነት ውሽጣዊ ህይወትናን ብዛዕባ ገዛእ ርእስናን ብዛዕባ እቲ እተቐበልናዮ ውህበት ኣምላኽን ምክንኻን እዩ ዚምልከት” ከም ዝበሉ ዜና ቫቲካን የመላኽት፡

ሕውነት ምዕባይ፣ ንዝተጸገሙ ምሕጋዝ

ርእሰ ሊቃነ ጳጳሳት ዳግማይ ምስሊ ናይ ሓንቲ ኣብ ኣገልግሎት ኩሉ እትርከብ ቤተ ክርስቲያን ዝብል ሓሳብ ብምቕራብ፡ ብሓድነትን ምትእምማንን ኣብ ስድራቤት ዝተመስረተት ናይ ጴጥሮስ ጀልባ ከም እምነ ኩርናዕ እምነት እተመሓላልፍ እያ፡ “ክቡራት ኣሕዋትን ኣሓትን ኣብ መንጎኹም ብቕንዕናን ብግሉጽነትን ሕውነት ኣዕብዩ። ንትዕቢትን ኣነነትን ኢድኩም ኣይትሃቡ፡ ካብ ህዝቢ ብፍላይ ካብ ድኻታት ኣይትረሓቑ፡ ካብ ምድላይ ሓለፋታት ድማ ርሓቑ” ከም ዝበሉ ዜና ቫቲካን ኣፍሊጡ።

ዝተዓረቐ ዝኽሪ ምድንፋዕ

ርእሰ ሊቃነ ጳጳሳት ልዮን፡ "ንመዓት ኲናት ኣብ ምኹናን ትብዓት ኣርእዩኹም፡ "ኣብ ጎኒ እቶም ዝተሳቐዩ ደው ምባልኩም አድንቕ፡ ኣብ ህንጸትን ዳግመ ህንጸትን፡ ዕጥቃዊ ግጭት ንምውጋድ ዝመርሕ መንገድታትን መፍትሒታትን ዝምልከት ሓሳብ ዘቕረብኩምን እተቕርቡን። እዚ ሓላፍነት'ዚ ድማ ይቕጽል ከምዘሎ ኣስሚሮም፡ "ንኹሉ ሰብ ብመገዲ ሰላም ብምምሃርን ነቲ ኣብ መንጎኹም ዘለዉ ኣሕዋትን ኣሓትን፡ ድሕሪ መሪር ፈተናታት ተጻዊሮም ይቕረ ክብሉ ዝኸኣሉ ስሙር ምስክርነት ዋጋ ብምሃብን ዝተሓደሰ ናይ ዕርቂ ስምዒት ከተስፍሑ እላቦ። ምስኦም ተሓጎሱ ሰላም ድማ ኣኽብሩ!" ኣብ ነፍሲ ወከፍ መዳይ፡ ካብ ትምህርቲ ክሳብ ክንክን ጥዕና፡ ብጥበብን ልግስን ዝልለይ ተወፋይነት እውን ይቕጽል ኣሎ” እንክብሉ ዘስምዕዎ ቃለ ምዕዳን ከም ዝዛዘሙ ዜና ቫቲካን ኣፍሊጡ።