ር.ሊ.ጳ. ልዮን መበል 14 ኣብ ካሜሩን ዝርከብ ካቶሊካዊ ቤት ሕክምና ቅዱስ ጳውሎስ ዑደት ኣካይዶም

ስምዖን ተ. ኣርኣያ - ሃገረ ቫቲካን

ርእሰ ሊቃነ ጳጳሳት ኣብቲ ቤት ሕክምና ቅዱስ ጳውሎስ ኣብ ዝርከብ ቤተ ጸሎት ንሓጺር እዋን ናይ ጽሞና ጸሎት ፈጺሞም፡ ምስ ሰራሕተይናታትን ገለ ሕሙማትን ኣብ መረባ ሓጺር ሰላምታ ተለዋዊጦም።

ቅዱስ ኣቦና እቲ ምብጻሕ ነቶም ኣብቲ ቤት ሕክምና ንዝርከቡ ኩሎም ብፍላይ ንህሙማን ምልክት ምጽንናዕ ክኸውን ከም ዝኽእል ተስፋኦም ብምግላጽ ንኹሎም ኣብቲ ቦታ ንዝተረኽቡን ንፈተውቶምን ቡራኬ ከም ዘቕረቡ ዜና ቫቲካን ኣፍሊጡ።

ርእሰ ሊቃነ ጳጳሳት ልዮን ኣብ መሐከሚ ክፍልታቶም ንዝርከቡ ሕሙማት ብፍላይ ድማ ንህጻናትን ኣረጋውያንን እውን በጺሖም ከም ዝባረኹን ዜና ቫቲካን ይሕብር።