ር. ሊ. ጳ.፦ 'ጐይታናን መድሓኒናን ኢየሱስ ክርስቶስ ንመንፈሳዊ ጽምኢና የርውዮ'

ኣባ ተወልደ መብራህቱ - ሃገረ ቫቲካን

ርእሰ ሊቃነ ጳጳሳት ልዮን መበል 14 ዝሓለፈ ሰንበት ብዛዕባ እታ ኣብ ዔላ ያዕቆብ ማይ ትቐድሕ ዝነበረት ሳምራዊት ሰበይቲ ዘዘንቱ ክፍሊ ወንጌል ብምስትንታን፣ ጐይታናን መድሓኒናን ኢየሱስ ክርስቶስ ንመንፈሳዊ ጽምኢ ደቂ ሰባት ብኸመይ መልሲ ከም ዝሕበሉን፣ ንምእመናን ናብ ሓቀኛ ወደ መዝሙር ከም ዝጽውዖምን ብምጉላሓ ኣስተምሃሩ።

ቅዱስነቶም ኣብ ሳልሰይቲ ሰንበት ናይ ዘመነ ጾም ኣብ ኣደባባይ ቅዱስ ጴጥሮስ ኣብ ዝለገስዎ ናይ ጸሎት መልኣከ እግዚኣብሔር ኣስተንትኖ ቃል ኣምላኽ፦ "ምስ ጐይታናን መድሓኒናን ኢየሱስ ክርስቶስ ምርኻብ ኣብ መዓሙቝ ነፍሲ ወከፍ ሰብ ናብ ናይ ዘለኣለም ህይወት ዘውሕዝ ዓይኒ ማይ ኢዩ ዘፈልፍል" በሉ።

ምስ ኢየሱስ ምንጪ ህይወት ምርኻብ

ርእሰ ሊቃነ ጳጳሳት ኣስዒቦም፣ ጾም ካብቲ ንጸጋ ኣምላኽ ዝዓግት ዕንቅፋታት "ንልብና ሓራ ንምውጻእ" ፍሉይ ሓይሊ ከም ዝኾነ ድማ ገለጹ፣ ነቲ ሓደ ኔዘርላንዳዊ ኣይሁዳዊ ጸሓፊ ኤቲ ሂለሱም እተሰምየ ጸሓፊ፣ ኣምላኽ ኣብ ትሕቲ ኣእማንን ሓመድን እተቐብረ እኳ እንተ መሰለ፣ ክብል ዝጸሓፎ ብምዝካር  "ከም ብሓድሽ ምዅዓት የድልዮ" ክብሉ ዘከርዎ።

ርእሰ ሊቃነ ጳጳሳት ልዮን ወሲኾም፣ እቶም ደቀ መዛሙርቲ ኢየሱስ ምስታ ሳምራዊት ሰበይቲ ኺዘራረብ ምስ ረኣይዎ ከም እተገረሙ እውን ኣመልከቱ፣ እቲ ኣብ ፈለማ ተልእኾኡ ንምቕባል ወለቕ ዘለቕ ዘበሎም ነገራት እውን ኣተሓሳሰቦም።

ጻዊዒት ንምስትውዓልን ኣገልግሎትን

ርእሰ ሊቃነ ጳጳሳት ልዮን መበል 14 ኣስተንትኖኦም ብምቕጻል፣ ብዛዕባ እቲ ጐይታናን መድሓኒናን ኢየሱስ ክርስቶስ ምስታ ሳምራዊት ሰበይቲ ክዘራረብ እንከሎ፣ እቶም ደቀ መዛሙርቲ ዘርኣይዎ ምላሽ እውን ዘኪሮም ኣስተንተኑ፣ ከም ዘስደመሞን ከም ዘጠራረሮምን እውን ገለጹ።

"ኣብ ዙርያኹም ጠምቱ እሞ፣ እቲ ግራውቲ ንዓጺድ ከም ዝኣኸለ ርኣዩ" ብምባል ድማ፣ ጸጋ ኣምላኽ ህጹጽ ምላስ ብምሃብ፣ ኣብ ዘይርአ ቦታ እውን ከይተረፈ ኣፍልጦ ምሃቡ ኣድላዪ ምዃኑ ኣጕልሑ፣ ጉይታናን መድሓኒናን ኢየሱስ ክርስቶስ ንክርስትያናት ኣርኣያ ኸም ዝዀነ ብምምልካት፣ ኣቓልቦ ዝስሕብን፣ ብዘይፍርዲ ኣኽብሮት ከም ዝህብን ድማ ኣስተምሃሩ።

ደቂ ኣንስትዮ ከም ሰበኽቲ ወንጌል

ርእሰ ሊቃነ ጳጳሳት ወሲኾም ድማ፣ ብዛዕባ እታ ሳምራዊት ሰበይቲ ኻብ ብዙሓት ሰበኽቲ መንጌል ዝኾና ደቂ ኣንስትዮ እታ ቐዳመይቲ ምዃና እውን ኣስተንተኑ።

እቲ ዝሃበቶ ምስክርነት ንማሕበረሰባ ናብ እምነት ከም ዘመርሖ ብምግባር፣ "ነቲ እንረኽቦ ሰብ ኣቓልቦ ኽንገብረሉ ኸለና ኽሳዕ ክንደይ ባህ ዜብል እዩ" በሉ።

ናብ ሰላምን ሓድነትን ዘቕረብዎ ጻውዒት

ርእሰ ሊቃነ ጳጳሳት ልዮን መበል 14 ምዝዛም ኣስተንትኖኦም፣ ነቶም "ንሓቅን ፍትሕን ዝጸምኡ" ኣብ ምግልጋል፣ ካብ ማርያም ኣደ ቤተ-ክርስትያን ኣማልድነት ክደልዩ ድማ ጻውዒት ኣቕረቡ።

እዚ ኣገልግሎት እዚ ካብ ምክፍፋል ክሓልፍ ከም ዘለዎ ብምግላጽ፣ "ንሕና" ኣንጻር "እቲኣቶም" ኢና ኢልና፣ ክንሓስብ ከም ዘይብልና ድማ ኣጠንቀቑ።

"እቶም ንኣምላኽ ዜምልኹ ብመንፈስን ብሓቅን ዝሰግዱሉ ሰባት፣ ናይ ሰላም ሰብ ኪዀኑ ይደልዩ እዮም” ክብሉ ድማ ኣስተንትኖኦም ዛዘሙ።