ክሌኣዊ ርክብ ርእሰ ሊቃነ ጳጳሳት ምስ ናይ ሪፓብሊካዊት ሳን ማሪኖ ምስሌነ

ስምዖን ተ. ኣርኣያ - ሃገረ ቫቲካን

"ኣብቲ ኣብ ቤት ጽሕፈት ዋና ጸሓፊ ቅድስቲ መንበር ዝተኻየደ ዳሕረዋይ ክሌኣዊ ዘተ ብዛዕባ እቲ ኣብ ዩክሬይን ዝካየድ ዘሎ ግጭት ካልኦት ኣገደስቲ ዓለም ሓቆፍ ዝኾኑ ጉዳያትን ኣብ ስነ ሜላዊ ክሌኣዊ ዝምድና ዝግበር ምትሕብባርን ኣብ መንጎ ዝተፈላለያ ሃይማኖታት ኣገዳስነት ናይ ሓባር ዘተ ኣብ ዝምልከቱ ጉዳያት ከም እተመያየጡ ዝሓበረ ናይ ቅድስቲ መንበር ዜናን ክፍሊ ማሕተምን መግለጺ ኣስዒቡ፡ ኣብቲ ክሌኣዊ ዘተ "እቲ ኣብ መንጎ ቅድስቲ መንበርን ሳን ማሪኖን ዘሎ ብሉጽ ክልተኣዊ ዝምድናታት፡ ከምኡ'ውን ቤተክርስትያን ኣብ ሕብረተሰብ ሳን ማሪኖ እትገብሮ ኣበርክቶ" ከም ዝጎለሐን፡ "ኣብቲ ዝቕጽል ዘሎ ኣህጉራዊ ቅልውላዋት ብፍላይ ድማ ኣብ ዩክሬን ኣብ ዝካየድ ዘሎ ግጭት፡ ኣብ ምትሕብባር ኣብ ብዝሓ ጎናዊ ስነ ሜላዊ ክሌኣዊ ርክብ፡ ኣብ ኣገዳስነት ዘተ ኣብ መንጎ ሃይማኖታት ምድንፋዕን እዚ እውን ኣብ ምርግጋጽ ሰላም ዘለዎ ዓቢይ ኣበርክቶ ከም እተሰመረሉ ኣፍሊጡ።