ር.ሊ.ጳ. ልዮን፡ ሓጎስ በዓል ልደት፡ ናይ እምነትን ፍቕርን ተስፋን በዓል እዩ እንክብሉ የበስሩ

ስምዖን ተ. ኣርኣያ - ሃገረ ቫቲካን

ርእሰ ሊቃነ ጳጳሳት ልዮን መበል 14 ዕለት 24 ታሕሳስ ለይቲ ኣብ ባዚሊካ ቅዱስ ጴጥሮስ ንበዓለ ልደት ኣብ ዝሰርዕዎ መስዋዕተ ቅዳሴ፡ ነቲ ኣብ ወንጌል ሉቃስ ከም ዝተነግረ፡ ንሰማይ ለይቲ ዘብርህ፡ ንዓለም ዘገርም፡ "ሓድሽ ዝበርሀን ብህይወት ዝነድድን ብልጭታ" ዝብል ድሙቕ ኮኾብ ዘኪሮም፡ ነቶም ኣብ ጸልማትን ኣብ ድነ ሞትን ተቐሚጦም ዘለዉ ኼብርህ፡ ስለ ርሕሩሕ ምሕረት ኣምላኽና፡ ብእኡ ኻብ ላዕሊ በርቂ ጸሓይ ኪበጽሓና እዩ። ሎሚ ኣብ ከተማ ዳዊት መድሓኒ ተወሊዱልኩም ኣሎ፡ ንሱ መሲሕ እግዚኣብሄር እዩ” ዝብል ቃል ብስራት ጠቒሶም፡

"ናብ ግዜን ቦታን – ኣብ ማእከልና – እቲ ብዘይ ብኣእኡ ክንንበር ዘይንኽእል ህላወ ይመጽእ። እቲ ህይወቱ ምእንታና ኣሕሊፉ ዚህብ ብብርሃን ምድሓኑ ንለይቲ ዘብርህ ኣብ ማእከልና ይነብር። ኵሎም ደቂ ሰብ ብብርሃኑ ወጋሕታ ሓድሽን ዘለኣለማውን ህይወት ክርእዩ እዮም እሞ እዚ ኰዀብ እዚ ዘየብርሆ ጸልማት የልቦን” ከም ዝበሉ ዜና ቫቲካን የመላኽት።

ኣብ መንጎና ዝነብር ኣምላኽ

ቅዱስ ኣቦና ኣብ ስብከቶም፡ ኣብ ልደት ኢየሱስ ከመይ ኢሉ "ኣምላኽ 'ካብ ኵሉ ኣበሳ ምእንቲ ከድሕነና ህዝቡ ምእንቲ ከንጽሕ' ካብ ገዛእ ዝበኣሰ ነገር ኣይህበናን" እንክብሉ ገሊጾም፡ ነዚ መድሓኒ እዚ ንኽንረኽብ ከኣ ንኣምላኽ ኣብ ማእከልና ኣብ መብልዕ ማል ክንረኽቦ ኣብ ታሕቲ ኽንጥምት ኣሎና።

"ኵሉ ዚኽእል ኣምላኽ ብሓይሊ ሓድሽ ዝተወልደ ሕጻን ይበርህ። ኣንደበተ ርቱዕ ዘለኣለማዊ ቓል ኣብቲ ናይ መጀመርታ ኣውያት ሕጻን ይስማዕ፣ ቅድስና መንፈስ ቅዱስ፡ ኣብቲ ብጨርቂ እተጠቕለለ ሕጻን ይበርህ።”

"ወልደ ኣብ ምስ ኵሎም ኣሕዋቱን ኣሓቱን ኣብ ታሪኽ ስለ ዚካፈል እቲ ቘልዓ ኽንክን ዜድልዮ መለኮታዊ ይኸውን" እዚ ኻብ ኢየሱስ ዚወጽእ መለኮታዊ ብርሃን ከኣ "ኣብ ነፍሲ ወከፍ ሓድሽ ህይወት ንደቂ ሰብ ኣፍልጦ ንኽንህቦም ይሕግዘና። ጐይታ ከምቲ ካብ ፍጥረት ዓለም ዝጀመረ መደብ ፍቕሪ ኣብ ነፍሲ ወከፍ ናይ ሓቂ ምስሉ ዜንጸባርቕ ነፍሲ ወከፍ ሰብ፡ ርእሱ ኺግለጽ እዩ ዚመርጽ።"ርእሰ ሊቃነ ጳጳሳት በነዲክቶስ መበል 16 እተዛረቦ ቓላት ብምዝካር፡ ንደቂ ሰብ ቦታ እንተ ሂብና፡ ንኣምላኽ ቦታ ህልወና እዩ፡ ከም ዝበሉ ዜና ቫቲካን የመላኽት።

ሓድሽ ህይወት ኣብ ህጻን ኢየሱስ

ርእሰ ሊቃነ ጳጳሳት፡ እግዚኣብሔር ንዓለም ሓድሽ ህይወት፡ ናቱ፡ ኣብ ህጻን ኢየሱስ፡ ናብ ገዛእ ርእሱ ዝህበና "ናቱ ዛንታ ፍቕሪ" ይህባ፡ "ነዚ ጥበብ ልደት እዚ" ክንድነቕ ኣተባቢዖም።

"ንትጽቢታት ሰባት ምላሽ ብምሃብ ንሕጻን ናይ ተስፋ ቃል ገይሩ ይልእኽ። ስቓይ ድኻታት እናሃለወ ኽነሱ ነቲ መከላኸሊ ዘይብሉ ሰብ ከትንስእ ሓይሊ ኸም ክህቦም ይልእኾ። ነቶም ኣብ ዓመጻን ጭቈናን ዘለዉ ደቂ ህዝቢ ዓለም እዚኣ ብምድሓን ዜብርሆም ልኡም ብርሃን ይዅልዕ።"

እግዚኣብሔር ከማና ይኸውን፣ ናይ ነፍሲ ወከፍ ሰብ ደረት ኣልቦ ክብሪ ይገልጽ" እንክብሉ ቅዱሰንቶም ኣስሚሮም፣ "ኣብ ልቢ ክርስቶስ እቲ ሰማይን ምድርን ፈጣሪን ፍጡራትን ዜሕብር ማእሰር ፍቕሪ ይሃርም፡ ነዚ ሓቂ እዚ ኣፍልጦ ምሃብ ከኣ ንታሪኽና ንምቕያር ኣገዳሲ እዩ፣ ብርሃን ምሕረትን ፍቕርን ኣምላኽ ከም ዚበርህ ምግባር ድማ ኣገዳሲ እዩ፡ እንክብሉ ከም ዘስተብሃሉ ዜና ቫቲካን ይሕብር።

ሓጎስ ይዕምብብ፡ ህይወት ይቕየር

ርእሰ ሊቃነ ጳጳሳት ፍራንቸስኮ ኣብ ዝሓለፈ ዓመት ኢዮቤል ተስፋ ንምብጋስ ቅዱስ ማዕጾ ባዚሊካ ቅዱስ ጴጥሮስ ምስ ከፈቱ፡ "ልደት ኢየሱስ 'ተስፋ ኣብ ዝይብሉ ቦታ ተስፋ ናይ ምምጻእ ውህበትን ዕዮን' ኣብ ውሽጥና የሀልው” እንክብሉ ኣረጋጊጾም እዮም፣ ምኽንያቱ 'ምስኡ ሓጐስ ይዕምብብ። ምስኡ ህይወት ይቕየር፤ ብእኡ ቀቢጸ ተስፋ ኣይንኸውንን” ምስ በሉ፥

ሓጎስ በዓል ልደት ምክፋል

ኣብ መደምደምታ ስብከቶም፡ ኩሉ ሰብ "በዓል እምነትን ልግስን ተስፋን ዝዀነ ሓጐስ ልደት" ክረክብን ከካፍሎን ተማሕጺኖም። ብእምነት "ኣምላኽ ካብ ድንግል እተወልደ ሰብ ከም ዚኸውን" ክንርኢ ንኽእል ኢና፣ ኣብ ፍቕሪ "ውህበት እቲ ተበጃዊ ወልድ ብሕውነታዊ ርእሰ ተወፋይነት ከም ዚፍጸም" ንርኢ ኢና። "እቲ ሕጻን የሱስ ልኡኻት ሰላም ኪገብረና ኸሎ ኣብ ውሽጥና ይጎሃሃር፡ በዚ ድማ ተስፋ በዓል ልደት ነብዕል” ከም ዝበሉ ዜና ቫቲካን የመላኽት።