ኣብ ፍሎሪዳ እትርከብ ቤተክርስትያን ብሰንኪ ምጉዳል ስልዒት እተቅርቦ ኣገልግሎት ግብረ ሰናይ ይሰናኸል
ስምዖን ተ. ኣርኣያ - ሃገረ ቫቲካን
ማያሚ ሄራልድ እተሰምየ ዕለታዊ ጋዜጣ ከም ዝጸብጸቦ እቲ ናይ መንግስቲ ውሳኔ ኣብ መወዳእታ ሰነ ልዕሊ 80 ሰራሕተይናታት ካብ ስራሖም ክሰናበቱ ዝገድድ ካብ ምዃን ሓሊፉ፡ ኣብ ደቡብ ፍሎሪዳ ዝርከብ ብራያን ዋልሽ ቑሸት ቆልዑ ተባሂሉ ዝጸዋዕ ክዕጸው ከም ዝገበርን እዚ እውን ካብ ኩባ ቬንዙዌላ ከምኡውን ሓይቲ ንዝመጹ ኣሰነይቲ ዘይብሎም ትሕቲ ዕድመ ቆልዑ ዘተኣማምን መዕቈቢ ምዃኑ ዝፍለጥ ኮይኑ፡ ቅድሚ ሒደት ሰሙናት እቲ ንርእሰ ሰበኻታት ዝስላዕ ዝነበረ መሳለጢ ገንዘብ ክቋረጽ ምዃኑ ካብ መንግስቲ መልእኽቲ ከብዝበጸሖ ኣፍሊጡ እዚ ድማ ንዓሰርተታት ዓመታት ዝጸነሐ ምትሕብባር ከብቅዕ ዝገብር እዩ።
ኣብ ልዕሊ መንግስቲ ዝቐርብ ዘሎ ነቐፌታ
እቲ ሓላፍነት ዘለዎ መንግስታዊ ትካል ከም ዝገለጾ፡ እቲ ውሳነ እተገብረ ርእሰ ብሔር ዶናልድ ትራምፕ ናብ ስልጣን ካብ ዝመጽእ ንደሓር ቍጽሪ እቶም ክንክን ዘድልዮን ብዘይ ኣሰነይቲ ናብ ሕቡራት መንግስታት ኣመሪካ ዝስደዱ ቈልዑ ብዝሒ ኣዚዩ ስለ ዝነከየ እዩ እንክብል መግለጺ ከም ዝሃበ ዝሓበረ ዜና ቫቲካን ኣስዒቡ፡ ናይ ርእሰ ሰበኻታት ሚያሚ ሊቀ ጳጳሳት ቶማስ ዌንስኪ ኣብዚ ቐረባ እዋን ኣብ ተለቪዥን ዝሃቦ መግለጺ፡ ነቲ ምቝራጽ ሓገዝ መንግስቲ ነቒፎም "ጽቡቕ ሰሪሕናን ኣገልጊልናን ኢና - ቢሎም - ክሳዕ ሕጂ እተገብረ ዕዮ ድማ ኣገዳስነቱ ኣጒሊሖም፡ ንዙሓት ሓገዝ ዘድልዮም ቈልዑ ዘድሊ ሰብኣዊ ሓገዝ ተዋሂቡ እዩ። መንግስቲ ሕቡራት መንግስታት ኣመሪካ ንካቶሊካውያን ትካላት ረድኤት ዝህቦ ናይ ገንዘብ ሓገዝ ክቛረጽ ዝገበረሉ ምኽንያት ድማ መንግስቲ ዝኽተሎ ጽኑዕ ናይ ስደተይናታት ጉዳይ ዘመሓድር ሕጊ ካቶሊካዊት ቤተ ክርስቲያን ብግልጺ ስለ ዝተቓወመቶ እዩ እንክብሉ ነቒፎም፡ ቤተ ክርስቲያን ትማልን ልምን ጽባሕን ኣብ ጎድኒ ድኻታትን ስደተይናታትን ሕሙማንን እያ” ከም ዝበሉን እቲ ርእሰ ሰበኻታት ከም ዝሓበሮ ድማ ኣብቲ መእለዪ ትሕቲ ዕድመ ህጻናትን ትካል ግብረ ሰናይን ኣብ ዝተፈላለየ መዳይ ተዋፊሮም ዘገልግሉ 84 ሰራሕተይናታት መንግስቲ ካብ ስራሕ ከሰናብቶም ከም ዝኾነን እቲ መእለዪ ትሕቲ ዕድመ ሕጻናት ማእከል ክዕጾ ምዃኑ እውን ኣብ ዝሃብዎ ቃለ መሕትት ከም ዘፍለጡ የመላኽት።
