Radio Vatican,nembo mpya ya muziki kusherehekea miaka 95 tangu kuanzishwa kwake

Vatican News

Nembo mpya ya muziki ya Vatican Radio, iliyo na vitambulisho vinne vikuu, ni mpango  ulioundwa kusherehekea kumbukumbu ya miaka 95 ya kihistoria ya kuanzishwa kwake kwa usahihi inayochanganya tamaduni za kale na za sasa. Mfumo mpya wa vitambulisho ulikabidhiwa kwa Mwalimu Marcello Filotei, wa timu ya wahariri ya Programu za Muziki inayoongozwa na Mwalimu Pierluigi Morelli, na unasindikizana na wasikilizaji katika kipindi chote cha mwezi Februari na baadaye kuwa sehemu ya kudumu katika vipindi vya kawaida vya kituo hicho.

Radio Vatican itaanzisha mfumo mpya wa vitambulisho utakaokamilisha uundaji wa kihistoria wa "Christus Vincit," uliotungwa na Mwalimu Alberico Vitalini, wa mada ya mtunzi wa Chekoslovakia Jan Kunc, ambayo imekuwa kipengele tofauti na kinachotambulika cha utambulisho wa sauti wa kituo hicho. Mada ya asili ya Christus Vincit imefanyiwa marekebisho kwa mtindo wa kisasa, ikidumisha uhusiano wa moja kwa moja na utamaduni huku ikitoa mandhari mpya ya sauti inayoweza kuhusisha hisia za kisasa. "Radio Vatican imekuwa ikihamasisha, hata katika mlio wake, uhusiano maalum na muziki unaofafanua utambulisho wake," alisisitiza Dk. Paolo Ruffini, Mwenyekiti wa Baraza la Kipapa la Mawasiliano.

Muziki unatuzungumzia kuhusu maelewano hayo yenye nguvu na yanayobadilika ambayo sote tunatafuta katika maisha yetu. Huzalisha miale ambayo huwa mazungumzo, mazungumzo ambayo huwa ushirika, na kumbukumbu ambayo huwa uhai. Kusherehekea maadhimisho ya miaka 95 ya kituo chetu cha radio leo kwa kupitia upya vitambulisho vyake vya mtandao kuna maana hii hasa kwetu. Kufupisha katika sekunde chache za sauti maarufu, historia ambayo utambulisho na ushirika huungana, hukua pamoja, na kutufanya tujisikie tuko nyumbani. Mpango huu unajumuisha vitambulisho vinne vikuu, vyote vikiwa vimetokana na mada ya Christus Vincit, kila kimoja kimeundwa kusindikiza na wakati tofauti wa siku ya radio: toleo moja lililowekwa kwa ajili kuamka, asubuhi, moja kwa ajili ya alasiri, na moja kwa ajili ya usiku.

Hizi zinakamilishwa na vitambulisho viwili vifupi: cha kwanza kinatumia ufunguzi wa mada, cha pili mwisho wake, na kuunda uhusiano wa haraka na unaotambulika na utambulisho wa sauti asili. "Ilikuwa ni kitendo cha kusawazisha kati ya tamaduni na uvumbuzi, mpya" alisisitiza Mwalimu Marcello Filotei. "Ilikuwa kama kutembea kwenye kamba iliyobana kati ya majengo mawili marefu, ukijaribu kutoingia katika hali dhahiri. Kuboresha maisha haimaanishi kuacha yaliyopita, bali kuyasoma tena kwa macha mapya." Mwalimu Pierluigi Morelli pia aliunda kitambulisho maalum kinachokumbusha mpangilio wa kipindi cha Baroque, kikirejea mwelekeo wa kihistoria na kimuziki unaoendana kwa usawa na utamaduni wa Radio ya Papa.

Vitambulisho vyote vitatangazwa kwa wakati mmoja (masaa ya Roma) kwenye chaneli ya lugha ya Kiitaliano na vituo 30 vya radio, vya mtandao wa Radio Vatican, katika uzoefu wa kusikiliza wa pamoja duniani kote. Kwa mujibu wa Massimiliano Menichetti, Naibu Mkurugenzi wa Uhariri wa Radio Vatican Vatican News, anabainisha kuwa "kwa uboreshaji huu uliopendekezwa na kutekelezwa na Programu za Muziki, kituo kinakumbuka na kuzindua upya dhamira ya mtangazaji wa kipapa kupitia sauti, kikionesha daraja kati ya yaliyopita na ya sasa katika mwanga wa imani."

Ratiba ya vipindi itakuwa kama ifuatavyo:

1:00–3:00 asubuhi: Kitambulisho cha kuamka

3:00–5:00 asubuhi: Kitambulisho cha asubuhi

6:00 mchana: Kitambulisho cha kihistoria na Alberico Vitalini

8:00–12:00 Jioni: Kitambulisho cha alasiri

6:00 Usiku: Utambulisho wa kihistoria na Alberico Vitalini

6:00 Usiku –12:00 Usiku:Kitambulisho cha usiku

Asante kwa kusoma makala yetu. Unaweza kuendelea kupata taarifa mpya kwa kujisajili kwenye jarida letu la kila siku: Just click here