Jubilei ya Mwaka wa Mtakatifu Francis:kutangazwa kwa Hati ya Kitume
Vatican News
Mwaka maalum wa Mtakatifu Francis kuanzia tarehe 10 Januari 2026, hadi tarehe 10 Januari 2027, umetangazwa ambapo "kila Mwamini Mkristo, akifuata mfano wa Mtakatifu wa Assisi, anaweza kuwa kielelezo cha utakatifu wa maisha na ushuhuda wa amani unaoendelea." Baba Mtakatifu Leo XIV alitangaza hilo wakati wa kuadhimisha miaka mia nane ya kifo cha Poverello, na ilitangazwa katika Hati iliyochapishwa tarehe 16 Januari 2026 na Idara ya Toba ya Kitume ambayo inaelezea kwamba Rehema Kamili itatolewa "chini ya masharti ya kawaida (Sakramenti ya Kitubio, Ushiriki wa Ekaristi, na sala kwa nia ya Baba Mtakatifu), pia inatumika katika mfumo wa kuombea roho zilizo Toharani."
Rehema kamili
Kwa kile ambacho kilichapishwa kwenye Hati hiyo iliyosainiwa na Kardinali Angelo De Donatis, Mkuu Idara ya Toba ya Kitume na Askofu Krzysztof Josef Nykiel, Hakimu Mkuu wa Idara ya Toba ya Kitume, inatangaza kwamba msamaha utatolewa kwa wajumbe wa Familia za Wafransiskani wa Daraja la Kwanza, la Pili, na la Tatu la Kawaida na la Kidunia; kwa wajumbe wa Taasisi za Maisha ya Wakfu, Vyama vya Maisha ya Kitume, na Vyama vya Waamini vya umma au vya kibinafsi, wanaume kwa wanawake, "wanaofuata Kanuni ya Mtakatifu Francis au wanaoongozwa na hali yake ya kiroho au kwa njia yoyote ile huendeleza karama yake," na pia kwa waamini wote "bila ubaguzi" ambao "kwa roho iliyotengwa na dhambi, wanashiriki katika Mwaka wa Mtakatifu Francis kwa kutembelea, kama hija, Kanisa lolote la watawa Wafransiskani au mahali pa ibada katika sehemu yoyote ya dunia iliyowekwa kwa Mtakatifu Francis.
Kadhalika, wengine ambao wameunganishwa na karama hiyo kwa sababu yoyote ile, na hapo watafuata kwa bidii ibada za Jubilei au kutumia angalau muda unaofaa katika kutafakari kwa uchaji Mungu na kumwomba Mungu maombi ili, kwa kufuata mfano wa Mtakatifu Francis, hisia ya upendo wa Kikristo kwa wengine na matakwa ya kweli ya mapatano na amani miongoni mwa watu yaweze kuibuka mioyoni mwao, wakimalizia na Baba Yetu, Sala ya Kanuni ya Imani, na maombi kwa Bikira Maria Mwenye Heri, Mtakatifu Francis wa Assisi, Mtakatifu Clara, na Watakatifu wote wa Familia ya Wafransiskani..
Rehema kwa Wazee na Wagonjwa
"Wazee, wagonjwa, na wale wanaowatunza, na wale wote ambao kwa sababu kubwa hawawezi kuondoka majumbani mwao," Hati hiyo ibanisha kwamba "bado wataweza kupata Rehema ya Kipekee, ikiwa wataondoa dhambi zote na nia ya kutimiza masharti matatu ya kawaida haraka iwezekanavyo, ikiwa wataungana kiroho na sherehe za Jubilei ya Mwaka wa Mtakatifu Francis, wakimtolea Mungu mwenye Huruma maombi yao, maumivu, au mateso ya maisha yao."
"Ili kuhakikisha kwamba fursa hii ya kupata neema ya Mungu kupitia Nguvu ya Funguo za Kanisa inaweza kupatikana kwa urahisi zaidi, Hati hii ya Upatanisho, inaendelea, "inawaomba kwa dhati mapadre wote, wa kawaida na wa kidunia, waliojaliwa uwezo unaofaa, kujitolea, kwa roho iliyo tayari, ya ukarimu, na ya huruma, kusherehekea Sakramenti ya Upatanisho."
Jubilei zilizowekwa wakfu kwa Mtakatifu Francis
"Ingawa matunda ya neema ya Jubilei ya Kawaida ya 2025 iliyomalizika hivi karibuni bado yana ufanisi, ambapo sote tulihimizwa kuwa mahujaji wa tumaini hili ambalo halikatishi tamaa, tukio jipya la kushangilia na kutakaswa linaongezwa kwake kama mwendelezo bora: miaka mia nane ya kifo cha furaha cha Mtakatifu Francis wa Assisi kutoka maisha ya kidunia hadi nchi yake ya mbinguni," Hakimu mkuu wa Idara ya Toba ya Kitume, alisisitiza.
Katika miaka ya hivi karibuni, Jubilei zingine muhimu zimezingatia sanamu na kazi za Mtakatifu wa Assisi: mia nane ya kuumbwa kwa Pango la kwanza la Kuzaliwa kwa Yesu huko Greccio, utunzi wa Wimbo wa Viumbe, wimbo wa uzuri mtakatifu wa uumbaji, na hisia ya Madonda matakatifu (Stigmata), yaliyotokea kwenye Mlima wa La Verna, karibu Kalvari mpya, miaka miwili kabla ya kifo chake. Kwa hiyo mwaka 2026 utaashiria kilele na utimilifu wa sherehe zote zilizopita: hakika utakuwa Mwaka wa Mtakatifu Francis na sote tutaitwa kuwa watakatifu katika wakati wetu, tukifuata mfano wa Patriaki wa Seraphic.
Usiharibu nia za Mwaka Mtakatifu
Hati hiyo aidha inakumbusha Historia ya Francis, ambaye "kutoka kuwa mwana wa mfanyabiashara tajiri, akawa maskini na mnyenyekevu, Kristo wa kweli duniani, akiupatia ulimwengu mifano inayoonekana ya maisha ya kiinjili na taswira halisi ya ukamilifu wa Kikristo." Wakati wetu, inasomeka, hati hiyo kuwa “si tofauti na ule ambao Francis aliishi, na hasa kwa kuzingatia hili, mafundisho yake labda ni halali zaidi na yanaeleweka leo.”
“Wakati upendo wa Kikristo unapopungua, ujinga unaenea kama tabia mbaya, na wale wanaotukuza maelewano miongoni mwa watu hufanya hivyo zaidi kutokana na ubinafsi kuliko roho ya dhati ya Kikristo; wakati ukweli wa kidijitali unapewa kipaumbele kuliko mfarakano halisi wa kijamii na vurugu ni sehemu ya maisha ya kila siku, na amani inakuwa isiyo salama na ya mbali zaidi kila siku.” Na kwa njia hiyo “Mwaka huu wa Mtakatifu Francis na utuchochee sote, kila mmoja kulingana na uwezo wetu, kumwiga maskini wa Assisi, kujijenga kadiri iwezekanavyo katika mfano wa Kristo, na sio kukatisha tamaa maazimio ya Mwaka Mtakatifu yaliyopita hivi karibuni: tumaini ambalo limetuona kama mahujaji sasa libadilishwe kuwa bidii na ari ya upendo hai.”
Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku: Just click here
