Ziara ya Kichungaji,Papa Leo XIV:Kanisa la Pavia ni moto wa imani

Na Angella Rwezaula – Vatican.

Ninajali kuhusu uwanda huu wenye rutuba, ambapo kila shamba na kila mtaro una alama za kazi ngumu ya subira ya wale ambao kwa karne nyingi wamesikiliza mdundo wa uumbaji, wakihisi kupatana na asili. katika jiji la Pavia, Kanisa hufanya kazi kama tumbo linalowakaribisha wote, likizalisha ubinadamu mpya. Hata leo, taasisi kongwe zaidi ya jiji imeitwa kuinjilisha kwanza kabisa kama mahali pa imani na nyumba ya upendo katika huduma ya wadogo, maskini zaidi, wapweke zaidi, au wazee, ikihusisha katika utunzaji huu wa ubinadamu vikosi vyote vya kujitolea, ambavyo ninawapa heshima na shukrani zangu.

Haya yamo katika Hotuba ya Baba Mtakatifu Leo XIV akihutubia wazalendo wa Pavia katika Ziara yake ya Kichungaji huko Pavia na Sant' Angelo Lodigiano, nchini Italia,  Jumamosi tarehe 20 Juni 2026. Ikiwa ni hotuba yake ya pili, Baba  Leo XIV awali ya yote aliwashukuru kwa makaribisho yao, kwa namna hiyo ya sikukuu na maneno mazuri ya makaribisho. Katika maneno ya Askofu na Meya, Pavia yenyewe inawajiwakilisha kwa kutoa sauti ya uzuri wa mji wao. Ni uzuri unaodai, kwa kile kinachowakilisha urithi wa thamani ya wakati uliopita ambao unageuka kuwa jitihada kwa ajili ya wakati uliopo.  

Mkutano na Wazalendo wa Pavia   (@Vatican Media)

Papa Leo XIV alisema kuwa tunajikuta katika mnara ambao unazungumza juu yenu, na kwa hiyo unaozungumza kwenu. Ina  maana,  si yale mambo ya kale, bali nyumba, shule, chuo kikuu, hospitali, na vituo vya kiparokia. Hizi ni sehemu zenye maana, miundo iliyokusudiwa hasa, na ambayo inashuhudia makaribisho, elimu na utamaduni. Kwa kifupi miundo yake inajieleza sawa na utunzaji wa mtu, Jumuiya, kwa hadhi yake na thamani zake, na zile ambazo zinawaunganisha kama watu wamoja, na mbao hata ni msingi wa Katiba ya Italia. Kwa kukatisha kituo katikati  cha kihistoria cha Pavia, kwenye njia na kwenye viwanja, unavuta hewa ya uzuri uliojaa historia, si ya kijuu juu. “Hii ni sifa ya miji ya Ulaya: ingawa tunatambua ndani yake ustadi na hisia za kiraia za wale walioijenga, tunatambua jinsi thamani ya kitambaa cha mijini inavyodumisha maisha yao ya kila siku na jukumu maalum ambalo kila moja yanachukua kitaifa na kimataifa.

Jina Mji linaonesha hali ya kibinadamu

Jina "mji," kutoka katika Kilatini ‘civitas’, halioneshi mahali tu, bali pia hali ya kibinadamu: mji ni mmoja kwa wote, umoja na wingi. Watu wanaoishi humo huunda jamii, yaani, kiumbe ambacho lazima kiandaliwe vizuri katika mahusiano na sheria zake. Kuwa kijamii kunamaanisha kuwa msaidizi, kutenda kama washirika wa kweli: wakichochewa na manufaa ya wote na si kwa maslahi ya vyama. Raia huwa raia wenzao kila wakati!Papa Leo XIV aliendelea kusema kuwa kiukweli, chombo cha kidemokrasia kinachojali jiji, kinachohamasisha ustawi wa wakazi wake, kinaitwa "Manispaa." Kwa kuwa watu wanawajibika kwa nafasi za umma, katika kukabiliana na changamoto za sasa, Papa aliongeza hebu tujiulize ni nini kinachoimarisha na kinachoharibu nyumba zetu: hebu tujiulize ni nini kinachoimarisha na kinachodhuru jamii yetu. Vinginevyo, kile ambacho ni cha kila mtu, kina hatari ya kuwa si cha mtu yeyote: wakati kutojali kunapoonekana kusambaratika kwa jamii yetu, lazima tufanye upya ushiriki hai wa kila mtu katika maisha ya jiji.”

Mkutano na wazalendo wa Pavia   (@Vatican Media)

Papa Leo XIV aliendelea kusema kuwa, "Tukikabiliwa na aina za uharibifu na ujinga wa uraia, tumeitwa kushiriki lugha za kujitolea na huduma, ambazo huhifadhi viwanja, mbuga, na mitaa kama sehemu za mikutano bora zaidi. Uraia huu mwema huendeleza maelewano kupitia mazungumzo na mikutano yenye kujenga kati ya watu na tamaduni zinazohuisha Pavia. Leo, hii Papa aliongeza "ninawaalika kila mmoja wenu kurudia mwenyewe: Ninajali kuhusu jiji letu! Ninajali kuhusu afya ya wale wanaonizunguka, ninajali kuhusu uzuri wa mahali ninapoishi, ninajali kuhusu ubora wa maisha katika mazingira ninayofanya kazi na kutumia muda wangu wa mapumziko." Papa alisema “Ninajali kuhusu uwanda huu wenye rutuba, ambapo kila shamba na kila mtaro una alama za kazi ngumu ya subira ya wale ambao kwa karne nyingi wamesikiliza mdundo wa uumbaji, wakihisi kupatana na asili.

Kulima ardhi ni kukuza utamaduni

Kulima ardhi kunaonesha kuhamasisha utamaduni, ambao unapata mfano unaofaa sana huko Pavia. Nikikumbuka tamaduni zenu za kitaaluma, ninadhani hasa kuhusu vijana na wanafunzi wanaohudhuria chuo kikuu cha jiji.” Katika kitovu hiki cha kiutamaduni, hawapati uzoefu wa mkusanyiko wa maarifa, bali mfumo unaoweza kuwaumba watu binafsi bila kukisia kazi zao. Kukuza sayansi, kiukweli, kunamaanisha kukuza ubinadamu, ambao lazima ubaki kuwa mhusika mkuu wa utafiti wake mwenyewe. Kwa mtazamo huo, kila aina ya maarifa inalingana na aina ya utunzaji: kama vile sayansi ya matibabu inavyotoa kwa mwili wa mwanadamu, vivyo hivyo sheria hujishughulisha na mwili wa kijamii, na falsafa huzingatia mawazo, ambayo ubinadamu huendeleza sanaa zake zote," Papa Leo alisisitiza.

Kiu ya Mtakatifu Agostino

Papa Leo XIV alieleza kuwa,  kila kitu tunachojifunza kuhusu ulimwengu kinatusaidia kujielewa na kutufanya tuhoji upya kuwepo kwetu, tukiwa na kiu ya ukweli na haki. Kiu hii ilijaza roho ya Mtakatifu Agostino, mfano wa kutotulia kwa afya unaowachochea wale wanaofanya utafiti, wale wanaosoma, wale wanaoelimisha. Umbo lake, huku likionesha mazungumzo magumu na ya mara kwa mara kati ya imani na sababu, linashuhudia umiliki wao wa pamoja. Hakika, mtu hawezi kuamini bila kufikiria, wala haiwezekani kuangazia maswali ya juu zaidi ya sababu bila imani. Kwa uwazi huu wa kuamini, maswali na mipango ya akili ya kibinadamu: haijifungi ndani ya mantiki ya faida au utawala, lakini hugundua njia mpya za kujitunza yenyewe na ulimwengu. Kwa kiwango kinachoamini, wanadamu hawajisalimishi hadi mwisho, kwa kipande cha kihistoria kinachoishia na kifo: imani yenyewe inatukumbusha kwamba sisi si raia wa hatima isiyojulikana, badala yake tukishikilia uhakika kwamba Mungu ndiye muumbaji na mwokozi wa uzima.

Mkutano wa Papa na wazalendo wa Pavia   (@Vatican Media)

Kanisa huko Pavia ni tumbo linalowakaribisha wote

Katika suala hili, hata katika jiji la Pavia, Kanisa hufanya kazi kama tumbo linalowakaribisha wote, likizalisha ubinadamu mpya. Hata leo, taasisi kongwe zaidi ya jiji imeitwa kuinjilisha kwanza kabisa kama mahali pa imani na nyumba ya upendo katika huduma ya wadogo, maskini zaidi, wapweke zaidi, au wazee, ikihusisha katika utunzaji huu wa ubinadamu vikosi vyote vya kujitolea, ambavyo" Papa aliongeza "ninawapa heshima na shukrani zangu."  "Shukrani kwa kujitolea kwenu, Pavia imefanikiwa, si tu katika utajiri bali pia katika wema: daima heshimu hadhi ya kila maisha ya mwanadamu! Msalaba, ulio katika nembo ya jiji lenu, ni zaidi ya ishara ya utabiri; ni mchanganyiko wa kiutamaduni: Kumbuka kwamba historia ya Pavia imejikita katika thamani ya ulimwengu ya upendo wa Kikristo; na ni historia inayopaswa kuandikwa pamoja, ikionesha kumbukumbu ya ubunifu katika uelewano kati ya raia na vyama, kati ya Kanisa na mashirika ya umma, kati ya vizazi na tamaduni. Kwa kuhitimisha Papa Leo XIV aliwaalika kila mmoja wao kutoa kilicho bora kwa ajili ya wote, na aliwapa baraka zake kwa moyo wote, nyumba zao, na familia zao na kuwashukuru.

Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku. Just click here