Papa Leo XIV akutana na Rais wa Moldavia

Vatican News

Ijumaa asubuhi  tarehe 12 Septemba 2025, Baba Mtakatifu  Leo XIV alikutana na Bi Maia Sandu, Rais wa Jamhuri ya Moldovia, katika Jumba la Kitume, mjini Vatican.

Rais wa Moldavia akizungumza na Papa Leo XIV   (@VATICAN MEDIA)

Baada ya Mkutano huo na Papa pia  alikutana na Kardinali Pietro Parolin, Katibu Mkuu wa Vatican, akifuatana na Askofu Mkuu Paul Richard Gallagher, Katibu wa Mahusiano na Mataifa na Mashirika ya Kimataifa.

Wakati wa kubadilishana zawadi   (@VATICAN MEDIA)

Majadiliano katika Sekretarieti ya Nchi

Kwa mujibu wa taarifa kutoka Ofisi ya Waandishi wa Habari Vatican, ilibainisha, "Wakati wa mkutano wa kidugu katika Sekretarieti ya Vatican, shukrani ilioneshwa kwa uhusiano mzuri uliopo baina ya nchi mbili, kwa matumaini ya kuimarishwa zaidi." Kadhalika, majadiliano yalilenga juu ya hali ya amani na usalama katika ngazi mahalia, kikanda na kimataifa, kwa kuzingatia hasa  hali inavyoendelea ya hivi karibuni nchini Ukraine.