Hongera kutoka kwa CCEE:Mwaka Mmoja Pamoja na Papa Leo XIV"

CCEE

Katika maadhimisho ya mwaka wa kwanza wa kuchaguliwa kwa Papa Leo XIV, Urais wa Shirikisho la Mabaraza ya Maaskofu Katoliki Ulaya (CCEE ), unamshukuru Baba Mtakatifu kwa niaba ya Maaskofu wote wa Bara la Ulaya na kumhakikishia maombi yao ya mara kwa mara kwa Bwana kwa ajili yake na huduma yake ya kitume. CCEE pia inamshukuru Papa kwa mafundisho yake na kwa umakini maalum aliouonesha kwa Makanisa barani Ulaya.

Tangu mwanzo wa Upapa alizungumzia amani

Mnamo tarehe 8 Mei 2025, Papa Leo XIV alipowabariki watu wa Mungu kwa mara ya kwanza kutokea kwenye Dirisha kuu la Basilika ya Mtakatifu Petro, alizindua upapa ambao kanuni zake za kuongoza zinapaswa kupinga bara la Ulaya kuhusu maadili yake na ujenzi wa nyumba ya pamoja. Tangu mwanzo wa upapa wake, Papa Leo XIV alizungumzia "amani isiyo na silaha na ya kupokonya silaha,  ambalo ni suala muhimu katika bara la Ulaya ambalo limekuwa likipambana kwa miaka mitano iliyopita na vita nchini Ukraine, pamoja na matokeo ya migogoro ya karibu katika Mashariki ya Kati na hivi karibuni, katika Ghuba.

Kama Mwenyekiti wa zamani wa Baraza la Maaskofu, Kardinali Robert Francis Prevost wa wakati huo alishiriki katika mikutano kadhaa ya Baraza la Shirikisho la Mabaraza ya Maaskofu wa Ulaya na anafahamu changamoto kubwa zinazokabili bara la Ulaya. Katika mwaka huu wa kwanza wa upapa wake, Papa Leo XIV hakuiona Ulaya kama muundo rahisi wa kitaasisi; badala yake, aliielezea kama fundisho  la kihistoria lenye jukumu la kimataifa, jumuiya ya watu walioitwa kugundua upya maana ya wito wake wa amani, kutetea utu wa binadamu, na kuhamasisha mazungumzo.

Katika hotuba yake kwa wanachama wa Chama cha Watu wa Ulaya mnamo tarehe 25 Aprili, Papa  Leo XIV alisisitiza kwamba: "Mpango wa Ulaya, ulioibuka kutoka kwenye majivu ya Vita vya Pili vya Dunia, hakika ulitokana na umuhimu wa vitendo wa kuzuia mgogoro kama huo kutokea tena. Hata hivyo, umejaa maono bora, yaani hamu ya kukuza ushirikiano ambao ungeshinda karne nyingi za mgawanyiko na kuwawezesha watu wa bara hilo kugundua upya urithi wa kibinadamu, kiutamaduni na kidini wanaoshiriki. Wazazi waanzilishi waliongozwa na imani yao binafsi, na waliona kanuni za Kikristo kuwa kipengele cha kawaida na cha kuunganisha ambacho kingeweza kusaidia kukomesha roho ya kulipiza kisasi na migogoro ambayo ilisababisha Vita vya Pili vya Dunia".

Mahubiri katika Kikanisa cha Sistine

Tunafahamu wito wa kuishi imani yetu moja kwa moja, tukianza kwanza na umuhimu wa Kristo. Hili lilisisitizwa na Papa Leo XIV katika mahubiri yake ya kwanza kama Papa, wakati wa Misa ya Kanisa katika Kikanisa cha Sistine mnamo tarehe 9 Mei 2025: "Jiwekeni kando, ili Kristo awe katikati." Tumeona umuhimu wa Kristo katika kila wito, katika kila hotuba, na katika kila mahubiri yaliyotolewa na Papa Leo XIV  katika mwaka huu wa kwanza wa upapa wake. Tulimfuata hadi Nicaea, ambapo aliadhimisha kumbukumbu ya miaka 1700 ya Mtaguso wa Kwanza la Kiekumeni, na tukasindikizana  naye katika sala huko Lebanon, "Ujumbe wa Nchi" ambao wito mpya wa amani lazima utoke. Lakini pia tumefuatilia kwa shauku Ziara ya Papa Leo XIV kwenda Afrika, tukijua kwamba wito wake wa kuondoa vikwazo vya maendeleo fungamani  ya binadamu unaleta changamoto kwa bara la Ulaya kwanza kabisa, ambalo leo linakabiliwa na wimbi jipya la usekula na hitaji la kujibu kwa uhalisia wa Kikristo kwa kuibuka kwa harakati mpya za watu.

Lazima tufanye hivyo tukiishi "usekula wenye afya", kama Papa Leo XIV mwenyewe alivyosisitiza mnamo 29 Septemba 2025 kwa wajumbe wa Kikundi Kazi cha Mazungumzo ya Tamaduni Mbalimbali na Dini Mbalimbali ya Bunge la Ulaya. Usekula wenye afya unamaanisha kutofautisha wazi kati ya dini na siasa, ambayo kwa hivyo inatambua umuhimu wa umma wa mwelekeo wa kidini na mchango wake katika maendeleo ya kibinafsi na kuishi pamoja kijamii. Mnamo tarehe 10 Desemba 2025, Papa Leo XIV kisha aliwaeleza wanachama wa kundi la bunge na Mageuzi wa Ulaya kwamba "Utambulisho wa Ulaya unaweza kueleweka na kuhamasishwa tu kwa kurejea mizizi yake ya Kiyahudi-Kikristo", kutambua ukweli wa kihistoria na kiutamaduni ambao umekuwa na athari kubwa chanya kwa ustaarabu wa Ulaya - kuanzia makanisa makubwa hadi sanaa, kuanzia muziki hadi vyuo vikuu, na katika maendeleo ya sayansi.

"Leo jirani yangu ni nani?"

Mnamo tarehe 18 Machi 2026, wakati akikutana na washiriki katika mkutano huo "Leo jirani yangu ni nani?" uliotangazwa na CCEE, CEI (Baraza la  Maaskofu wa Italia) na Shirika la Afya( WHO,) Papa Leo XIV alisisitiza wazi ukosefu wa usawa barani Ulaya - umaskini, upweke, kutengwa, ugumu wa kupata huduma, pamoja na mgogoro wa afya ya akili - na kusisitiza kwamba afya ni haki ya wote. Kwa mtazamo wa Papa, Ulaya itabaki kuwa ya kweli kwake yenyewe ikiwa tu itaweza kuwatetea walio hatarini zaidi miongoni mwetu na pia kukataa kukubali kwamba migawanyiko ya kijamii inachukuliwa kuwa kawaida.

Leo hatutaki tu kumheshimu Papa, ambaye anaweza kuona bara la Ulaya kwa uwazi, bali pia kwa Muagostiani Robert Prevost, aliyejitangaza kuwa "mwana wa Mtakatifu Agostino" kufikia tarehe 8 Mei 2025. Katika moja ya maandishi yake kama Muagostiniani yaliyochapishwa hivi karibuni na Jumba la Uchapishaji la Vatican (LEV) katika Kitabu cha “Kuwa huru chini ya neema” Prevost alitoa maoni yake kuhusu hotuba maarufu ya Regensburg na Benedikto XVI. Mkuu wa Waagostiniani wa wakati huo aliandika katika hotuba, iliyotolewa wakati wa ufunguzi wa mkutano kuhusu hali ya Shirika lake ka Kitawa barani Ulaya alisema: "Hoja kuu kutoka katika hotuba ya Benedikto XVI ambayo wachache wameielewa - ni kwamba hadi Magharibi isipogundua tena maono ya Mungu, haiwezi kushiriki katika mazungumzo yenye matunda na tamaduni kubwa za dunia, ambazo zina imani kubwa ya kidini kuhusu ukweli".

Maono yetu kuhusu Mungu?

Kisha akaongeza: “Kwa hivyo, sisi pia tunaitwa kujiuliza swali la msingi: ni kwa njia gani maono yetu kuhusu Mungu, au uzoefu wetu kuhusu Mungu, yanaunda maisha yetu na huduma yetu? Tukizingatia hali yetu wenyewe na ile ya Kanisa barani Ulaya, wasiwasi mkubwa hutokea, hasa kuhusu kile ambacho mustakabali wetu utatupatia.” Swali hilo linabaki kuwa muhimu leo hii; tunahisi uhai na uwepo wake katika upapa wa Leo XIV, na tunataka kulikumbatia kama sehemu ya tafakari yetu kama maaskofu na wachungaji. Tunatarajia kupokea msukumo unaoendelea kutoka kwa Papa; tunasubiri hotuba zaidi kuu kuhusu masuala ya Ulaya - tukijua kwamba kwa sasa kuna mwaliko wazi kwa Papa kuzungumza na Bunge la Ulaya huko Strasbourg - na tuko tayari kushirikiana na Papa, huku tukimshukuru kwa upadri wake wa Ulaya na hata zaidi kwa upadri wake wa ulimwengu wote.

Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku: Just click here.