Askofu Subroto:Maandamano ya kimya ya Wakatoliki huko Dhaka"kupinga misingi na vurugu"
Na Sr. Christine Masivo, CPS - Vatican.
Katika Juma za hivi karibuni, matukio kadhaa ya vurugu "yamejaribu kututisha wakazi juu ya kuishi pamoja," alisema hayo Askofu Subroto Boniface Gomes, Askofu Msaidizi wa Jimbo Kuu la Dhaka kuwa Mchana wa tarehe 7 Novemba 2025, bomu lililipuka mbele ya lango la jengo la Kanisa Kuu la Mtakatifu Maria huko Dhaka, na bomu lingine lililipuka katika Shule ya Mtakatifu Joseph, hapo karibu. Hakukuwa na majeruhi katika mashambulizi hayo, lakini kuna uoga sana katika Jumuiya za Wakatoliki na wakazi wanaoishi katika shule. Licha ya mashambulizi hayo, sherehe za misa na mafunzo yameendelea kawaida katika siku za hivi karibuni. “Kama jumuiya ya Kikristo, tuko tayari kujenga nchi jumuishi inayoheshimu utu wa tamaduni zote, makabila, na dini, kukataa aina zote za misingi na vurugu.”
Hata hivyo katika ghasia zilitokea mwezi mmoja baadaye, tarehe 8 Oktoba, wakati bomu lilirushwa kwenye Kanisa kongwe zaidi la mji mkuu, Kanisa Katoliki la Rozari Takatifu. Hakuna kundi lililodai kuhusika na mashambulizi ya kigaidi. "Hatujui ni nani aliyefanya vitendo hivi vya vitisho, lakini kuna hofu miongoni mwa watu. Kama maaskofu, tumeandika ujumbe kwa waamini, tukikumbuka maneno ya Yesu: 'Msiogope.' Tunabaki imara katika imani," alisema Askofu huyo. "Tumewafahamisha mamlaka za kiraia kuhusu hali yetu, na wameruhusu uchunguzi wa kina. Tuko katika awamu ya kutokuwa na uhakika na mvutano wa kijamii; lazima tuelewe jinsi matukio ya kisiasa yatakavyotokea.
Serikali ya mpito inajitahidi kudhibiti hali hiyo," askofu alibainisha. Jambo moja la kutokuwa na utulivu linahusiana na kesi ya Hasina: Novemba 17, mahakama ilimhukumu Hasina kifo baada ya kesi iliyodumu kwa miezi kadhaa, ikitoa hukumu hiyo bila yeye mwenyewe kuwepo, ikizingatiwa kwamba kiongozi huyo alikimbilia India baada ya machafuko ya kiangazi cha 2024. Mahakama ya Kimataifa ya Uhalifu ya Bangladesh yalipata ana hatia ya kuamuru ukandamizaji wa maandamano ya wanafunzi ya 2024, ambapo watu wapatao 1,400 waliuawa. Hasina amehukumiwa kifungo cha maisha na cha kifo kwa uhalifu dhidi ya ubinadamu, kwa kuamuru mauaji ya waandamanaji. Utetezi umesema kwamba mashtaka hayo "hayana msingi na yanachochewa kisiasa," ikiita kesi hiyo "kesi ya uwongo."Anayehukumiwa anaweza kukata rufaa kwa Mahakama Kuu. Hivi ndivyo hali ilivyojitokeza usiku wa kuamkia uchaguzi. Chama cha Awami League, chama cha Waziri Mkuu wa zamani Hasina, kilichopigwa marufuku na Tume ya Uchaguzi, hakikishiriki katika uchaguzi uliopangwa kufanyika miezi ya kwanza ya 2026. Subroto anasema: "Njia ya kuelekea uchaguzi bado haijawa wazi kabisa.
Kuna vikwazo kadhaa na maswali. Tunaona kwamba vyama vya wanafunzi vinaungwa mkono wa watu wengi. Lakini vyama vya Kiislamu vyenye msimamo mkali pia vimerejesha msingi na makubaliano. Hali ni tete sana," alisema. "Tunawaambia waamini wetu wawe macho, wenye busara, na kulinda imani, matumaini, na upendo. Tunaendelea na maisha yetu na utume wetu, tukimshuhudia Kristo katika nchi yetu," alihitimisha.
