Dekrete për çështjet e Shenjtërve: 50 Martirë dhe 4 të Nderuar

R.SH. / Vatikan

Rruga drejt lumturimit është hapur për 50 martirë të vrarë nga urrejtja për besimin në vitin 1936, gjatë persekutimeve antikatolike të ndërmarra nga anarkistët dhe komunistët gjatë Luftës Civile Spanjolle. Leoni XIV ka autorizuar Dikasterin e Vatikanit për Çështjet e Shenjtorëve të shpallë dekretet në lidhje me martirizimin e Stanislaus Ortega García dhe 48 shoqëruesve të tij, anëtarë të Institutit të Fretënve të Mësimit të Krishterë të Shën Gabrielit, si dhe meshtarit dioqezan Emanuele Berenguer Clusella.

Nga ana tjetër, do të bëhen «të Nderuar» një laik dhe tri murgesha. Ata janë Pietro Emanuele Salado Alba, misionar laik spanjoll i Shoqërisë "Hogar de Nazaret", i cili vdiq në moshën 46 vjeç në Ekuador në vitin 2012, ndërsa shpëtonte shtatë fëmijë nga mbytja. Rasti i tij u njoh si " jetë e ofruar për të tjerët", një parim i paraqitur nga Papa Françesku me motu proprio «Maiorem hac dilectionem».

U njohën gjithashtu virtytet heroike të murgeshës karmelitane të «zbathur» Maria Eletta di Gesù (me emrin dhe mbiemrin e vajzërisë: Caterina Tramazzoli), lindur në Terni dhe vdekur në Pragë në shekullin e 17-të, dhe Maria Tereza e Fort të Shenjtës Trini (emri dhe mbiemri i vajzërisë: Teresa Ysseldijk), murgeshë karmelitane hollandeze e Zemrës Hyjnore të Jezusit, e cila vdiq në St. Louis, SHBA, si dhe themeluesja e Motrave Terciare të Vogla të Shën Françeskut të Paolës, një grua gjenoveze që vdiq në vitin 1933.

Për të gjithë ata, të cilët bëhen «të Nderuar», kërkohet një mrekulli përpara se të vazhdohet me procesin e lumnimit – gjë që nuk kërkohet për martirët.