Kardinal Mendonça, Lutje Zojës: Mari, na mëso

R.SH. / Vatikan

Nga Kard. José Tolentino Mendonça:

Mari, na mëso…

Ç’ do të thotë të jesh shtatzënë me Zotin...

Mësona këtë art madhështor

e të arritshëm

për të lindur hyjnoren,

e për ta zgjuar Atë ngadalë në çdo zemër

si dritë të nevojshme,

kur nata nxin

e boshllëku bëhet gjithnjë më i rëndë…

Na mëso ta përqafojmë me shpresë

ligështinë e të tjerëve dhe tonën.

Të çlirohemi nga idealizimet

e sidomos, nga mashtrimet.

Na mëso besnikërinë ndaj të Gjithëpushtetshmit,

domethënë, kujdesin për të brishtin…

E mësona se udhëtimet e mëdha

varen nga hapat e vegjël….

Na mëso të zbulojmë brenda vetes

aftësinë për të shumëfishuar gëzimin;

për të ndërmjetësuar shpresën

për të hapur shtigje të reja;

e për fillime të reja.