Në një minutë dita e tretë e Papa Leonit XIV në Afrikë

R.SH. / Vatikan

Në ditën e tretë të udhëtimit apostolik në Afrikë, Leoni XIV la Algjerinë për të mbërritur në Kamerun. Në mëngjes, 15 prill, para nisjes, Papa u përshëndet me Nunciaturën Apostolike në Algjeri dhe vizitoi kopshtin Notre Dame d’Afrique, i drejtuar nga Motrat Misionare të Bamirësisë. Fluturimi papnor drejtuar për në kryeqytetin kamerunas, Jaunde, u ngrit nga aeroporti ndërkombëtar “Houari Boumédiène” në orën 10:16.

Me të mbërritur në aeroportin e Yaoundé-Nsimalen, Leoni XIV u prit nga Kryeministri Joseph Dion Ngute dhe nga nunci apostolik, kryeipeshkvi José Avelino Bettencourt. Më pas, Papa shkoi në Pallatin Presidencial ku takoi përfaqësuesit e autoriteteve, të shoqërisë civile dhe të trupit diplomatik. Presidenti Paul Biya mbajti një fjalim përshëndetës dhe mirëseardhjeje, i cili u pasua nga ai i Papës.

Në mbrëmje, Leoni XIV vizitoi jetimoren Ngul Zamba, një strukturë që mirëpret fëmijë dhe të rinj të varfër nga mosha 18 muajsh deri në 20 vjeç. Më pas, Papa u zhvendos në selinë e Konferencës Episkopale Kamerunase për një takim privat me ipeshkvijtë e vendit.