Pezullohen të gjitha audiencat e Papës në korrik, për pushimet verore

R.SH. – Vatikan

Siç është traditë gjatë verës, nga e marta e ardhshme, 2 korrik e deri në fund të muajit, do të pezullohen të gjitha audiencat e Papës Françesku: ato të përgjithshme të së mërkurës, së bashku me ato të veçanta e të posaçme. Njoftimi jepet nga Prefektura e Shtëpisë Papnore, me anë të një note të Sallës së Shtypit të Vatikanit, e cila informon se të gjitha pritjet e Atit të Shenjtë do të rifillojnë në muajin gusht, me audiencën e parë të përgjithshme, të mërkurën, më 7 gusht.