ഗാസയിൽ ലക്ഷക്കണക്കിനു കുഞ്ഞുങ്ങൾക്ക് പിള്ളവാത രോഗപ്രതിരോധ മരുന്ന്!

ജോയി കരിവേലി, വത്തിക്കാൻ സിറ്റി

ഗാസ മുനമ്പിൽ 6 ലക്ഷത്തി 3000-ത്തോളം കുട്ടികൾക്ക് പോളിയൊ, അഥവാ, പിള്ളവാത പ്രതിരോധ മരുന്നുനല്കി.

ഐക്യരാഷ്ട്രസഭയുടെ ശിശുക്ഷേമ നിധിയും (UNICEF) ലോകാരോഗ്യ സംഘടനയും (WHO) സംയുക്തമായി വെളിപ്പെടുത്തിയതാണിത്.

1660 സംഘമായി തിരിഞ്ഞാണ് ഇതു പൂർത്തിയാക്കിയതെന്നും 2024 സെപ്റ്റംബർ ഒക്ടോബർ മാസങ്ങളിൽ നടത്തിയതിനെ അപേക്ഷിച്ച്,  ഇത്തവണ കൂടുതലായി  40000-ത്തോളം കുട്ടികൾക്ക് പിള്ളവാത പ്രതിരോധമരുന്നു നല്കാൻ കഴിഞ്ഞെന്നും ഈ സംഘടനകൾ വ്യക്തമാക്കി.

10 വയസ്സിൽ താഴെ പ്രായമുള്ള കുഞ്ഞുങ്ങൾക്കാണ് ഈ മരുന്നു നല്കിയിരിക്കുന്നത്.