Патријархот Вартоломеј испрати порака до папата Фрањо

Цариградскиот патријарх во пораката му посакува на Римскиот епископ брзо и целосно закрепнување и брзо враќање, со Божја помош, на светите и тешки должности.

Рачно напишаното писмо Неговата Светост лично му го достави на кардинал Џорџ Куовакаде, шеф на големата делегација од Ватикан, кој го посети Фанар попладнето во вторник, 18 февруари 2025 година, како подготовка за посетата на Папата на Турција оваа пролет. За време на оваа посета, двајцата поглавари заедно ќе ја прослават историската 1700-годишнина од Првиот вселенски собор во Никеја.