Папата: Медицината не смее да го игнорира човечкото достоинство заради пазарни интереси
Папата Фрањо прими делегација од Стоматолошкиот оддел на Универзитетот во Неапол „Федерико II.“ во аудиенција, по повод 800-годишнината од основањето на споменатиот универзитет.
Како што им рече Светиот Отец, нивната институција сé уште го носи името на Фридрих II. Швапски, императорот кој го основал еден од најстарите универзитети во светот: „Годишнината што ја славите ве повикува вас докторите да се потсетите на светлата традиција на клиниката на која сте наследници. Сето ова е добро сумирано во слоганот што ги обединува учењето на грчкиот Хипократ со авторитетот на латинскиот Скрибониус: прво да не се наштети, потоа да се згрижи, а потоа да се лекува. Таквата проргама секогаш е добра и актуелна!“, додаде папата Фрањо.
Грижа за другите со близина, сочувство и нежност „Грижата за другите е врвно делување според Евангелието, како добриот Самарјанин, но тоа треба да се прави во „Божји стил“. Каков е Божјиот стил?“, праша Папата и продолжи: „Тоа се близина, сочувство и нежност. Покрај тоа, секоја личност треба да се третира во целост, а не само делумно“.
Нови технологии и етика
Присутните лекари ги потсети дека можат да наликуваат на Исус кој исцелувал секакви болести и слабости меѓу луѓето. Исто така додаде дека денес класичната мудрост се среќава со технологијата што брзо се развива, но нејзиниот развој никогаш не смее да се одвои од етиката.
„Во спротивно, занемарувањето на етиката би значело занемарување на човечкото достоинство, кое е еднакво за сите! Медицината ризикува да се подложи на интересите на пазарот и идеологијата, наместо да се посвети на доброто на животот при породување, животот во страдање и оскудица. Лекарот постои да се излечи злото: Ниту еден живот не смее да се отфрли. Секогаш бидете внимателни и пратете го секој живот до крај!“, нагласи Светиот Отец.
На крајот, Светиот Отец ги поттикна да ја негуваат науката која секогаш е во служба на луѓето, заблагодарувајќи им се за нивната стручност и доследност во извршувањето на нивната работа и да продолжат да ги подучуваат другите и по осумстотини години.
