Bondeko Sántu-Pie X, bokútáni ebongisami na dicastère po ya Matéya ya boyambi

Vatican News

Bokútáni yoko káti na mokambi ya dicastère po ya Matéya ya boyambi, episkopo ya lokúmu Victor Manuel Fernández, mpe sángó Davide Pagliarani, motomolo ya Bondeko ya bonganga Sántu-Pie X, etiamaki na póso ekoya. Waná elobamaki na mokambi ya Ndáko ya média ya Ngwendé ya Sántu-Petelo, Matteo Bruni, na eyano na mituná ya bapanzi nsango. "Bokútáni ena, elimboli molobeli ya Vatican, ekozala libakú ya lisoló ezanga loléngé, eye ekosálisa ya koyéba bisalelo ya makási ya lisoló bikokoka komema na bilembo ya malámu".

Nsango ebimi sima ya nsakola ya bokobi masoló káti ya Bondeko ya Sántu-Pie X mpe Ngwendé ya Sántu-Petelo, na "bolingi" ya "koboya bokabwani to biyano bikoúta ngambo yoko na botáli makambo bibimaki". Na 2 ya sánzá ya mibalé, Bondeko asakolaki, na communiqué yoko, ba bokulisi baepiskopo na mokolo ya yambo ya sánzá ya sambo na Likindo Sántu-Curé y'Ars na Flavigny-sur-Ozerain, na France. Kaka communiqué ya Bondeko Sántu-Pie X, etalisaki mokánda moko etindamaka na Ngwendé ya Sántu-Petelo epái wápi ebimisaki "lisengeli po ya Bondeko ya kokoba ministeli ya baepiskopo na ye". Ngwendé ya Sántu-Petelo, elimbolaki lisangá ya Ecône, etindaki "mokánda moko eye ekoyanola na ndéngé yoko te na ba bosenga na bisó", esika wápi mokáno ya kokoba nzelá elakisamaki.

Matondo mingi na ndéngé otángi lisoló liye.