Vatican abimisi application moko ya sika epesami po ya sántu Carlo Acutis

Vatican News

Application ya sika ya Bulamatari ya Letá ya Vatican epesami na sántu Carlo Acutis pe na makoki ya nzebi na ye ya informatique. Application ebongisi bokoti boko na lombango o ntéi ya site ya nsango ya www.vaticanstate.va, pe esálemi po ya kokomisa bokoti na nsango pete ya koleka lisusu, noki pe bokoki kokota úto bisalelo ya mabóko.

Kosálela application

Application ya sika ekosálisa ya kotála na lombango ba nsango, mayebisi pe boyebisi, na botomboli bôngó nzebi ya bosáleli pe ya bokoti na ba nsango. Na káti ya application yangó bizali bokoti boko na ba nsango pe na ba boyebisi ya Vatican; bolakisi ba nsango ya súka, bosáleli ya pete pe ya malongá po ya ba smartphone pe ba tablette; bokoti pe bosáleli elamu ya biloko ya káti.

Biténi y'application

Application ezali na biténi bikeseni: sántu ya mokolo, ba nsango pe masoló, ba vidéo pe ba singa (liens) bipai ya misála misusu ya bulamatari: buro ya philatélie pe numismatique, ba Musée ya Vatican, pharmacie ya Vatican, mosála ya mikánda ya Vatican, ba Villa ya Papá to observatoire ya Vatican. Bisalelo bisusu bikobakisama simá.

Likanisi liye ezali o ntéi ya molongó ya bobimisi internet etombolamaki na bulamatari, eye eloko ya koluka ezali kosálisa bomonisi (transparence), bozali pe bopanzi ba nsango na nzelá ya bisalelo ya sika. Application ya sika ekoki kozuama úto mokolo ya póso 3 ya sánzá ya yambo 2026 na téléchargement ya ofele

Matondo mingi na ndéngé otángi lisoló liye.