Robert Prevost akómaki Nganga-Nzambe o mokolo mwa 19 Yuni 1982
Bansango ya Vatikan
Bambula tuku minei na minei eleki, na ndako-nzambe ya Sainte-Monique, oyo ezali mosika te na Vatikan, Robert Prevost, oyo azalaki na mbula tuku mibale na nsambo, akulaki bonganga-Nzambe. Mbula mitano liboso, akotaki na Lingomba ya Saint-Augustin, mpe na 1981, asalaki elako enene. Na sànzà ya Setembe ya mobù mwango, akómaki na Collège international Sainte-Monique, na Roma, mpo na koyekola mibeko mya Lingomba ya Katolike na Université pontificale Saint-Thomas-d’Aquin (Angelicum).
Mwa basanza nsima, akulaki bonganga na esika oyo sima esengelaki ekómaki libótà lya yé. Prevost afandaki na Palais du Saint-Office kobanda 2023 mpe, kaka na mbula ena, na mokolo mwa 30 sanza ya libwa, Pápa François akómisaki ye kardinale mpe apesaki ye diaconie ya Sainte-Monique.
Na zali Mosàleli wa yo
Mwa elili moko oyo etikalaki elembo ya mokolo monà, ebimisaki mwa ekeko ya moke ya ekeke ya zomi na mitano (15è S) ya ekólo Russie; ezalaki kolakisa ekwelà enà. Maloba baponaki, ewùtaki na lisoló ya Saint Augustin ya 399 mpe ezali koloba ‘te: «Mpo na ngai, koleisa bino nyonso na limpa ya mpamba ezali likambo oyo nakoki kosala te. Kasi Liloba liye lizali likabo na bino. Nazali koleisa bino na yoko mesa oyo ezali mpe koleisa ngai. Nazali mosàleli na yo».
Bilako bya dioseze na ye
Kati na liyebisi moko, oyo dioseze ya Roma epai wapi azali episkopo, ezalaki kopesa ye malako malamu, ezali koloba ‘te: «Toyebi malamu mosala mwa ye mpe tozali kolendisama na bomipesi bwa ye ya mokolo na mokolo mpo na kosakola Bokonzi bwa Nzambe mpe koluka kimya». Dioseze elaki ‘te «ezali kosunga ye na bolingo mosusu ya sika, mpe na losambo ya basantu banso ya Nzambe ; bazali kosenga mpo na ye, makasi ya bato ba bosawa.
Tika ‘te Ngongo Mosantu wa Bolingo bwa Nzambe abatela ye mpe apambola to abenisa mosala mwa ye.
Matondi mingi na ndéngé otángi lisolo oyo. Soki olingi kozwa basàngo tango inso, mikomisa na mokanda na biso ya basàngo na kofina esika eye
