ತಡರಾತ್ರಿ ಇಸ್ರಾಯೇಲ್–ಇರಾನ್ ಹೊಸ ದಾಳಿಗಳ ವರದಿ
ಲೇಖಕರು: ನೇತನ್ ಮಾರ್ಲೆ
ಸ್ಥಳೀಯ ಮೂಲಗಳ ಪ್ರಕಾರ, ತೆಹ್ರಾನ್ ನಿವಾಸಿಗಳು ಈ ಇತ್ತೀಚಿನ ಬಾಂಬ್ ದಾಳಿ ಕುರಿತು ಇದುವರೆಗೆ ಕಂಡ “ಅತ್ಯಂತ ಭೀಕರ ರಾತ್ರಿ” ಎಂದು ವರ್ಣಿಸಿದ್ದಾರೆ.
ಹಿಂದಿನ ಪರಮೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ ಬಳಸಲು ನಿರ್ಮಿಸಲಾದ ಭೂಗರ್ಭ ಬಂಕರ್ನ್ನು ಸುಮಾರು 50 ಇಸ್ರಾಯೇಲಿ ಯುದ್ಧವಿಮಾನಗಳ ಕಾರ್ಯಾಚರಣೆಯಲ್ಲಿ ಧ್ವಂಸಗೊಳಿಸಲಾಗಿದೆ ಎಂದು ಇರಾನ್ ಅಧಿಕಾರಿಗಳು ತಿಳಿಸಿದ್ದಾರೆ.
ಇದಷ್ಟೇ ಅಲ್ಲದೆ, ಇಸ್ರಾಯೇಲ್ ರಕ್ಷಣಾ ಪಡೆ (IDF) ಬೈರೂತ್ ಮೇಲೆ “ವಿಸ್ತೃತ ಮಟ್ಟದ ದಾಳಿಗಳ ಅಲೆ” ನಡೆಸಿದೆ ಎಂದು ಪ್ರಕಟಿಸಿದೆ.
IDF ಹೇಳಿಕೆಯ ಪ್ರಕಾರ, ರಾತ್ರಿ ವೇಳೆ ಇರಾನ್ ಕೂಡ ಇಸ್ರಾಯೇಲ್ ಮೇಲೆ ಹೆಚ್ಚುವರಿ ದಾಳಿಗಳನ್ನು ನಡೆಸಿದೆ. ಸೌದಿ ಅರೇಬಿಯಾ, ಕತಾರ್ ಮತ್ತು ಬಹರೈನ್ ತಮ್ಮ ಪ್ರದೇಶಗಳತ್ತ ಬಂದ ಸ್ಪೋಟಕಗಳನ್ನು ತಡೆದಿರುವುದಾಗಿ ವರದಿ ಮಾಡಿವೆ.
ಇರಾನ್ನ ಇಸ್ಲಾಮಿಕ್ ಕ್ರಾಂತಿ ರಕ್ಷಣಾ ಪಡೆ (IRGC) ಪರ್ಷಿಯನ್ ಗಲ್ಫ್ ಪ್ರದೇಶದಲ್ಲಿರುವ ಅಮೆರಿಕ ಹಾಗೂ ಇಸ್ರಾಯೇಲ್ ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಿದೆ ಎಂದು ತಿಳಿಸಿದೆ. ಟೆಲ್ ಅವೀವ್, ಬೆನ್ ಗುೂರಿಯನ್ ವಿಮಾನ ನಿಲ್ದಾಣ ಹಾಗೂ ಹೈಫಾದಲ್ಲಿರುವ ಸೇನಾ ಸಂಕೀರ್ಣಗಳನ್ನೂ ಗುರಿಯಾಗಿಸಲಾಗಿದೆ ಎಂದು ಹೇಳಿದೆ.
ಅಮೆರಿಕ ರಕ್ಷಣಾ ಸಚಿವ ಪೀಟ್ ಹೆಗ್ಸೆತ್ ಮುಂದಿನ ದಿನಗಳಲ್ಲಿ ಇರಾನ್ ವಿರುದ್ಧ ಅಮೆರಿಕದ ದಾಳಿಗಳು “ಗಣನೀಯವಾಗಿ ಹೆಚ್ಚಾಗಲಿವೆ” ಎಂದು ತಿಳಿಸಿದ್ದಾರೆ.
ಇದೇ ವೇಳೆ (UK)ಯುನೈಟೆಡ್ ಕಿಂಗ್ಡಮ್ನಲ್ಲಿ ಉಪ ಪ್ರಧಾನಮಂತ್ರಿ ಡೇವಿಡ್ ಲ್ಯಾಮಿ ಮಧ್ಯಪ್ರಾಚ್ಯದಿಂದ ನಾಗರಿಕರನ್ನು ವಾಪಸು ತರಲು ಇನ್ನಷ್ಟು ವಿಮಾನಗಳನ್ನು ವ್ಯವಸ್ಥೆ ಮಾಡಲಾಗುತ್ತಿದೆ ಎಂದು ಹೇಳಿದ್ದಾರೆ. ಮಧ್ಯಪ್ರಾಚ್ಯದಿಂದ ಸರ್ಕಾರ ವ್ಯವಸ್ಥೆ ಮಾಡಿದ ಮೊದಲ ವಿಮಾನ ಲಂಡನ್ ಸ್ಟ್ಯಾನ್ಸ್ಟೆಡ್ ವಿಮಾನ ನಿಲ್ದಾಣಕ್ಕೆ ತಲುಪಿದೆ.
ಇದರ ನಡುವೆ ಬ್ರಿಟನ್ ಸರ್ಕಾರ ಸೈಪ್ರಸ್ ಕುರಿತ ತನ್ನ ಪ್ರಯಾಣ ಸಲಹೆಯನ್ನು ನವೀಕರಿಸಿದ್ದು, ಉಗ್ರ ದಾಳಿ ಸಂಭವಿಸುವ ಸಾಧ್ಯತೆಯನ್ನು ಸಂಪೂರ್ಣವಾಗಿ ನಿರಾಕರಿಸಲಾಗುವುದಿಲ್ಲ ಎಂದು ಎಚ್ಚರಿಸಿದೆ.
ವಿದೇಶಾಂಗ, ಕಾಮನ್ವೆಲ್ತ್ ಮತ್ತು ಅಭಿವೃದ್ಧಿ ಕಚೇರಿ (FCDO) ಹೇಳುವಂತೆ, ಬ್ರಿಟನ್ನ ಹಿತಾಸಕ್ತಿಗಳು ಹಾಗೂ ಬ್ರಿಟಿಷ್ ನಾಗರಿಕರನ್ನು ಗುರಿಯಾಗಿಸಿಕೊಂಡು ಉಗ್ರ ಸಂಘಟನೆಗಳಿಂದ ಜಾಗತಿಕ ಮಟ್ಟದಲ್ಲಿ ಉನ್ನತ ಮಟ್ಟದ ಭೀತಿ ಮುಂದುವರಿದಿದೆ.
ನಮ್ಮ ಲೇಖನವನ್ನು ಓದಿದ್ದಕ್ಕಾಗಿ ಧನ್ಯವಾದಗಳು. ನಮ್ಮ ದೈನಂದಿನ ಸುದ್ದಿಪತ್ರಕ್ಕೆ ಚಂದಾದಾರರಾಗುವ ಮೂಲಕ ನೀವು ಸದಾ ಇತ್ತೀಚಿನ ಮಾಹಿತಿಯನ್ನು ಪಡೆದುಕೊಳ್ಳಬಹುದು.(ಇಲ್ಲಿ ಕ್ಲಿಕ್ ಮಾಡಿ).
