ಸಿನೋಡ್ನ ದಾರಿದ್ರ್ಯ ಮತ್ತು ಪರಿಸರದ ಕುರಿತು, ಹಾಗೂ ಬಹುಪತ್ನಿತ್ವದ ಕುರಿತು ವರದಿಗಳನ್ನು ಪ್ರಕಟಿಸಿದೆ.
ವ್ಯಾಟಿಕನ್ ವರದಿ
ಸಿನೋಡ್ನ ಸಾಮಾನ್ಯ ಕಾರ್ಯದರ್ಶಾಲಯವು ಇಂದು ಅಧ್ಯಯನ ಗುಂಪು ಸಂಖ್ಯೆ 2 ರ “ಬಡವರ ಮತ್ತು ಭೂಮಿಯ ಕಿರುಚಾಟವನ್ನು ಆಲಿಸುವುದು” ಎಂಬ ವಿಷಯದ ಅಂತಿಮ ವರದಿ ಮತ್ತು ಆಫ್ರಿಕಾ ಹಾಗೂ ಮಡಗಾಸ್ಕರ್ನ ಎಪಿಸ್ಕೋಪಲ್ ಸಮಾವೇಶಗಳ ಸಿಂಪೋಸಿಯಂ (ಎಸ್ಇಸಿಎಎಂ) ಆಯೋಗದ “ಬಹುಪತ್ನಿತ್ವದ ಪಾಸ್ತೋರಲ್ ಸವಾಲು” ಕುರಿತ ವರದಿಯನ್ನು ಪ್ರಕಟಿಸಿದೆ. ಈ ಎರಡೂ ವರದಿಗಳು ತಮ್ಮ ವಿಷಯ ವೈವಿಧ್ಯತೆಯ ಮೂಲಕ ಧರ್ಮ ಸಭೆಯ ಸಿನೋಡಲ್ ಪ್ರಯಾಣಕ್ಕೆ ಸಾಕ್ಷಿಯಾಗುತ್ತವೆ ಆಲಿಸುವ, ವಿವೇಚಿಸುವ, ಜೊತೆಯಾಗಿ ನಡೆಯುವ ಮತ್ತು ಸುವಾರ್ತೆಯಲ್ಲಿ ನೆಲೆಗೊಂಡು ಪ್ರತಿಯೊಬ್ಬರಿಗೂ ಸಮೀಪವಾಗುವ ಧರ್ಮ ಸಭೆ.
ಅಧ್ಯಯನ ಗುಂಪು ಸಂಖ್ಯೆ 2 ರ ವರದಿ, ಬಡವರ ಮತ್ತು ಭೂಮಿಯ ಕಿರುಚಾಟವನ್ನು ಆಲಿಸುವುದು ಕ್ರೈಸ್ತ ಜೀವನದಲ್ಲಿ ಆಯ್ಕೆಯ ವಿಷಯವಲ್ಲ, ಆದರೆ ನಂಬಿಕೆಯ ಮೂಲಭೂತ ಕೃತ್ಯವೆಂದು ಒತ್ತಿಹೇಳುತ್ತದೆ. ಇದು ಪ್ರೀತಿ ಎಂಬ ದ್ವಂದ್ವ ಆಜ್ಞೆ ಮತ್ತು ಒಳ್ಳೆಯ ಸಮಾರಿಯನ ಉದಾಹರಣೆಯಲ್ಲಿ ನೆಲೆಗೊಂಡಿದೆ. “ಆಲಿಸುವುದು” ಎಂಬುದು ಕೇವಲ ಕೇಳುವುದಲ್ಲ, ಆದರೆ ಭೇಟಿಯಾಗುವುದು, ಸಮಸ್ಯೆಯನ್ನು ಅರ್ಥಮಾಡಿಕೊಳ್ಳುವುದು, ಕ್ರಮ ಕೈಗೊಳ್ಳುವುದು ಮತ್ತು ಆತ್ಮೀಯ ಬೆಂಬಲ ನೀಡುವುದು ಎಂಬ ಸಮಗ್ರ ಪ್ರಕ್ರಿಯೆ ಎಂದು ವಿವರಿಸಲಾಗಿದೆ.
ಈ ವರದಿ ಧರ್ಮ ಸಭೆಯೊಳಗಿನ ವಿವಿಧ ಸಾಧನಗಳನ್ನು—ಧಮ೯ಕೇಂದ್ರಗಳು, ಮೂಲ ಸಮುದಾಯಗಳು, ಚಳುವಳಿಗಳು, ದಾನ ಸಂಸ್ಥೆಗಳು ಮತ್ತು ಜಾಗತಿಕ ಜಾಲಗಳನ್ನು ಒಳಗೊಂಡು ಅವುಗಳ ಮಹತ್ವವನ್ನು ಗುರುತಿಸುತ್ತದೆ. ಜೊತೆಗೆ, ಪ್ರತಿಯೊಬ್ಬ ದೀಕ್ಷಿತನೂ ಸಹಜವಾಬ್ದಾರಿಯನ್ನು ಹೊರುವಂತೆ ಕರೆ ನೀಡುತ್ತದೆ. ವಿಶೇಷವಾಗಿ, ಅಂಚಿನಲ್ಲಿರುವವರ ಧ್ವನಿಯನ್ನು ಎತ್ತಿಹಿಡಿಯಲು ವಿಕಲಚೇತನರಿಗಾಗಿ ಧರ್ಮ ಸಭೆಯ ವೀಕ್ಷಣಾಲಯ ಸ್ಥಾಪಿಸುವುದನ್ನು ಪ್ರಸ್ತಾಪಿಸಲಾಗಿದೆ.
ಎಸ್ಇಸಿಎಎಂ ವರದಿ ಆಫ್ರಿಕಾ ಸಂಸ್ಕೃತಿ ಮತ್ತು ಕುಟುಂಬದ ಪವಿತ್ರತೆಯನ್ನು ಗಮನದಲ್ಲಿಟ್ಟುಕೊಂಡು ಬಹುಪತ್ನಿತ್ವದ ಸವಾಲನ್ನು ಪರಿಶೀಲಿಸುತ್ತದೆ. ಬೈಬಲ್ ದೃಷ್ಟಿಕೋನದಲ್ಲಿ, ಹಳೆಯ ಒಡಂಬಡಿಕೆಯಲ್ಲಿ ಇದನ್ನು ಸಹಿಸಲಾಗಿದ್ದರೂ, ಹೊಸ ಒಡಂಬಡಿಕೆಯಲ್ಲಿ ಯೇಸು ವಿವಾಹದ ಏಕತ್ವ ಮತ್ತು ಅವಿಭಾಜ್ಯತೆಯನ್ನು ಸ್ಪಷ್ಟಪಡಿಸುತ್ತಾನೆ. ಆದ್ದರಿಂದ ಕ್ರೈಸ್ತ ವಿವಾಹವು ಸ್ವಭಾವತಃ ಏಕಪತ್ನಿತ್ವದದ್ದೇ ಆಗಿದೆ ಎಂದು ಧರ್ಮ ಸಭೆ ದೃಢಪಡಿಸುತ್ತದೆ.
ಧರ್ಮಾಧಿಕಾರಿಗಳ ದೃಷ್ಟಿಯಿಂದ, ಬಹುಪತ್ನಿತ್ವವನ್ನು ಧರ್ಮ ಸಭೆ ಮಾನ್ಯತೆ ನೀಡುವುದಿಲ್ಲ ಮತ್ತು ಬಹುಪತ್ನಿತ್ವದಲ್ಲಿರುವವರು ದೀಕ್ಷೆಗೆ ಮುನ್ನ ಏಕಪತ್ನಿತ್ವವನ್ನು ಸ್ವೀಕರಿಸಬೇಕೆಂದು ಸೂಚಿಸುತ್ತದೆ. ಇದನ್ನು ತಿರಸ್ಕಾರವಾಗಿ ಅಲ್ಲ, ಆದರೆ ಕ್ರಿಸ್ತನ ಕರುಣೆಯಿಂದ ಪ್ರೇರಿತವಾದ ಸಹಾನುಭೂತಿಯ ಜೊತೆಯಾಗಿ ಕಾಣಬೇಕು. ಮಹಿಳೆಯರ ಗೌರವವನ್ನು ಈ ದೃಷ್ಟಿಕೋನದ ಕೇಂದ್ರವಾಗಿಟ್ಟುಕೊಳ್ಳಲಾಗಿದ್ದು, ಮರಿಯಮ್ಮನವರನ್ನು ಮಾದರಿಯಾಗಿ ನೀಡಲಾಗಿದೆ.
ಕೊನೆಯಲ್ಲಿ, ಆಫ್ರಿಕಾ ಸಮಾಜದಲ್ಲಿ ಬಹುಪತ್ನಿತ್ವ ಇನ್ನೂ ವಾಸ್ತವಿಕತೆಯಾಗಿದೆ ಎಂದು ಒಪ್ಪಿಕೊಳ್ಳುತ್ತದೆ. ಆದಾಗ್ಯೂ, ಸುವಾರ್ತೆಯ ಸಂದೇಶವನ್ನು ಹಂಚಿಕೊಳ್ಳುವಲ್ಲಿ ಸಂಸ್ಕೃತಿಯ ಅಡ್ಡಿಗಳು ಎದುರಾಗಬಹುದು. ಈ ಹಿನ್ನೆಲೆ, ಧರ್ಮ ಸಭೆ ಸಮೀಪದ ಧರ್ಮಾಧಿಕಾರಿಗಳ ಸೇವೆಯ ಮೂಲಕ ಪ್ರತಿಯೊಬ್ಬರನ್ನೂ ಸ್ವಾಗತಿಸಿ, ಕುಟುಂಬದ ಕರೆಯನ್ನೂ ಗುರಿಯನ್ನು ಸ್ಪಷ್ಟವಾಗಿ ಅರಿಯಲು ಸಹಾಯ ಮಾಡುವ ಅಗತ್ಯವಿದೆ ಎಂದು ಒತ್ತಿಹೇಳುತ್ತದೆ.
