ಕ್ರಿಸ್ ಪ್ರಾಟ್ ಸಂತ ಪೇತ್ರರ ಸಮಾಧಿಯ ಮೇಲೆ ಹೊಸ ಸಾಕ್ಷ್ಯಚಿತ್ರವನ್ನು ಪ್ರಸ್ತುತಪಡಿಸಲಿದ್ದಾರೆ

ಅಮೇರಿಕದ ನಟ ಕ್ರಿಸ್ ಪ್ರಾಟ್ ಈಗ ವಾಟಿಕನ್ ಸಮಾಧಿಗಳ ಕುರಿತು ಒಂದು ಸಾಕ್ಷ್ಯಚಿತ್ರವನ್ನು  ಚಿತ್ರೀಕರಿಸುತ್ತಿದ್ದಾರೆ. ವಾಟಿಕನ್ ಮಾದ್ಯಮ,  ಸಂತ  ಪೇತ್ರರ ಬಟ್ಟೆ ಮತ್ತು ಎಎಫ್ ಚಲನಚಿತ್ರಗಳು (ಫ್ರಾಂಕ್ ಅರಿಜಾ ಮತ್ತು ಮಾನು ವೇಗಾ) ನಿರ್ಮಿಸುತ್ತಿರುವ ಈ ಚಲನಚಿತ್ರವು, ಬಸಿಲಿಕಾ ಉದ್ಘಾಟನೆ ಮತ್ತು ಸಮರ್ಪಣೆಯ 400ನೇ ವಾರ್ಷಿಕೋತ್ಸವದ ಅಂಗವಾಗಿ 2026ರಲ್ಲಿ ಬಿಡುಗಡೆಯಾಗಲಿದೆ.

ವೇದಿಕೆಯಲ್ಲಿ  ಚಿತ್ರೀಕರಿಸುವ ಕಾರ್ಯವು ಸದ್ಯ ಸಂತ ಪೇತ್ರರ ಬಸಿಲಿಕಾ ಮತ್ತು ವಾಟಿಕನ್  ಸಮಾಧಿಯಲ್ಲಿ ನಡೆಯುತ್ತಿದೆ. ಅಪೋಸ್ತಲರಾದ ಪೇತ್ರರ ಸಮಾಧಿ ಪತ್ತೆಯ ಕುರಿತು ನಿರ್ಮಿಸಲಾಗುತ್ತಿರುವ ಈ ವಿಶೇಷ ಸಾಕ್ಷ್ಯಚಿತ್ರದಲ್ಲಿ ಕ್ರಿಸ್ ಪ್ರಾಟ್ ಪ್ರೇಕ್ಷಕರಿಗೆ ನಂಬಿಕೆ, ಇತಿಹಾಸ ಮತ್ತು ಪುರಾತತ್ವ ಶಾಸ್ತ್ರದ ಅನನ್ಯ ಪ್ರಯಾಣವನ್ನು ಮುನ್ನಡೆಸಲಿದ್ದಾರೆ.

ಕ್ರಿಸ್ ಪ್ರಾಟ್ ವಾಟಿಕನ್ ಸುದ್ದಿಗೆ ಹೀಗೆ ಹೇಳಿದರು:

“ಈ ಯೋಜನೆಯಲ್ಲಿ ಜಗದ್ಗುರು XIVನೇ ಲಿಯೋರವರು ಮತ್ತು ವಾಟಿಕನ್ ಜೊತೆ ಕೆಲಸ ಮಾಡುವುದು ಅಸಾಧಾರಣ ಗೌರವ. ಸಂತ ಪೇತ್ರರ ಕಥೆ ಕ್ರೈಸ್ತ ಧರ್ಮದ ಆಧಾರ. ಈ ಕಥೆಯನ್ನು ಚಿತ್ರರೂಪದಲ್ಲಿ ಜೀವಂತಗೊಳಿಸಲು ಪಡೆದಿರುವ ವಿಶ್ವಾಸ ಮತ್ತು ಅವಕಾಶಕ್ಕಾಗಿ ನಾನು ಆಳವಾದ ಕೃತಜ್ಞತೆ ಹೊಂದಿದ್ದೇನೆ.”ಎಂದಿದ್ದಾರೆ.

ಈ ಯೋಜನೆಗೆ ಎಎಫ್ ಚಲನಚಿತ್ರ ಸ್ಪೇನ್ ನ ನಿರ್ದೇಶಕಿ ಪಾಲಾ ಓರ್ಟಿಸ್ ಅವರನ್ನು ನಿರ್ದೇಶಕರಾಗಿ ಆಯ್ಕೆ ಮಾಡಿದೆ. ಆಂದ್ರೇಯಾ ಟೋರ್ನಿಯೆಲ್ಲಿ ಅವರ ಲೇಖನ, ಪಿಯೇಟ್ರೋ ಝಾಂಡರ್ ಅವರ ಸಹಯೋಗದೊಂದಿಗೆ ಸಿದ್ಧವಾಗಿರುವ ಈ ಸಾಕ್ಷ್ಯಚಿತ್ರವನ್ನು 2026ರಲ್ಲಿ, ಅಂದರೆ 1626ರ ನವೆಂಬರ್ 18ರಂದು ನಿರ್ಮಾಣಗೊಂಡಿರುವ ಇಂದಿನ ಸಂತ ಪೇತ್ರರ ಬಸಿಲಿಕಾ ಉದ್ಘಾಟನೆಯ 400ನೇ ವರ್ಷದ ಸಂದರ್ಭದಲ್ಲಿ ಬಿಡುಗಡೆ ಆಗಲಿದೆ.

ಬಸಿಲಿಕಾ ಇತಿಹಾಸ ಮತ್ತು ಪೇತ್ರರ ಜೀವನ

ಬಸಿಲಿಕಾ ಇತಿಹಾಸವು ಗಲಿಲಾಯದ ಮೀನುಗಾರನಾದ ಪೇತ್ರರ ಜೀವನಕ್ಕೆ ಆಳವಾಗಿ ಸಂಬಂಧಿಸಿದೆ. ಯೇಸು ಕ್ರಿಸ್ತರು ಅವರನ್ನು ಚರ್ಚಿನ ಮುಖ್ಯಸ್ಥರಾಗಿ ನೇಮಿಸಿದರು ಮತ್ತು ಅವರು ಕ್ರಿ.ಶ. 64ರಲ್ಲಿ ವಾಟಿಕನ್ ಪರ್ವತದ ಮೇಲೆ ರೋಮಿನಲ್ಲಿ ಶಹೀದರಾದರು. ಅತ್ಯಂತ ಹಳೆಯ ಕಾಲದಿಂದಲೇ, ಅವರ ಸಮಾಧಿಯ ಪ್ರದೇಶ ಭಕ್ತಿ ಮತ್ತು ಆರಾಧನೆಯ ಕೇಂದ್ರವಾಯಿತು. ಅನೇಕ ಕ್ರೈಸ್ತರು ತಮ್ಮನ್ನೂ ಅವರ ಸಮೀಪದಲ್ಲೇ ಸಮಾಧಿ ಮಾಡಲು ಬಯಸಿದರು.

ಹಂತ ಹಂತವಾಗಿ, ಇತಿಹಾಸ ಮತ್ತು ಪುನರಾಗ್ರಹಣದ (ಪುರಾತತ್ವ) ಸಾಕ್ಷಿಗಳೊಂದಿಗೆ, ಈ ಸಾಕ್ಷ್ಯಚಿತ್ರ ಪ್ರೇಕ್ಷಕರನ್ನು ಕಾಲದ ಪ್ರವಾಸಕ್ಕೆ ಕರೆದೊಯ್ಯುತ್ತದೆ, ಕೊನೆಗೆ ಸಂತ ಪೇತ್ರರ ಸಮಾಧಿಯ ಪತ್ತೆಗೆ ಇವರನ್ನು ಸಾಕ್ಷಿಗಳನ್ನಾಗಿಸುತ್ತದೆ.

ಚಕ್ರವರ್ತಿ ಕಾನ್ಸ್‌ಟ್ಟೈನ್ ವಾಟಿಕನ್ ಪರ್ವತವನ್ನು ಸಮತಟ್ಟಾಗಿಸಿ ಮೊದಲ ದೊಡ್ಡ ಬಸಿಲಿಕವನ್ನು ನಿರ್ಮಿಸುವಾಗ, ಪೇತ್ರರ ಸಮಾಧಿಯನ್ನು ಆ ರಚನೆಯೊಳಗೇ ಸಂರಕ್ಷಿಸಿದರು.

ಸಮಾಧಿ ಪತ್ತೆ – ಜಗದ್ಗುರುಗಳ ಘೋಷಣೆಗಳು

ಇತಿಹಾಸ ಮತ್ತು ಪುರಾತತ್ವ ಅನ್ವೇಷಣೆಗಳ ಮುಖೇನ, ಪ್ರೇಕ್ಷಕರು ವಾಟಿಕನ್ ಸಮಾಧಿಗಳಲ್ಲಿ  ಅಪೋಸ್ತಲರಾದ ಪೇತ್ರರ ಸಮಾಧಿಯ ಗುರುತಿನ ಬಗ್ಗೆ ತಿಳಿದುಕೊಳ್ಳುತ್ತಾರೆ.

1950ರಲ್ಲಿ ಜಗದ್ಗುರು XII ನೇ  ಭಕ್ತಿನಾಥರವರು , ತನ್ನ ದಶಕದ ಹಿಂದೆ ನೀಡಿದ್ದ ಆಜ್ಞೆಯ ಫಲವಾಗಿ, ಈ ಸಮಾಧಿಯ ಪತ್ತೆಯನ್ನು ಅಧಿಕೃತವಾಗಿ ಘೋಷಿಸಿದರು.

ಮುಂದಿನ ಅಧ್ಯಯನಗಳ ನಂತರ, 1968ರಲ್ಲಿ ಜಗದ್ಗುರು VI ನೇ ಪೌಲ್ ರವರು  ಹೀಗೆ ಘೋಷಿಸಿದರು:

ಸಂತ ಪೇತ್ರರ ಅವಶೇಷಗಳು ನಮಗೆ ವಿಶ್ವಾಸವನ್ನೇ ನೀಡುವ ರೀತಿಯಲ್ಲಿ ಗುರುತಿಸಲಾಗಿದೆ... ಅಪೋಸ್ತಲರ ನಾಯಕರಾದ ಪೇತ್ರರ ಕೆಲವು ಪವಿತ್ರ ಅವಶೇಷಗಳು ಪತ್ತೆಯಾಗಿವೆ ಎಂದು ನಾವು ನಂಬುಲು ಕಾರಣವಿದೆ.