ಜಗದ್ಗುರು ಲಿಯೋರವರು ಮಧ್ಯ ಇಟಲಿಯ ಪವಿತ್ರ ತ್ರಿತ್ವ ದೇವಾಲಯಕ್ಕೆ ಅನಿರೀಕ್ಷಿತ ಭೇಟಿ.

ವ್ಯಾಟಿಕನ್ ವರದಿ

ಮೌಂಟ್ ಆಟೋರೆ ಪರ್ವತದ ಬಂಡೆಯಲ್ಲಿ ನಿರ್ಮಿಸಲಾದ ಈ ಪುಣ್ಯಕ್ಷೇತ್ರವು ಮಧ್ಯ ಇಟಲಿಯ ಲಾಝಿಯೊ ಮತ್ತು ಅಬ್ರುಜ್ಜೊ ಪ್ರಾಂತ್ಯಗಳ ಗಡಿಯಲ್ಲಿದೆ.

ಜಗದ್ಗುರುಗಳ ಅಧಿಕಾರ ಸ್ಥಳ ಪ್ರಕಟಿಸಿದ ಟೆಲಿಗ್ರಾಂ ಪ್ರಕಟಣೆಯ ಪ್ರಕಾರ, ಜಗದ್ಗುರುಗಳು ಪುಣ್ಯಕ್ಷೇತ್ರದೊಳಗಿನ ಭಕ್ತಿಪೂರ್ವಕವಾಗಿ ಆರಾಧಿಸಲ್ಪಡುವ ಪವಿತ್ರ ತ್ರಿತ್ವದ ಭಿತ್ತಿಚಿತ್ರದ ಮುಂದೆ ಕೆಲಕಾಲ ಪ್ರಾರ್ಥನೆ ಸಲ್ಲಿಸಿದರು. ಬಳಿಕ ಅಲ್ಲಿದ್ದ ಭಕ್ತರು ಮತ್ತು ಧಾರ್ಮಿಕ ಸಮುದಾಯದ ಸದಸ್ಯರನ್ನು ಭೇಟಿಯಾಗಿ ಶುಭಾಶಯ ಕೋರಿದರು.

ಪ್ರಸ್ತುತ ಕಾಸ್ಟೆಲ್ ಗಾಂಡೋಲ್ಫೊದಲ್ಲಿ ಬೇಸಿಗೆಯ ವಿಶ್ರಾಂತಿಯನ್ನು ಕಳೆಯುತ್ತಿರುವ ಜಗದ್ಗುರು XIVನೇ ಲಿಯೋರವರು, ಮೊಂಟಿ ಸಿಂಬ್ರೂಯಿನಿ ಪರ್ವತಶ್ರೇಣಿಯಲ್ಲಿ ಸಮುದ್ರಮಟ್ಟದಿಂದ 1,800 ಮೀಟರ್‌ಗಿಂತಲೂ ಹೆಚ್ಚಿನ ಎತ್ತರದಲ್ಲಿರುವ ಈ ಪುಣ್ಯಕ್ಷೇತ್ರಕ್ಕೆ ಕಾರಿನಲ್ಲಿ ಪ್ರಯಾಣಿಸಿದರು.

ಈ ಪುಣ್ಯಕ್ಷೇತ್ರವು ಪ್ರಸಿದ್ಧ ಯಾತ್ರಾಸ್ಥಳವಾಗಿದ್ದು, ಪಂಚಶತ್ತಮ ಹಬ್ಬದ ಸಂದರ್ಭದಲ್ಲಿ ಹಾಗೂ ಜುಲೈ 26ರಂದು ಆಚರಿಸುವ ಸಂತ ಅಣ್ಣಮ್ಮನ ಹಬ್ಬದ ಪ್ರಯುಕ್ತ ಸಾವಿರಾರು ಭಕ್ತರು ಧ್ವಜಗಳನ್ನು ಹೊತ್ತು ಕಾಲ್ನಡಿಗೆಯಲ್ಲೇ ಪರ್ವತ ಮಾರ್ಗವನ್ನು ಏರಿ ಇಲ್ಲಿಗೆ ಯಾತ್ರೆ ಮಾಡುತ್ತಾರೆ.

ಪುಣ್ಯಕ್ಷೇತ್ರದ ಒಳಗಿನ ಗುಹೆಯಲ್ಲಿ ಅನೇಕ ಪ್ರಾಚೀನ ಭಿತ್ತಿಚಿತ್ರಗಳಿದ್ದು, ಅವುಗಳಲ್ಲಿ ಪವಿತ್ರ ತ್ರಿತ್ವವನ್ನು ಒಂದೇ ರೂಪದ ಮೂರು ಕ್ರಿಸ್ತರಾಗಿ ಚಿತ್ರಿಸಿರುವ ಬೈಜಾಂಟೈನ್ ಶೈಲಿಯ ಭಿತ್ತಿಚಿತ್ರ ವಿಶೇಷವಾಗಿ ಗಮನಾರ್ಹವಾಗಿದೆ.

ಪುಣ್ಯಕ್ಷೇತ್ರದಿಂದ ಹೊರಬರುವ ಮೆಟ್ಟಿಲುಗಳ ಕೆಳಭಾಗದಲ್ಲಿ, ನೈಸರ್ಗಿಕ ಬಂಡೆಯನ್ನು ಕೊರೆದು ನಿರ್ಮಿಸಲಾದ ಸಂತ ಅಣ್ಣಮ್ಮನ ಪ್ರಾರ್ಥನಾ ಮಂದಿರ ಇದೆ.

ಈ ಭೇಟಿ, ಜುಲೈ 20ರಂದು ಸೋಮವಾರ ಜಗದ್ಗುರು XIVನೇ ಲಿಯೋರವರು ಮೋಂಟೆಕಾಸ್ಸಿನೊ ಅಬ್ಬೆಗೆ ಖಾಸಗಿ ಭೇಟಿ ನೀಡಿ, ವಿಶ್ವಶಾಂತಿಗಾಗಿ ಪ್ರಾರ್ಥಿಸಿದ ಸಂದರ್ಭದ ಬಳಿಕ ನಡೆದಿದೆ.